ຍ້ອນ​ມີ​ພັກ​ນຳພາ​ການ​ປະຕິວັດ​ລາວ ຈຶ່ງ​ໄດ້​ຮັບ​ໄຊຊະນະ

- advert banner 728 90 728x90 - ຍ້ອນ​ມີ​ພັກ​ນຳພາ​ການ​ປະຕິວັດ​ລາວ ຈຶ່ງ​ໄດ້​ຮັບ​ໄຊຊະນະ

​ໂດຍ: ທິດ​ກ່ຳ

- new3 - ຍ້ອນ​ມີ​ພັກ​ນຳພາ​ການ​ປະຕິວັດ​ລາວ ຈຶ່ງ​ໄດ້​ຮັບ​ໄຊຊະນະ

​        ເມື່ອ​ຕັ້ງ​ໂຈດ​ກັນ​ວ່າ​ຂະ​ບວນການ​ຕໍ່ສູ້​ຂອງ​ປະຊາຊົນ​ລາວ​ບັນດາ​ເຜົ່າ​ໃນ​ສະ​ໄໝ​ປະຫວັດສາດ ​ກ່ອນ​ໜ້ານັ້ນ​ເປັນ​ຫຍັງ ຈຶ່ງ​ປະລາ​ໄຊ ​ແລະ ຖືກ​ພວກ​ກຳ​ອຳນາດ​ປາບ​ປາມ​ຈົນ​ຮາບຄາບ. ຍົກ​ຕົວຢ່າງ​ນັບ​ຕັ້ງ​ແຕ່​ຂະ​ບວນການ​ຕໍ່ສູ້​ຂອງ​ເຈົ້າອານຸວົງ​ມາ​ຕໍ່​ໃສ່​ພໍ່​ກະ​ດວດ, ​ເຈົ້າຟ້າ​ປັດ​ໄຈ, ອົງ​ແກ້ວ​ກົມມະ​ດຳ ​ແລະ ບັນດາ​ຄົນ​ລາວ​ຜູ້​ຮັກ​ຊາດ​ອື່ນໆ ທັງ​ຝັ່ງ​ຊ້າຍ ​ແລະ ຝັ່ງ​ຂວາ​ຂອງ​ແມ່ນ້ຳຂອງ​ລາມ​ມາ​ຮອດ​ຍຸກ​ຂະ​ບວນການ​ແນວ​ລາວ​ອິດສະຫລະ​​ໃຕ້​ການ ນຳພາ​ຂອງ​ສະ​ເດັດ​ເຈົ້າ​ເພັດ​ຊະລາ​ດ ຈົນ​ໄດ້​ແຕກ​ແຫງ​ໜີ​ຜ່າ​ຍ​ໄປ​ອາ​ໄສ​ຢູ່​ໄທ​ສຸດ​ທ້າຍມາ​ທ່ານ ຄຳ​ມ້າວ ວິ​ໄລ ທີ່​ເປັນ​ນາຍົກ​ລັດຖະບານ​ແນວ​ລາວ​ອິດສະຫລະ ​ໃນ​ສະ​ໄໝ​ນັ້ນຕ້ອງປະກາດ​ຍຸບ​ ຈາກ​ນັ້ນກໍ​ພ້ອມ​ກັບ​ເຈົ້າສຸວັນນະ​ພູມ​ມາ, ກະຕ່າຍ ​ແລະ ຜູ້​ອື່ນໆ ​ໄດ້​ພາກັນຂ້າມ​ຂອງ​ຈາກ​ຝັ່ງ​ໄທ​ມາຍ​ອມສະຫວາມີ​ພັກ​ກັບ​ຝຣັ່ງ.

