​ເບິ່ງ​ຕື່ມ​ອາຊີບ​ສະຫງວນ​ໃຫ້​ກະສິກອນ​ເຮົາ

- advert banner 728 90 728x90 - ​ເບິ່ງ​ຕື່ມ​ອາຊີບ​ສະຫງວນ​ໃຫ້​ກະສິກອນ​ເຮົາ

​ໂດຍ: ທ່ຽງ​ທຳ

- new3 - ​ເບິ່ງ​ຕື່ມ​ອາຊີບ​ສະຫງວນ​ໃຫ້​ກະສິກອນ​ເຮົາ

ສະບາຍດີ, ​ເພື່ອນ​ຜູ້​ອ່ານ​ທີ່​ຮັກ​ແພງ, ຖ້າ​ເວົ້າ​ເລື່ອງ​ນີ້​ມາ​ເພື່ອນ​ຜູ້​ອ່ານ​ຫລານ​ຄົນ​ກໍ​ຈະ​ເສົ້າໃຈ​ນຳ.​ ​ໃນ​ເມື່ອ​ອາຊີບ​ຂອງ​ຊາວ​ໄຮ່​ຊາວນາ​ຜູ້​ຫາ​ເຊົ້າກິນ​ຄ່ຳ​ຂອງ​ປະຊາຊົນ​ເຮົາ​ຖືກ​ຍາດ​ແຍ່ງ​ໄປ​ຈາກ​ການ​ເຂົ້າມາ​ຂອງ​ແຮງ​ງານ​ຕ່າງ​ດ້າວ, ​ເຊິ່ງ​ເບື້ອງໜຶ່ງ​ກໍ​ພ້ອມ​ກັນ​ເອກອ້າງ​ວ່າ​ແມ່ນ​ການ​ລົງທຶນ​ຂອງ​ຕ່າງ​ຊາດ​ທີ່​ຈະ​ມາ​ພັດທະນາ​ເສດຖະກິດ-ສັງຄົມ​ເຮົາ​ໄດ້​ເຕີບ​ໃຫຍ່​ຂະ​ຫຍາ​ຍຕົວ, ​ແຕ່​ຕົວ​ຈິງ​ແລ້ວ​ການ​ລົງທຶນ​ເລົ່າ​ນັ້ນພຽງ​ເປັນ​ການ​ເຂົ້າມາ​ປະກອບ​ອາຊີບ​ຫາ​ຢູ່​ຫາ​ກິນ​ພຽງ​ກຸ້ມ​ປາກ​ກຸ້ມ​ທ້ອງ​ຂອງ​ເຂົາ​ເຈົ້າ​ເທົ່າ​ນັ້ນ​ເຊັ່ນ​ວ່າ: ມາ​ເປີດຮ້ານ​ຕັດ​ຜົມ, ​ເສີມ​ສວຍ, ຊອກ​ຕັດ​ເລັບຕີນ, ​ເລັບມື ຫລື ​ໃຫຍ່​ໄປ​ກວ່າ​ນັ້ນ ກໍ​ພຽງ​ການ​ເຂົ້າມາ​ຂາຍ​ເຄື່ອງ​ຍ່ອຍ​ຂາຍ​ໄຂ່​ເປັດ, ​ໄຂ່​ໄກ່, ປູກ​ຜັກ​ນາງ​ຫາງ​ຫຍ້າ, ລ້ຽງ​ປູ​ລ້ຽງ​ປາ ຫລື ປູກ​ກ້ວຍ​ປູກ​ອ້ອຍ ​ເຊິ່ງ​ແມ່ນ​ວຽກ ​ແລະ ອາຊີບ ທີ່​ປະຊາຊົນ​ເຮົາ​ເຮັດ​ເຄີຍໄດ້ເຮັດມາ, ​ແຕ່​ແລ້ວ​ສິ່ງ​ເຫລົ່ານັ້ນ​ໄດ້​ຖືກ​ຍາດ​ແຍ່ງ​ໄປ​ຈາກ​ແຮງ​ງານ​ພາຍ​ນອກ​ໄປ​ແລ້ວ.

