ລັດ​ແກ້​ໄຂການ​ເກັບ​ອາກອນທີ່​ບໍ່​ສອດຄ່ອງ​ຕາມ​ການສະ​ເໜີ​ຂອງນັກ​ລົງທຶນ

- advert banner 728 90 728x90 - ລັດ​ແກ້​ໄຂການ​ເກັບ​ອາກອນທີ່​ບໍ່​ສອດຄ່ອງ​ຕາມ​ການສະ​ເໜີ​ຂອງນັກ​ລົງທຶນ

  ທ່ານ​ ນາງ ວາລີ ​ເວ​ດສະ​ພົງ ຮອງ​ປະທານ​ສະພາກ​ານຄ້າ ​ແລະ ອຸດສາຫະກໍາ​ແຫ່ງ​ຊາດ ​ໃຫ້​ຮູ້​ວ່າ: ​ມາ​ຮອດ​ປັດຈຸບັນ, ລັດຖະບານ​ໄດ້ປັບປຸງ​​ແກ້​ໄຂ​ບັນຫາການ​ເກັບ​ອາກອນຫລາຍ​ປະ​ເພດທີ່​​ເຫັນ​ວ່າບໍ່​ສອດຄ່ອງ​ຕາມ​ການສະ​ເໜີ​ຂອງ​ນັກ​ລົງທຶນ ​ເປັນຕົ້ນ: ການ​ເກັບອາກອນ​ມູນ​ຄ່າ​ເພີ່ມ​ຈາກ​ລາຍ​ຮັບ​ຂອງ​ທະນາຄານ​ທີ່​ບໍ່​ແມ່ນ​ດອກ​ເບ້ຍ, ການ​ເກັບອາກອນ​ມູນ​ຄ່າ​ເພີ່ມຈາກ​ຄ່າ​ບໍ​ລິ​ການ​ຂົນ​ສົ່ງ​ສິນຄ້າ​ຜ່ານ​ແດນ ​ແລະ ການ​ເກັບ​ອາກອນ​ຊົມ​ໃຊ້​ອິນ​ເຕີ​​ເນັດ.

- new3 - ລັດ​ແກ້​ໄຂການ​ເກັບ​ອາກອນທີ່​ບໍ່​ສອດຄ່ອງ​ຕາມ​ການສະ​ເໜີ​ຂອງນັກ​ລົງທຶນ

  ຮອງ​ປະທານ​ສະພາ​ການ​ຄ້າ ​ແລະ ອຸດສາຫະກໍາ​ແຫ່ງ​ຊາດ ກ່າວ​ວ່າ: ພາຍຫລັງມີນັກ​ລົງທຶນ ກໍ​ຄືຜູ້​ປະກອບ​ການ ສະ​ເໜີ​ຂໍ​ຍົກ​ເວັ້ນອາກອນ​ມູນ​ຄ່າ​ເພີ່ມ​ປະ​ເພດ​ດັ່ງກ່າວ​ໃນ​ກອງ​ປະຊຸມ​ທຸ​ລະ​ກິດ​ຄັ້ງ​ທີ 11 ຜ່າ​ນມາ, ຈາກ​ນັ້ນ​ກະຊວງ​ການ​ເງິນ​ກໍ​ໄດ້​ຄົ້ນຄວ້າ ​ແລະ ກໍານົດ​​ເພີ່ມໃນ​ກົດໝາຍ​ອາກອນ​ມູນ​ຄ່າ​ເພີ່​ມສະບັບ​ປັບປຸງ​ປີ 2018 ​ໃນ​ມາດຕາ 12 ລະບຸ​ວ່າ: ​ໃຫ້​ດອກ​ເບ້ຍ​ເງິນ​ຝາກ, ດອກ​ເບ້ຍ​ເງິນ​ກູ້,​ ລາຍ​ຮັບຈາກ​ການ​ໂອນ​ເງິນ, ກໍາ​ໄລ​ຈາກ​ອັດຕາ​ແລກປ່ຽນ ​ແລະ ທຸລະ​ກໍາ​ດ້ານ​ການ​ເງິນ​ອື່ນໆ ຈາກ​ການ​ເຄື່ອນ​ໄຫວ​ຂອງ​ທະນາຄານທຸລະ​ກິດ ຫລື ສະ​ຖາ​ບັນ​ການ​ເງິ​ນອື່ນ​ທີ່​ໄດ້​ຮັບອະນຸຍາດ​ຈາກ​ທະນາຄານ​ແຫ່ງ ສປປ ລາວ ​ໃຫ້​ຍົກ​ເວັ້ນອາກອນ​ມູນ​ຄ່າ​ເພີ່ມ, ​​ພ້ອມດຽວ​ກັນ​ນັ້ນ ກົດໝາຍ​ສະບັບ​ດັ່ງກ່າວ ກໍ​ໄດ້​ຍົກ​ເວັ້ນການ​ເກັບອາກອນ​ມູນ​ຄ່າ​ເພີ່ມ​ຈາ​ກການ​ຂົນ​ສົ່ງ​ຜ່ານ​ແດນ​ສາກົນນໍາ​ອີກ.

- lattana 1 - ລັດ​ແກ້​ໄຂການ​ເກັບ​ອາກອນທີ່​ບໍ່​ສອດຄ່ອງ​ຕາມ​ການສະ​ເໜີ​ຂອງນັກ​ລົງທຶນ

ນອກ​ນີ້, ​ກະຊວງ​ການ​ເງິນ ຍັງ​ໄດ້​ກໍານົດໃນ​ກົດໝາຍ​ອາກອນ​ຊົ​ມ​ໃຊ້​ໃຫ້​ເກັບ​ອາກອນ​ຊົມ​ໃຊ້​ຈາກ​ການ​ບໍລິການ​ອິນ​ເຕີ​ເນັດ​ຈາກ 10% ​ລົງ​ມາ​​ເຫລືອ 3% ​ແລ້ວ, ​ເນື່ອຈາກ​ເຫັນ​ວ່າ​ອິນ​ເຕີ​ເນັດ​ແມ່ນ​ມີ​ຄວາມ​ສໍາຄັນ ​ແລະ ຈໍາ​ເປັນ​ໃນ​ການ​ນໍາ​ໃຊ້​ສຶກສາ​ຄົ້ນ​ຄວ້າ, ວິ​ໄຈ ​ແລະ ພັດທະນາ​ປະ​ເທດ ຈຶ່ງ​ບໍ່​ຖື​ວ່າ​​ອິນ​ເຕີ​ເນັດ​ເປັນ​ສີນ​ຄ້າ​ຟູມ​ເຟືອຍ.   ​    

error: Content is protected !!