​        ເຈົ້າ​ເພັດ​ຊະລາ​ດ ທີ່​ບໍ່​ເຫັນ​ດີ​ນຳ​ກໍ​ຍອມ​ລີ້​ໄພ​ການ​ເມືອງ​ຢູ່​ປະ​ເທດ​ໄທ​​ເປັນ​ເວລາ​ຫລາຍ​ປີ ຈົນ​ຮອດ​ປີ 1957 ​ເພິ່ນ​ຈຶ່ງ​ໄດ້​ກັບ​ຄືນ​ມາ​ປະ​ເທດ​ລາວ. ສ່ວນ​ສະ​ເດັດ​ເຈົ້າສຸພາ​ນຸວົງ ທີ່​ຍັງ ບໍ່​ຍອມ​ຈຳນົນ​ກໍ​ໄດ້​ຕັດສິນ​ໃຈ​ໜີ​ໄປ​ຫວຽດນາມ ​ເພື່ອ​ຂໍ​ພົບ​ກັບ​ປະທານ ​​ໂຮ່ຈິ​ມິນ ທີ່​ເປັນຜູ້ ນຳພາ​ຂະ​ບວນການ​ຄອມ​ມູນິດ​ອິນດູຈີນ​ມາ​ກ່ອນ​ແລ້ວ​ຫລາຍ​ສິບ​ປີ, ​ເຊິ່ງ​ແນວທາງ​ລວມ ຂອງ​ຂະ​ບວນການ​ຄອມ​ມູນິດ​ອິນດູຈີນ​ໃນ​ເວລາ​ ນັ້ນ​ແມ່ນ​ເພື່ອ​ປົດ​ປ່ອຍ​ສາມ​ປະ​ເທດ​ອອກ​ຈາກ​ການ​ເປັນ​ຫົວ​ເມືອງ​ຂຶ້ນຂອງຝຣັ່ງ​​ອັນ​ໄດ້​ແກ່​ລາວ, ຫວຽດນາມ ​ແລະ ກຳປູ​ເຈຍ ກຸ່ມ​ຄົນ​ລາວ​ເຮົາ​ທີ່​ໄດ້​ເຄື່ອນ​ໄຫວ​ຮ່ວມ​ກັບ​ຂະ​ບວນການ​ພັກກອມ​ມູນິດ​ອິນດູຈີນ​ມາ​ກ່ອນ​ແລ້ວ​ກໍ​ມີ ປະທານ ​ໄກສອນ ພົມວິຫານ ທີ່​ຍັງ​ເປັນ​ໄວ​ໜຸ່ມ​ໄຟ​ແຮງ ​ເຊິ່ງຫລັງ​ຕໍ່​ມາ​ໄດ້​ຖືກ ມອບ​ໝາຍ​ຈາກ​ປະທານ ​ໂຮ່ຈິ​ມິນ ​ໃຫ້​ເຂົ້າມາ​ເຄື່ອນ​ໄຫ​ວຢູ່​ພາກ​ເໜືອ, ພາກ​ກາງຂອງ ປະ​ເທດ​ລາວ​ເຂດ​ຊຳ​ເໜືອ ​ແລະ ສະຫວັນ​ນະ​ເຂດ.

ຕໍ່​ຄຳ​ຕອບ​ໂຈດ​ກະທູ້​ໃນ​ປະ​ໂຫຍ​ກຂ້າງ​ເທິງ​ນັ້ນທຸກ​ຢ່າງ​ກໍ​ແມ່ນ​ຍ້ອນ​ບໍ່​ທັນ​ມີ​ພັກ​ທີ່​ເກັ່ງ​ນຳພາ​ຢ່າງ​ເດັດ​ຂາດ, ​ເຂັ້ມ​ແຂງ ​ແລະ ວາງ​ແນວທາງ​ຢ່າງ​ຖືກຕ້ອງ, ສົມທົບ​ກັບ​ສະພາບ​ແວດລ້ອມ​ພາຍ​ໃນ, ພາຍ​ນອກ​ບໍ່​ທັນ​ສຸກ​ງອມ ​ແລະ ​ເອື້ອອຳນວຍ ຈຶ່ງ​ມີ​ການ​ປະລາ​ໄຊ ຢ່າງ​ລຽນຕິດ, ຊ້ຳບໍ່​ໜຳ​ຍັງ​ຖືກ​ປາບ​ປາມ​ຢ່າງ​ຊິ້ນ​ເຊີງ.

