ອິ​ຕາ​ລີ​ປະ​ກາດ​ໃຫ້​ນ້ຳ​ຖ້ວມ​ເມືອງ​ເວ​ນິ​ສເປັນ​ສະ​ຖາ​ນະ​ການ​ສຸກ​ເສີນ​ລະ​ດັບ​ປະ​ເທດ

- advert banner 728 90 728x90 - ອິ​ຕາ​ລີ​ປະ​ກາດ​ໃຫ້​ນ້ຳ​ຖ້ວມ​ເມືອງ​ເວ​ນິ​ສເປັນ​ສະ​ຖາ​ນະ​ການ​ສຸກ​ເສີນ​ລະ​ດັບ​ປະ​ເທດ

     ລັດ​ຖະ​ບານ​ອິ​ຕາ​ລີ​ປະ​ກາດ​ໃຫ້​ສະ​ຖາ​ນະ​ການ​ນ້ຳ​ຖ້ວມ​ກະ​ທັນ​ຫັນ​ຢູ່​ເມືອງ​ເວ​ນິ​ສ ທາງ​ຕອນ​ເໜືອ​ຂອງ​ປະ​ເທດ ເຊິ່ງ​ເປັນ​ຜົນ​ຈາກ​ລະ​ດັບ​ນ້ຳ​ຂຶ້ນ​ສູງ​ສຸດ​ໃນ​ຮອບ 53 ປີ ເປັນ​ສະ​ຖາ​ນະ​ການ​ສຸກ​ເສີນ​ລະ​ດັບ​ປະ​ເທດ ແລະ ຈັດ​ສັນ​ງົບ​ປະ​ມານ​ຈາກ​ສູນ​ກາງ​ໃນ​ເບື້ອງ​ຕົ້ນ​ທັນ 20 ລ້ານ​ເອີ​ໂຣ.

- new3 - ອິ​ຕາ​ລີ​ປະ​ກາດ​ໃຫ້​ນ້ຳ​ຖ້ວມ​ເມືອງ​ເວ​ນິ​ສເປັນ​ສະ​ຖາ​ນະ​ການ​ສຸກ​ເສີນ​ລະ​ດັບ​ປະ​ເທດ

     ສຳ​ນັກ​ຂ່າວ​ຕ່າງ​ປະ​ເທດ​ລາຍ​ງານ​ວ່າ: ນາ​ຍົກ​ລັດ​ຖະ​ມົນ​ຕີ ຈູ​ເຊບ​ເປ ຄອນ​ເຕ ລົງ​ນາມ​ໃນ​ເອ​ກະ​ສານ​ຄຳ​ສັ່ງ​ໃນ​ວັນ​ທີ 14 ພະ​ຈິກນີ້ ປະ​ກາດ​ໃຫ້​ສະ​ຖາ​ນະ​ການ​ນ້ຳ​ຖ້ວມ​ກະ​ທັນ​ຫັນ​ຢູ່​ເມືອງ​ເວ​ນິ​ສ ເຊິ່ງ​ເປັນ​ຜົນ​ມາ​ຈາກ​ລະ​ດັບ​ນ້ຳ​ຂຶ້ນ​ສູງ​ສຸດ​ໃນ​ຮອບ 53 ປີ ເປັນ​ສະ​ຖາ​ນະ​ການ​ສຸກ​ເສີນ​ລະ​ດັບ​ປະ​ເທດ ແລະ ລັດ​ຖະ​ບານ​ກາງ​ໃນ​ນະ​ຄອນ​ຫລວງ​ໂຣມ​ຈັດ​ສັນ​ງົບ​ປະ​ມານ​ຈຳ​ນວນ​ທຳ​ອິດ 20 ລ້ານ​ເອີ​ໂຣ ຈາກກອງ​ທຶນ​ສຸກ​ເສີນ ມອບ​ໃຫ້​ເທ​ສະ​ບານ​ເມືອງ​ເວ​ນິ​ສ​ທັນ​ທີ ເພື່ອ​ໃຊ້​ສຳ​ລັບ​ຟື້ນ​ຟູ​ພື້ນ​ທີ່ ແລະ ຊ່ວຍ​ເຫລືອ​ປະ​ຊາ​ຊົນ​ທີ່​ໄດ້​ຮັບ​ຜົນ​ກະ​ທົບ.

