ກະຊວງການເງິນ ຊີ້ແຈງກ່ຽວກັບການປະຕິບັດມາດຕະການປະຢັດ ແລະຕ້ານການຟູມເຟືອຍ

- advert banner 728 90 728x90 - ກະຊວງການເງິນ ຊີ້ແຈງກ່ຽວກັບການປະຕິບັດມາດຕະການປະຢັດ ແລະຕ້ານການຟູມເຟືອຍ

ໃນວາລະດໍາເນີນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ VIII, ໃນວັນທີ 13 ພະຈິກນີ້, ໂດຍການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ. ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີ ກະຊວງການເງິນ ໄດ້ຊີ້ແຈງຕໍ່ຄໍາຊັກຖາມຂອງ ສສຊ ກ່ຽວກັບການຈັດຕັ້ງປະຕິບັດດຳລັດວ່າດ້ວຍການປະຢັດ ແລະ ຕ້ານການຟູມເຟືອຍ ແລະ ຄໍາສັ່ງວ່າດ້ວຍການປະຢັດລາຍຈ່າຍງົບປະມານຂອງລັດ.

- new3 - ກະຊວງການເງິນ ຊີ້ແຈງກ່ຽວກັບການປະຕິບັດມາດຕະການປະຢັດ ແລະຕ້ານການຟູມເຟືອຍ

ກະຊວງການເງິນ ໄດ້ສົມທົບກັບບັນດາກະຊວງ ແລະ ຂະແໜງການຕ່າງໆດໍາເນີນການກວດກາການສ້າງ ແລະ ການຈັດຕັ້ງປະຕິບັດແຜນລາຍຈ່າຍງົບປະມານແຫ່ງລັດຢ່າງຮັດກຸມຂຶ້ນກວ່າເກົ່າ ເພື່ອໃຫ້ການສ້າງແຜນງົບປະມານໃຫ້ປະຢັດ ແລະ ສອດຄ່ອງກັບແຜນວຽກບູລິມະສິດຂອງແຕ່ລະພາກສ່ວນຢ່າງແທ້ຈິງ, ປະຕິບັດການເບີກຈ່າຍເງິນເດືອນຕາມຈໍານວນພະນັກງານ-ລັດຖະກອນຕົວຈິງ, ຈໍາກັດການຊື້ໃໝ່ໂດຍສະເພາະແມ່ນພາຫະນະ.

ພ້ອມນັ້ນ, ຍັງໄດ້ດໍາເນີນການກວດກາຫຼັງການຈ່າຍງົບປະມານ. ປະສານສົມທົບ ແລະ ເຮັດວຽກຮ່ວມກັບບັນດາກະຊວງ, ຂະແໜງການ ຈໍານວນໜຶ່ງ ເພື່ອປຶກສາຫາລື, ແລກປ່ຽນບົດຮຽນ ກ່ຽວກັບວິທີການຈັດຕັ້ງປະຕິບັດບາງຮ່ວງລາຍຈ່າຍງົບປະມານບໍລິຫານຊຶ່ງເຫັນວ່າ: ບາງກະຊວງກໍໄດ້ລິເລີ່ມການຈັດຕັ້ງປະຕິບັດ ເພື່ອປະຢັດງົບປະມານຂອງລັດ, ເປັນຕົ້ນແມ່ນ ການຈັດຊື້ເຄື່ອງໃຊ້ຫ້ອງການ, ການຈັດຊື້ປີ້ຍົນ, ການເຊົ່າຈັກສຳເນົາເອກະສານ, ການບໍາລຸງຮັກສາແອເຢັນ ແລະ ການສ້ອມແປງພາຫະນະ ໂດຍມີການປະມູນລາຄາຫົວໜ່ວຍ ແລະ ເຮັດສັນຍາກັບບໍລິສັດ ຫຼືຮ້ານຄ້າທີ່ໃຫ້ການບໍລິຫານ ໃນຮູບແບບມອບເໝົາເປັນປີ ແລະ ອື່ນໆ.

ສໍາເລັດເບື້ອງຕົ້ນ ການຄົ້ນຄວ້າ ຮ່າງຄໍາແນະນໍາກ່ຽວກັບການປະຢັດລາຍຈ່າຍງົບປະມານຂອງລັດ ເພື່ອກໍານົດກົນໄກ ແລະ ວິທີການຈັດຕັ້ງປະຕິບັດໃຫ້ເປັນເອກະພາບ ແລະ ເປັນບ່ອນອີງໃຫ້ບັນດາຫົວໜ່ວຍງົບປະມານແຕ່ລະຂັ້ນ ນໍາໄປຈັດຕັ້ງປະຕິບັດການປະມູນຕາມທີ່ໄດ້ກໍານົດໄວ້ໃນກົດໝາຍວ່າດ້ວຍການຈັດຊື້-ຈັດຈ້າງດ້ວຍທຶນຂອງລັດ ແລະ ລະບຽບການກ່ຽວຂ້ອງອື່ນໆ.

- lattana 1 - ກະຊວງການເງິນ ຊີ້ແຈງກ່ຽວກັບການປະຕິບັດມາດຕະການປະຢັດ ແລະຕ້ານການຟູມເຟືອຍ

ພ້ອມທັງໄດ້ມີການກວດກາຄືນມູນຄ່າຂອງໂຄງການລົງທຶນຂອງລັດ ທີ່ເຫັນວ່າສູງຜິດປົກກະຕິ ແລະ ສາມາດປະຢັດງົບປະມານໄດ້ຈໍານວນຫຼາຍຄື: ໃນປີ 2017 ຜ່ານມາ, ສາມາດພົບເຫັນໂຄງການທີ່ມີມູນຄ່າສູງ ທັງໝົດ 18 ໂຄງການ ແລະ ສາມາດຕັດມູນຄ່າລົງ ລວມເປັນເງິນປະມານ 1.616 ຕື້ກວ່າກີບ ຫຼືປະມານ 200 ລ້ານໂດລາສະຫະລັດ ແລະ ໃນປີ 2018 ກວດເຫັນ 12 ໂຄງການ ສາມາດປະຢັດງົບປະມານຂອງລັດໄດ້ຕື່ມເກືອບ 2.000 ຕື້ກີບ ຫຼືປະມານ 219 ລ້ານໂດລາສະຫະລັດ.

ນອກນີ້, ລັດຖະບານໄດ້ຕົກລົງແຕ່ງຕັ້ງຄະນະສະເພາະກິດໜຶ່ງຂຶ້ນ ເພື່ອດໍາເນີນການກວດກາບັນດາໂຄງການລົງທຶນຂອງລັດ, ໂດຍການຊີ້ນໍາຂອງທ່ານ ຮອງນາຍົກລັດຖະມົນຕີ, ປະທານອົງການກວດກາລັດຖະບານ ປັດຈຸບັນຄະນະດັ່ງກ່າວ ພວມເລັ່ງດໍາເນີນການຢູ່.

error: Content is protected !!