ປະທານ ສຸພາ​ນຸວົງ ພາຍຫລັງ​ເດີນທາງ​ດ້ວຍ​ເຮືອ, ການ​ຍ່າງ ​ແລະ ທັງ​ຂີ່​ລົດ​ຫລາຍ​ພັນ​ລີ້ ຮອດ​ຫວຽດນາມ ​ໄດ້​ເຂົ້າພົບ​ປະ​ກັບ​ປະທານ ​ໂຮ່ຈິ​ມິນ ດ້ວຍ​ອັດທະຍາ​ໃສ​ໄດ້​ຮັບ​ການ​ແນະນຳ​ຢ່າງ​ລະອຽດ​ຈາກ​ປະທານ ​ໂຮ່ຈິ​ມິນ ​ແລ້ວ​ເພິ່ນ​ກໍ​ໄດ້​ຕັດສິນ​ໃຈ​ຢ່າງ​ແນ້ວ​ແນ່​ສະຫລະ​ຖານະ​ຄວາມ​ເປັນ​ເຈົ້າ​ເຂົ້າຮ່ວມ​ຂະ​ບວນການ​ປະຕິວັດ​ອິນດູຈີນ​ນັບ​ແຕ່​ມື້ນັ້ນ​ແລ້ວ​ໄດ້​ໃຫ້​ຄອບຄົວ​ຫັນປ່ຽນ​ຈາກ​ການ​ຢູ່​ໄທ ​ໃນ​ຄາວ​ນັ້ນ​ໄປ​ຢູ່​ຫວຽດນາມ​ໂດຍ​ເດີນທາງ​ອອກ ຈາກ​ໄທ ຜ່ານ​ຫລາຍ​ປະ​ເທດ​ເຖິງ​ຈີນ​ແຜ່ນດິນ​ໃຫຍ່​ເຂົ້າພາກ​ເໜືອ​ຫວຽດນາມ​ກ່ອນ​ມາ​ຈັ່ງ​ທ່າຢູ່​ຖ້ຳຊຳ​ເໜືອ.

ຈາກ​ນັ້ນມາ​ປະທານ ສຸພາ​ນຸວົງ ​ໄດ້​ຮ່ວມ​ກັບ​ປະທານ ​ໄກສອນ ພົມວິຫານ ຮ່ວມ​ກັນ​ເຄື່ອນ ​ໄຫວ​ການ​ປະຕິວັດ ​ໃນ​ຂະ​ບວນການ​ຄອມ​ມູນິດ​ອິນດູຈີນ​ກາຍ​ເປັນ​ສອງ​ກ້ອນ​ເສົ່າ​ທີ່​ແຂງ​ແກ່ນ​ໃຫ້​ແກ່​ເປົ້າໝາຍ​ການ​ປະຕິບັດ​ລາວ ​ເຊິ່ງປະທານ ​ໄກສອນ ພົມວິຫານ ​ໄດ້​ມີ​ບົດບາດ ​ເຄື່ອນ​ໄຫວ​ຮ່ວມ​ກັບ​ພັກ​ກອມ​ມູນິດ​ອິນດູ​ຈີນ ມາ​ກ່ອນ​ແລ້ວ, ປະທານ​ສຸພາ​ນຸວົງ ມີ​ບົດບາດ ​ເປັນ​ເຊື້ອ​ເຈົ້າ, ​ເປັນຕົ້ນກຳ​ເນີ​ດຈາກ​ຂະ​ບວນການ​ແນວ​ລາວ​ອິດສະຫລະ ທັງ​ມີ​ບົດບາດ​ຕໍ່ ປວງ​ຊົນ​ລາວ​ທັງ​ຊາດ​ອັນ​ເປັນ​ເຫດ​ໃຫ້​ສອງ​ລະບົບ​ແນວ​ຄິດ​ໄດ້​ເຊື່ອມຕົວ​ເຂົ້າກັນ​ຢ່າງ​ໂລ ຊິກ​ກາຍ​ເປັນ​ພະລັງ​ແຮງ​ປະກອບສ່ວນ​ຢ່າງ​ໃຫຍ່​ຫລວງ​ຂອງ​ຂະ​ບວນການ​ຕໍ່ສູ້​ເພື່ອ​ພາ ລະ​ກິດ​ປົດ​ປ່ອຍ​ສາມ​ຊາດ​ອອກ​ຈາກ​ການ​ເປັນ​ຫົວ​ເມືອງ​ຂຶ້ນຂອງຝຣັ່ງຕາມ​ອຸດົມ​ການ​ຂອງ​ພັກ​ກອມ​ມູນິດ​ອິນດູຈີນ.

