ລັດ ຈະສຸມໃສ່ພັດທະນາກະສິກຳ​ໃຫ້​ຫລາຍ​ຂຶ້ນ

- advert banner 728 90 728x90 - ລັດ ຈະສຸມໃສ່ພັດທະນາກະສິກຳ​ໃຫ້​ຫລາຍ​ຂຶ້ນ

      ທ່ານ ລຽນ ທິແກ້ວ ລັດຖະມົນຕີ ກະຊວງກະສິກຳ ແລະ ປ່າໄມ້ ໄດ້ຊີ້ແຈງຕໍ່ຄຳຊັກຖາມຂອງສະ ມາຊິກສະພາແຫ່ງຊາດໃນວາລະການດໍາເນີນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ VIII ໃນວັນທີ 13 ພະຈິກນີ້ວ່າ: ວຽກງານເລັ່ງດ່ວນ ແມ່ນຈະສຳຫລວດທ່າແຮງບົ່ມຊ້ອນດ້ານຊັບພະຍາກອນດິນໃນທົ່ວປະເທດ, ​ເພື່ອສົ່ງເສີມໃຫ້ຄອບຄົວ, ທຸລະກິດຂະໜາດນ້ອຍ ແລະ ກາງ ເພີ່ມທຶນຮອນເຂົ້າໃນການຄົ້ນຄວ້າວິທະຍາສາດດ້ານກະສິກຳ ແລະ ປ່າໄມ້ໃຫ້ເປັນລະບົບ ແລະ ຕໍ່ເນື່ອງ, ຊຸກຍູ້ສົ່ງເສີມການຜະລິດຂອງຄອບຄົວປະຊາຊົນເຂົ້າເປັນກຸ່ມ, ຕື່ນຕົວຈັດຕັ້ງເປັນສະຫະກອນ ແລະ ເປັນຟາມ, ລວມທັງພັດທະນາຊັບພະຍາກອນມະນຸດຂອງຂະແໜງກະສິກຳ ແລະ ປ່າໄມ້.

- new3 - ລັດ ຈະສຸມໃສ່ພັດທະນາກະສິກຳ​ໃຫ້​ຫລາຍ​ຂຶ້ນ

ສະໜອງທຶນໃຫ້ແກ່ຜູ້ຜະລິດດ້ວຍການປັບປຸງ ແລະ ສ້າງຄວາມເຂັ້ມແຂງໃຫ້ກອງທຶນບ້ານ ໂດຍຕ້ອງເຮັດໃຫ້ນະໂຍບາຍດ້ານສິນເຊື່ອ ຂອງທະນາຄານສົ່ງເສີມກະສິກຳ, ທະນາຄານນະໂຍບາຍ ແລະ ການເງິນຈຸລະພາກ ໄປສົ່ງເສີມເປົ້າໝາຍດຽວກັນ, ໄປພ້ອມໆກັບການຝຶກອົບຮົມໃຫ້ກຸ່ມ, ໃຫ້ຄອບຄົວ ເພື່ອໃຫ້ເຂົ້າໃຈການບໍລິຫານເສດຖະກິດກະສິກຳຕົນເອງ ເປັນຕົ້ນແມ່ນ ການເຂົ້າຫາແຫລ່ງທຶນ, ການຕະຫລາດ, ຂໍ້ມູນ ແລະ ຮູ້ນໍາໃຊ້ເຕັກນິກທີ່ທັນສະໄໝ ເພື່ອຍົກສະມັດຕະພາບການຜະລິດໃຫ້ສູງຂຶ້ນ.

- lattana 1 - ລັດ ຈະສຸມໃສ່ພັດທະນາກະສິກຳ​ໃຫ້​ຫລາຍ​ຂຶ້ນ

       ພ້ອມດຽວກັນ, ກໍຈັດຕັ້ງກຸ່ມການຜະລິດໃຫ້ເຂັ້ມແຂງ ເປັນຕົ້ນແມ່ນກຸ່ມກະສິກໍາສະອາດ, ກຸ່ມກະ ສິກຳອິນຊີ ກ້າວໄປເຖິງຈັດຕັ້ງສະຫະກອນ, ສະມາຄົມ ໂດຍເອົາສູນກະສິກຳສະອາດເປັນໃຈກາງ ແລະ ຈັດຕັ້ງຕະຫລາດຂາຍຍົກໃຫ້ແກ່ຊາວກະສິກອນ ໂດຍລັດສະໜັບສະໜູນດ້ານທຶນຮອນສ່ວນໜຶ່ງ ແລະ ການບໍລິຫານຈັດການດ້ວຍການປະຕິບັດ ຊື້ແພງຂາຍຖືກ ເພື່ອຫລຸດຜ່ອນບົດບາດຂອງພໍ່ຄ້າມືກາງ. ນອກ ຈາກນັ້ນ ກໍພັດທະນາຊັບພະຍາກອນມະນຸດໃນຂະແໜງກະສິກຳ ແລະ ປ່າໄມ້ ເພື່ອສ້າງຜູ້ພາປູກ-ພາລ້ຽງໃຫ້ພຽບພໍ, ລວມທັງເອົາໃຈໃສ່ການຄົ້ນຄວ້າວິທະຍາສາດ ເພື່ອພັດທະນາແນວພັນພືດ, ແນວພັນສັດ ໃຫ້ມີຄຸນນະພາບສູງ.

error: Content is protected !!