     ປະຊາຊົນ​ເຮົາ ​ເຊິ່ງຜູ້​ເຄີຍ​ເຮັດ​ອາຊີບ​ນີ້​ນັບ​ມື້ທົດ​ຖອຍ​ເພາະ​ບໍ່​ສາມາດ​ແກ້ງ​ແຍ່ງ​ກັບ​ເຂົາ​ເຈົ້າ​ໄດ້​ນັບ​ທັງ​ຄວາມ​ຂະຫຍັນ, ຫົວຄິດ​ປະດິດ​ສ້າງທຶນຮອນ, ​ເຕັກນິກ​ວິຊາ​ການ​ຕະຫລອດ​ໄປ​ຮອດ​ການ​ຕະຫລາດ​ນັບ​ມື້ຖືກ​ກືນກິນ, ​ໃນ​ທີ່​ສຸດ​ກໍ​ມີ​ພຽງ​ເຂົາ​ຕະຫລາດ​ຊຸກ​ລໍ້​ໃຫ້​ເຂົາ​ເຈົ້າພໍ​ໄດ້ກິນ​ເຊົ້າກິນ​ແລ້ງ​ແລ້ວ​ຄວາມທຸກ​ຍາກ​ກໍ​ນັບ​ມື້ມາ​ຄອບ​ງຳ,​ໃນ​ບົດຂຽນ​ນີ້ ທ່ຽງ​ທຳ ຢາກ​ຂໍ​ຍົກ​ຂຶ້ນ​ເພື່ອ​ຂະ​ແໜງ​ມະຫາ​ພາກ​ພວກ​ເຮົາ​ມີ​ທິດ​ທາງ​ຊ່ວຍ​ແຮງ​ງານ​ຂັ້ນຕ່ຳ​ຂອງ​ລາວ​ເຮົາ​ໃຫ້​ສາມາດ​ຝື້ນຕົວ​ຂຶ້ນ​ໃນ​ທ່າມກາງ​ສະໜາມຮົບ​ການ​ຊອກ​ຢູ່​ຫາ​ກິນ​ອັນ​ຟົດ​ເດືອດ​ຂອງ​ຍຸກ​ສະ​ໄໝ​ນີ້, ວ່າ​ອັນ​ໃດ​ເຮົາ​ຄວນ​ສົ່ງ​ເສີມ​ໄວ້​ໃຫ້​ປະຊາຊົນ​ຜູ້​ຫາ​ເຊົ້າກິນ​ຄ່ຳ​ລາວ​ເຮົາ​ໄດ້​ເອົາ​ຕົວ​ຢູ່​ລອດ.

- lattana 1 - ​ເບິ່ງ​ຕື່ມ​ອາຊີບ​ສະຫງວນ​ໃຫ້​ກະສິກອນ​ເຮົາ

ພ້ອມ​ນີ້​ຂ້າພະ​ເຈົ້າຂໍ​ຍົກ​ເອົາ​ຜູ້​ເຄີຍ​ລ້ຽງ​ໄກ່, ປູກ​ຜັກ​ຢູ່​ຫລາຍ​ແຂວງ​ພາກ​ເໜືອ​ດັ່ງ​ຫລວງ​ນ້ຳທາ​, ອຸດົມ​ໄຊ, ​ແຕ່​ມາ​ປັດຈຸບັນ​ອາຊີບ​ເລົ່າ​ນັ້ນກໍ​ຖືກ​ຍາດ​ແຍ່ງ​ ​ໄປ​ແລ້ວ ​ແລະ ອີກ​ອາຊີບ​ໜຶ່ງ​ທີ່​ມີ​ຫລາຍ​ຄອບຄົວ ປະຊາຊົນ​ເຮົາ, ສາມາດ​ຫລຸດ​ພົ້ນອອກ​ຈາກ​ຄວາມທຸກ​ຍາກ​ໄດ້​ຍ້ອນ​ມັນ, ນັ້ນກໍ​ຄື​ການ​ລ້ຽງ​ປາ​ກະ​ຊັ່ງ​ແຕ່​ປັດຈຸບັນ ອາຊີບ​ນີ້​ກໍ​ຖືກ​ຕີ​ຖອຍ​ຈາກ​ແຮ​ງງານ​ພາຍ​ນອກ​​ນັບ​ແຕ່​ເມືອງ​ບູນ​ເໜືອ​ແຂວງ​ຜົ້ງສາລີ ລົງ​ໄປ​ຮອດ​ແຂວງ​ສາລະ​ວັນ, ບ່ອນ​ໃດ​ບ່ອນ​ໃດ​ກໍ​ຖືກ​ແກ້ງ​ແຍ່ງ​ຈາກ​ແຮງ​ງານ​ນອກ​ໄປ​ແລ້ວ ​ແລະ ປັດຈຸບັນ​ແຮງ​ງານ​ຂັ້ນຕ່ຳ​ລາວ​ເຮົາ​ມີ​ພຽງ​ກ້າວ​ໄປ​ສູ່​ການ​ເປັນ​ແຮງງານ​ຮັບຈ້າງ​ໃຫ້​ແກ່​ປາ​ກະ​ຊັ່ງ​ທີ່​ຕົນ​ເຄີຍ​ໄດ້​ເຮັດ​ມາມັນກໍ​ເປັນ​ບຸນ​ແລ້ວ, ມີ​ແຮງ​ງານ​ລາວ ຫລາຍ​ຄົນ​ສະ​ແດງ​ຄວາມ​ໝັກໃຈອອກ​ມາ​ວ່າ: “ບໍ່​ຮູ້​ວ່າ​ໃນ​ຫລາຍ​ປີ​ຕໍ່ໜ້າ​ນີ້​ເຮົາ​ຈະ​ຍັງ​ເຫລືອ​ອາຊີບ​ໃດ​ໃຫ້​ເຂົາ​ເຈົ້າຍາດ​ແຍ່ງ​ໄປ​ອີກ”./.

error: Content is protected !!