- lattana 1 - ຍ້ອນ​ມີ​ພັກ​ນຳພາ​ການ​ປະຕິວັດ​ລາວ ຈຶ່ງ​ໄດ້​ຮັບ​ໄຊຊະນະ

ຜ່ານ​ຂະ​ບວນການ​ເຄື່ອນ​ໄຫວ​ໃຕ້​ການ​ນຳພາ​ຂອງ​ພັກ​ກອມ​ມູນິດ​ຈີນ ​ໄດ້​ສ້າງ​ເງື່ອນ​ໄຂໃຫ້ການ​ປະຕິບັດ​ສາມ​ປະ​ເທດ​ມີ​ການ​ຂະຫຍາຍ​ຕົວຢ່າງ​ບໍ່​ຢຸດ​ຢັ້ງອັນ​ເປັນ​ເງື່ອນ​ໄຂ​ໃຫ້​ມີການ​ແຍກ​ໂຕ​ອອກ​ເປັນ​ສາມ​ພັກ​ຄື: ພັກ​ກອມ​ມູນິດ​ຫວຽດນາມ, ພັກ​ປະຊາຊົນ​ລາວ ​ແລະ ພັກ​ປະຊາຊົນ​ກຳປູ​ເຈຍ ​ໃນ​ເວລາ​ຕໍ່​ມາ. ພາຍຫລັງ​ພັກ​ປະຊາຊົນ​ລາວ​ໃນ​ເມື່ອ​ກ່ອນ​ກໍ​ຄື​ພັກ ປະຊາຊົນ ປະຕິວັດ​ລາວ ​ໃນ​ປັດຈຸບັນ ​ໄດ້​ສືບ​ຕໍ່​ນຳພາ​ການ​ປະຕິວັດ​ລາວ ນັບ​ແຕ່​ມື້​ເລີ່​ມຕົ້ນ ຈົນ​ມາ​ຮອດ​ປີ 1975 ຈຶ່ງ​ສາມາດ​ປົດ​ປ່ອຍປະ​ເທດ​ຊາດ​ໄດ້​ຢ່າງ​ສົມບູນ.

ນັບ​ແຕ່​ນັ້ນ ​ເປັນຕົ້ນມາ​ ​ພັກ​ເຮົາ​ໄດ້​ກຳ​ອຳນາດ ​ແລະ ​ໄດ້​ນຳພາ​ປົກ​ປັກ​ຮັກສາ, ສ້າງສາ​ປະ​ເທດ​ຊາດ​ໄປ​ພ້ອມໆ​ກັບ​ການ​ຮຳບາດ​ແຜ​ສົງຄາມ​ທີ່​ແກ່ຍາວ​ມາ​ເກືອບ   ໜຶ່ງ​ສັດຕະວັດ. ຕະຫລອດ​ໄລຍະ 40 ກວ່າ​ປີ​ແຫ່ງ​ການ​ປົກ​ປັກ​ຮັກສາ​ ​ແລະ ພັດທະນາ​ປະ​ເທດ​ຊາດ ພັກ​ເຮົາ​ເດັດດ່ຽວ​ປະ​ເຊີນ​ໜ້າ​ຕໍ່​ພາລະ​ກຳ​ປະຫວັດສາດ​ຂອງ​ຕົນ​ກັບ​ສິ່ງ​ທ້າ​ທາຍຫລາຍ​ຢ່າງ ຈຶ່ງ​ເຮັດ​ໃຫ້​ປະ​ເທດ​ຊາດ​ກ້າວ​ໄປ​ໜ້າ​ຢ່າງ​ໜັກ​ແໜ້ນ.

ປັດຈຸບັນ ສປປ ລາວ ພວກ​ເຮົາ​ພວມ​ກ້າວ​ເດີນ​ໄປ​ໃຕ້​ການ​ນຳ​ຂອງ​ພັກ​ບົນ​ເສັ້ນທາງ ສັງຄົມ​ນິຍົມ​ພວມ​ເລັ່ງລັດ​ພັດທະນາ​ຢ່າງ​ກ້າວ​ກະ​ໂດດ​ຂັ້ນ. ມາ​ຮອດ​ປັດຈຸບັນ​ລະບົບ ການ​ເມືອງ​ນັບ​ມື້ມີ​ສະ​ຖຽນລະ​ພາບ​ຢ່າງ​ໜັກ​ແໜ້ນ, ​ເສດຖະກິດ​ມີ​ການ​ຂະຫຍາຍຕົວ​ຢ່າງ​ຕໍ່​ເນື່ອງ, ສັງຄົມ​ມີ​ຄວາມ​ສະຫງົບ​ປອດ​ໄພ​ໂດຍ​ພື້ນຖານ, ວັດທະນະທຳ​ມີ​ຄວາມ​ຈະ​ເລີ​ນ ຮຸ່ງ​ເຮືອງ, ຊີວິດ​ການ​ເປັນ​ຢູ່​ຂອງ​ປະຊາຊົນ​ບັນດາ​ເຜົ່າ​ນັບ​ມື້ດີ​ຂຶ້ນ​ເລື້ອຍໆ.

