ຜູ້ຮັບເໝົາກໍ່ສ້າງທາງຕານມີໄຊ-ໜອງບຶກຊີ້ແຈງກໍລະນີຊັກຊ້າ

- Neary completed Construction - ຜູ້ຮັບເໝົາກໍ່ສ້າງທາງຕານມີໄຊ-ໜອງບຶກຊີ້ແຈງກໍລະນີຊັກຊ້າ
- Untitled design - ຜູ້ຮັບເໝົາກໍ່ສ້າງທາງຕານມີໄຊ-ໜອງບຶກຊີ້ແຈງກໍລະນີຊັກຊ້າ

- Neary completed Construction 1024x683 - ຜູ້ຮັບເໝົາກໍ່ສ້າງທາງຕານມີໄຊ-ໜອງບຶກຊີ້ແຈງກໍລະນີຊັກຊ້າ  ທ່ານ ບຸນມາຄອງ ສຸລິຍະໄທ ຫົວໜ້າພາກສະໜາມໂຄງການກໍ່ສ້າງເສັ້ນທາງເບຕົງແຕ່ສີ່ແຍກໄຟອໍານາດຕານມີໄຊຫາສາມແຍກໜອງບຶກ, ເມືອງໄຊທານີ ໄດ້ຊີ້ແຈງຕໍ່ນັກຂ່າວພວກເຮົາໃນວັນທີ 30 ພຶດສະພານີ້ຕໍ່ກໍລະນີການກໍ່ສ້າງເສັ້ນທາງດັ່ງກ່າວມີຄວາມລ້າຊ້າ ແລະ ພາໃຫ້ການສັນຈອນໄປມາພົບຄວາມຫຍຸ້ງຍາກວ່າ: ພາຍຫລັງໄດ້ເລີ່ມລົງມືກໍ່ສ້າງມາແຕ່ທ້າຍປີ 2016 ມາຮອດປັດຈຸບັນມີຄວາມຄືບໜ້າພຽງ 10 ກວ່າສ່ວນຮ້ອຍເທົ່ານັ້ນເຫັນວ່າລ້າຊ້າກວ່າແຜນການວາງໄວ້, ສາເຫດຕົ້ນຕໍເກີດຈາກຄວາມຫຍຸ້ງຍາກຫລາຍດ້ານໃນການຍົກຍ້າຍສິ່ງກີດຂວາງຈໍານວນໜຶ່ງ ເຊັ່ນ: ຍົກຍ້າຍເຮືອນປະຊາຊົນທີ່ຖືກແລວທາງ, ທໍ່ນໍ້າປະປາ, ເສົາໄຟຟ້າ ແລະ ອື່ນໆ ແລະ ຊ່ວງນີ້ກໍເປັນໄລຍະລະດູຝົນຈຶ່ງເຮັດໃຫ້ການກໍ່ສ້າງມີຄວາມຫຍຸ້ງຍາກຂື້ນຕື່ມ. ແຕ່ແນວໃດກໍຕາມຂໍຢືນຢັນວ່າຈະພະຍາຍາມສູ້ຊົນກໍ່ສ້າງເສັ້ນທາງດັ່ງກ່າວໃຫ້ສຳເລັດຕາມແຜນການກໍານົດໄວ້ຄືໃນທ້າຍປີ 2018.

ທ່ານຫົວໜ້າພາກສະໜາມໂຄງການ ກ່າວວ່າ: ເສັ້ນທາງດັ່ງກ່າວມີຄວາມຍາວປະມານກວ່າ 9 ກິໂລແມັດ, ຈະສ້າງເປັນເສັ້ນທາງເບຕົງເສີມເຫລັກໜາ 23 ຊັງຕີແມັດ, ມີ 6 ຊ່ອງຈະລາຈອນ, ມີຄູກາງທາງ ແລະ ທາງຍ່າງ 2 ເບື້ອງ, ມີຮ່ອງລະບາຍນໍ້າ, ພ້ອມຕິດຕັ້ງລະບົບໄຟເຍື່ອງທາງ, ໄຟອຳນາດ ແລະ ປ້າຍສັນຍານຈະລາຈອນຄົບຊຸດ, ລວມມີມູນຄ່າກໍ່ສ້າງຫລາຍກວ່າ 45 ລ້ານໂດລາສະຫະລັດ, ໂດຍແມ່ນກຸ່ມບໍລິສັດຕັງຈະເລີນຈໍາກັດເປັນຜູ້ຮັບເໝົາ ແລະ ລົງທຶນກ່ອນ 100% ແລະ ໃນໄລຍະດໍາເນີນການກໍ່ສ້າງນີ້ິຂໍໃຫ້ຜູ້ສັນຈອນໄປມາໃນເສັ້ນທາງດັ່ງກ່າວຈົ່ງຂັບຂີ່ດ້ວຍຄວາມລະມັດລະວັງ, ຄ່ອຍໄປຄ່ອຍມາ ເພື່ອຫລີກລ້ຽງຈາກອຸປະຕິເຫດທີ່ຈະຕາມມາ.

- Wave100S AD to Website 2020 0 - ຜູ້ຮັບເໝົາກໍ່ສ້າງທາງຕານມີໄຊ-ໜອງບຶກຊີ້ແຈງກໍລະນີຊັກຊ້າ
- WhatsApp Image 2020 05 27 at 5 - ຜູ້ຮັບເໝົາກໍ່ສ້າງທາງຕານມີໄຊ-ໜອງບຶກຊີ້ແຈງກໍລະນີຊັກຊ້າ
- WhatsApp Image 2020 05 27 at 5 - ຜູ້ຮັບເໝົາກໍ່ສ້າງທາງຕານມີໄຊ-ໜອງບຶກຊີ້ແຈງກໍລະນີຊັກຊ້າ
error: Alert: ເນື້ອຫາຂ່າວມີລິຂະສິດ !!