ການເປັນຄົນສົມບູນແບບຢູ່ຕະຫລອດເວລາມີຜົນເສຍຫລືບໍ່

- advert banner 728 90 728x90 - ການເປັນຄົນສົມບູນແບບຢູ່ຕະຫລອດເວລາມີຜົນເສຍຫລືບໍ່

     ຈາກການສຶກສາຂອງ Thomas Curran ອາຈານຈາກ University of Bath  ປະເທດອັງກິດ ແລະ ຄະນະ ໄດ້ອະທິບາຍເຖິງອັນຕະລາຍຂອງການເປັນຄົນສົມບູນແບບຢູ່ຕະຫລອດເວລາ ຫລື perfectionism ທີ່ສົ່ງຜົນຕໍ່ສຸຂະພາບຮ່າງກາຍ ແລະ ສຸຂະພາບຈິດໄວ້ດັ່ງນີ້ :

- new3 - ການເປັນຄົນສົມບູນແບບຢູ່ຕະຫລອດເວລາມີຜົນເສຍຫລືບໍ່

     – perfectionism ອັນຕະລາຍຕໍ່ສຸຂະພາບຈິດ : ສິ່ງທີ່ຕາມມາຈາກການຍຶດຕິດໃນຄວາມສົມບູນແບບ ຫລື perfectionism ແມ່ນ ບັນຫາດ້ານສຸຂະພາບຈິດ ອັນໄດ້ແກ່ : ຄວາມກັງວົນ, ຄວາມກົດດັນ ແລະ ອາດຈະສົ່ງຜົນຕໍ່ການຕັດສິນໃຈຂ້າໂຕຕາຍກໍເປັນໄດ້ ເພາະກ່ອນໜ້ານີ້ ກໍມີວຽກງານວິໄຈທີ່ຄົ້ນພົບວ່າ : ຫລາຍກ່ວາເຄິ່ງໜຶ່ງຂອງຄົນທີ່ຂ້າໂຕຕາຍນັ້ນເປັນຄົນທີ່ຍຶດຕິດຄວາມ ສົມບູນແບບ ແລະ ຍັງມີການສຶກສາ ນທີ່ພົບວ່າ ການຂ້າໂຕຕາຍຂອງໄວໜຸ່ມ ແລະ ຄົນທີ່ຍັງຢູ່ໃນໄວບ່າວສາວ ມາຈາກຄວາມຄາດຫວັງໃນໂຕເອງສູງຈົນເກີນໄປ.

      ທັງນີ້ Curran ແລະ ຄະນະ ຍັງສຶກສາດ້ວຍວິທີການເກັບຂໍ້ມູນຈາກນັກສຶກສາມະຫາວິທະຍາໄລຫລາຍກ່ວາ 40.000 ຄົນ ທີ່ມີຄວາມຫລາກຫລາຍທາງເຊື້ອຊາດ ທັງອາເມລິກາ, ອັງກິດ ແລະ ການາດາ ຕັ້ງແຕ່ປີ 1989 ຈົນເຖິງ 2016 ແລ້ວພົບວ່າ ຊ່ວງໄວໜຸ່ມມີອັດຕາການເປັນ Perfectionism ໄດ້ ເຖິງ 33%. ນອກຈາກສ່ຽງຕໍ່ການເປັນພະຍາດຊຶມເສົ້າ ແລະ ກໍ່ໃຫ້ເກີດທ່າອ່ຽງທີ່ເຮັດໃຫ້ເລືອກຂ້າໂຕຕາຍແລ້ວ ຍັງສ່ຽງຕໍ່ການເປັນໄບໂພລ່າ (ฺBipolar) ນຳອີກ ເພາະມີການສຶກສາພົບວ່າ ສາເຫດທີ່ເຮັດໃຫ້ຄົນເປັນໄບໂພລ່າ ແມ່ນຄວາມວິຕົກກັງວົນ.

- lattana 1 - ການເປັນຄົນສົມບູນແບບຢູ່ຕະຫລອດເວລາມີຜົນເສຍຫລືບໍ່

     – Perfectionism ອັນຕະລາຍຕໍ່ສຸຂະພາບຮ່າງກາຍ : ນອກຈາກຜົນເສຍຕໍ່ສຸຂະພາບຈິດແລ້ວ ການເປັນ Perfectionism ກໍຍັງສົ່ງຜົນຕໍ່ສຸຂະພາບຮ່າງກາຍນຳອີກ. ການທີ່ຍຶດຕິດກັບຜົນຕອບຮັບທີ່ສົມບູນແບບ ແລະ ການຄາດຫວັງສູງອ່າວສົ່ງຜົນໃຫ້ເກີດຄວາມເຄັ່ງຄຽດຢູ່ຕະຫລອດເວລາ ຈົນອາດເຮັດໃຫ້ເປັນພະຍາດເຄັ່ງຄຽດສະສົມ ສົ່ງຜົນໃຫ້ເກີດບັນຫາສຸຂະພາບຕ່າງໆຕາມມາ ເຊັ່ນ : ຄວາມດັນເລືອດສູງ ເຊິ່ງອາດພັດທະນາກາຍເປັນພະຍາດໃນກຸ່ມພະຍາດຫົວໃຈ ແລະ ຫລອດເລືອດໄດ້ ໂດຍສະເພາະຢ່າງຍິ່ງ ຖ້າຫາກໃນກຸ່ມຄົນທີ່ມີພະຍາດປະຈຳໂຕ ເຊັ່ນ : ເບົາຫວານ, ຫົວໃຈ ແລະອື່ນໆ ກໍຈະສົ່ງຜົນໃຫ້ອາການຮຸນແຮງໄດ້ງ່າຍຂຶ້ນ ແລະ ຍັງສ່ຽງຕໍ່ການເສຍຊີວິດໄດ້ຫລາຍຂຶ້ນນຳ.

     – ວິທີການຮັບມືກັບ Perfectionism : Madeleine Ferrarນັກຈິດຕະວິທະຍາຈາກ  Australian Catholic University  ຊິດນີ ປະເທດອົດສະຕຣາລີ ພົບວ່າ ການສົງສານ ແລະ ເຫັນອົກເຫັນໃຈໂຕເອງຈະຊ່ວຍຫລຸດອາການຄວາມຜິດຫວັງສຳລັບ Perfectionism  ໄດ້. ການທີ່ເຮົາໃຈດີ ແລະ ເຫັນໃຈໃນໂຕເອງຫລາຍຂຶ້ນຈະຊ່ວຍຫລຸດຄວາມແຂງກະດ້າງທີ່ເກີດຂຶ້ນລະຫ່ວາງຄວາມຍຶດຕິດໃນສິ່ງທີ່ສົມບູນແບບກັບຄວາມຫົດຫູ່ຊຶມເສົ້າທີ່ເກີດຂຶ້ນໄດ້ ເພາະໃນບາງເທື່ອການຄາດຫວັງທີ່ສູງຈົນເກີນໄປ ກໍເກີນຂອບເຂດທີ່ເຮົາຈະເຮັດໄດ້ ໂຕເຮົາໃນຊ່ວງ 20 ປີ ອາດຈະບໍ່ສາມາດເຮັດໃນສິ່ງທີ່ຍາກຂະໜາດນັ້ນໄດ້ ນັ້ນກໍເປັນສິ່ງທີ່ຖືກແລ້ວ ສະນັ້ນ ຢ່າທຳຮ້າຍໂຕເອງຫລາຍເກີນໄປ.

error: Content is protected !!