​        ໃນ​ອະນາຄົດ​ຄວາມ​ຫວັງ​ຕັ້ງ​ໃຈ​ຂອງ​ພັກ​ເຮົາ​ກໍ​ຄື​ປະຊາຊົນ​ລາວ​ບັນດາ​ເຜົ່າ​ຕ້ອງ​ນຳພາ​ປະ ​ເທດ​ຊາດ​ອອກ​ຈາກ​ຄວາມທຸກ​ຍາກ ​ແລະ ດ້ອຍ​ພັດທະນາ​ໄດ້​ຢ່າງ​ແນ່ນອນ. ອີກ​ບໍ່​ດົນ​ເສັ້ນ ທາງ​ລົດ​ໄຟ​ລາວ-ຈີນ ກໍ​ຈະ​ສຳ​ເລັດ. ບັນດາ​ເຂື່ອນ​ໄຟຟ້າ​ໃນ​ແຜນ 60 ກວ່າ​ແຫ່ງ​ກໍ​ຈະ​ສຳ ​ເລັດ ​ແລະ ນຳ​ໃຊ້​ໄປ​ຕາມໆ​ກັນ.

ບັນດາ​ໂຄງການ, ກິດຈະການ​ຕ່າງໆ ທັງ​ນ້ອຍ ​ແລະ ​ໃຫຍ່​ເຊັ່ນ: ຈາກ​ຊັບພະຍາກອນ​ມະນຸດ, ​ແຫຼ່ງ​ທຳ​ມະ​ຊາດ, ອຸດ​ສະຫະ​ກຳ, ກະສິກຳ​ອັນ​ທັນ​ສະ​ໄໝ​ຍືນ​ຍົງ, ​ໂຄງການສ້າງ ພື້ນຖານ​ໂຄງ​ລ່າງ​ນ້ອຍ​ໃຫຍ່​ທຸກ​ຂົງ​ເຂດ​ໃນ​ທົ່ວ​ປະ​ເທດ​ກໍ​ຈະ​ສຳ​ເລັດ ​ແລະ ​ເດີນ​ໜ້າ​ໄປ​ຕິກໆ ຊີວິດ​ການ​ເປັນ​ຢູ່​ຂອງ​ປະຊາຊົນ​ບັນດາ​ເຜົ່າ​ກໍ​ນັບ​ມື້ດີ​ຂຶ້ນ, ວິ​ຖີຊີວິດ ທາງ​ດ້ານ​ວັດທະນະທຳ​ນັບ​ມື້​ໄດ້​ຮັບ​ການ​ເຊີດ​ຊູ​ສົ່ງ​ເສີມ ​ແລະ ພັດທະນາ​ໃຫ້​ດີ​ຂຶ້ນ, ກຽດ​ສັກ​ສີ​ຂອງ​ຊາດ​ກໍ​ນັບ​ມື້ສູງ, ຄວາມ​ເຊື່ອ​ໝັ້ນຈົງ​ຮັກ​ພັກດີ​ຕໍ່​ພັກ​ຍິ່ງ​ກວ້າງຂວາງ​ໜັກ    ​ແໜ້ນ​ໄຊຊະນະ ທັງ​ໝົດ​ທີ່​ກ່າວ​ມາ​ນີ້ ​ແມ່ນ​ຍ້ອນ​ມີ​ພັກປະຊາຊົນ ປະຕິວັດ​ລາວ ນຳພາ​ຢ່າງ​ເດັດຂາດ​ຈິງ​ຈັງ​ນັ້ນ​ເອງ./.

error: Content is protected !!