     ການ​ເຄື່ອນ​ໄຫວ​ຂອງ​ຜູ້​ນຳ​ອິ​ຕາ​ລີ​ເກີດ​ຂຶ້ນ​ຫລັງ​ທ່ານ ລຸຍ​ຈິ ບ​ຣຸກ​ນາ​ໂຣ ເຈົ້າ​ເມືອງ​ເວ​ນິ​ສ ປະ​ກາດ​ສະ​ຖາ​ນະ​ການ​ສຸກ​ເສີນ​ລະ​ດັບ​ເມືອງ ໃນ​ວັນ​ທີ 13 ພະ​ຈິກນີ້ ໂດຍ​ກ່າວ​ອີກວ່າ: ຫລັງ​ລະ​ດັບ​ນ້ຳ​ຂຶ້ນ​ທີ່​ສູນ​ເຝົ້າ​ລະ​ວັງ​ແທກ​ໄດ້ 1,87 ແມັດ ໃນ​ຄືນ​ຂອງວັນ​ທີ 12 ພະ​ຈິກ ສູງ​ທີ່​ສຸດ​ນັບ​ແຕ່​ສະ​ຖິ​ຕິ​ໃນ​ປີ 1966 ເຊິ່ງ​ແທກ​ໄດ້ 1,94 ແມັດ ສົ່ງ​ຜົນ​ໃຫ້​ເກີດ​ນ້ຳ​ຖ້ວມ​ກະ​ທັນ​ຫັນ​ທົ່ວ​ເມືອງ ແລະ ສະ​ຖາ​ນະ​ການ​ຍິ່ງ​ຮ້າຍ​ແຮງ​ຂຶ້ນ ເມື່ອ​ນ້ຳ​ຂຶ້ນ​ສູງກວ່າ​ປົກ​ກະ​ຕິ​ເປັນ​ຮອບ​ທີ 2 ໃນ​ວັນ​ທີ 13 ພະ​ຈິກ ສົ່ງ​ຜົນ​ໃຫ້​ມີ​ມວນ​ນ້ຳ​ໃໝ່​ໄຫລ​ເຂົ້າ​ສູ່​ຕົວ​ເມືອງ​ອີກ.

     ທັງ​ນີ້ ທຸກ​ຝ່າຍ​ມີ​ຄວາມ​ກັງ​ວົນ​ຕໍ່​ຄວາມ​ເສຍ​ຫາຍ​ທີ່​ເກີດ​ຂຶ້ນ​ຕໍ່​ສະ​ຖານ​ທີ່​ສຳ​ຄັນ​ທາງ​ປະ​ຫວັດ​ສາດ​ທຸກ​ແຫ່ງ​ໃນ​ເມືອງ ໂດຍ​ສະ​ເພາະ​ມະ​ຫາ​ວິ​ຫານ​ຊຳ​ມາ​ໂກ ຫລື ເຊນ​ມາກ ແລະ ຈະ​ຕຸ​ລັດ​ຊັນ​ມາ​ໂກ ເຊິ່ງ​ຕັ້ງ​ຢູ່​ທາງ​ໜ້າ​ມະ​ຫາ​ວິ​ຫານ ຈົມ​ຢູ່​ໃຕ້​ນ້ຳ​ເປັນ​ຄັ້ງ​ທີ 6 ໃນ​ຮອບ 1.200 ປີ ແຕ່​ເປັນ​ຄັ້ງ​ທີ 4 ພາຍ​ໃນ​ໄລ​ຍະ 2 ທົດ​ສະ​ວັດ​ຜ່ານ​ມາ.

      ທ່ານ ນາງ ເພົາ​ລາ ເດິ ມິ​ເຊ​ລີ ລັດ​ຖະ​ມົນ​ຕີ​ກະ​ຊວງ​ໂຄງ​ສ້າງ​ພື້ນ​ຖານ ແລະ ຄົມ​ມະ​ນາ​ຄົມ​ຂອງ​ອິ​ຕາ​ລີ ຢືນ​ຢັນ​ໂຄງ​ການກໍ່​ສ້າງ​ກຳ​ແພງ​ກັ້ນ​ນ້ຳ​ເມ​ກະ​ໂປ​ເຈັກ​ປ້ອງ​ກັນ​ນ້ຳ​ຖ້ວມ​ຂອງ​ເມືອ​ເວ​ນິ​ສ​ທີ່​ລິ​ເລີ່ມ​ມາ​ແຕ່​ປີ 1966 ແຕ່​ຈົນ​ເຖິງ​ຕອນນີ້​ຍັງ​ບໍ່​ສຳ​ເລັດ ເນື່ອງ​ຈາກ​ການ​ສໍ້​ລາດ​ບັງ​ຫລວງ​ໃນ​ຫລາຍ​ລະ​ດັບ ຈະ​ໃຊ້​ການ​ໄດ້​ຢ່າງ​ແນ່ນອນ​ພາຍ​ໃນ​ປີ 2021 ແລະ ຖ້າ​ເປັນ​ໄປ​ໄດ້ກຳ​ແພງ​ກັ້ນ​ນ້ຳ​ບາງ​ສ່ວນ​ຄວນ​ໃຊ້​ງານ​ໄດ້​ໄວ​ກວ່ານັ້ນ.

error: Content is protected !!