ປະເທດຍັງທຸກຍາກ ຍ້ອນໄພພິບັດ

- 1122 1 - ປະເທດຍັງທຸກຍາກ ຍ້ອນໄພພິບັດ
- AGL banner - ປະເທດຍັງທຸກຍາກ ຍ້ອນໄພພິບັດ

ໂດຍ: ມຶກບໍ່ແຫ້ງ

ໃນທ່າມກາງຄວາມຫຍຸ້ງຍາກ ທາງດ້ານເສດຖະກິດ ສປປລາວ ຊໍ້າພັດຖືກຜົນກະທົບຈາກ ໄພພິບັດ ຢ່າງໜັກໜ່ວງ ເຊິ່ງເປັນອຸປະສັກໃນການພັດທະນາ ແລະ ພາປະເທດໃຫ້ພົ້ນທຸກ.

ເປົ້າໝາຍຂອງ ພັກ-ລັດ ແລະປະຊາຊົນລາວ ແມ່ນຢາກເຫັນ ປະເທດເຮົາ ສາມາດປະກາດ ເປັນປະເທດທີ່ຫຼຸດພົ້ນຈາກປະເທດດ້ອຍພັດທະນາໃນມໍ່ໆນີ້ ແຕ່ເສັ້ນທາງດັ່ງກ່າວ ແມ່ນຍັງມີຄວາມທ້າທາຍ ຫຼາຍປະການ ໂດຍສະເພາະ ບັນຫາໄພພິບັດ ທີ່ສືບຕໍ່ເປັນໄພຂົ່ມຂູ່ ໃນການຫຼຸດພົ້ນຈາກ ຄວາມທຸກຍາກ ຂອງປະຊາຊົນ.

ໃນການກ່າວ ຕໍ່ກອງປະຊຸມສະພາ ວັນທີ 7​ ພະຈິກ 2019 ທີ່ຜ່ນມາ,  ທ່ານທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປລາວ ໄດ້ກ່າວວ່າ “ປະເທດເຮົາໃນປີນີ້ ຍັງບໍ່ທັນຫຼຸດພົ້ນອອກຈາກຄວາມຫຍຸ້ງຍາກ ທີ່ມີລັກສະນະຊໍາເຮື້ອແຫ່ງການຂາດດຸນໃນດ້ານຕ່າງໆທີ່ໜັກໜ່ວງ ບວກກັບໄພພິບັດ”.

ໄພພິບັດ ທີ່ເກີດຂຶ້ນໃນປີ 2018 ແລະ ຕໍ່ເນື່ອງມາໃສ່ປີ 2019 ໄດ້ກາຍເປັນອຸປະສັກ ອັນໃຫຍ່ຫຼວງ ໃນການພັດທະນາປະເທດ ເພາະ ລັດຖະບານຈະຕ້ອງໄດ້ຫັນເອົາງົບປະມານ ທີ່ມຸ່ງຫວັງ ໃສ່ການພັດທະນາເສດຖະກິດ-ສັງຄົມ ແຕ່ຕ້ອງໄດ້ນຳໃຊ້ເພື່ອການແກ້ໄຂ ບັນຫາໄພພິບັດ ທີ່ເກີດຂຶ້ນຢ່າງລຽນຕິດ ແລະ ໜັກໜ່ວງຂຶ້ນຊັກໃຊ້.

ຜົນກະທົບ ຈາກໄພພິບັດ ໃນປີ 2018 ໂດຍສະເພາະ ນໍ້າຖ້ວມບັນດາແຂວງ, ເຫດການສັນເຂື່ອນແຕກ ແລະ ສືບຕໍ່ມາຮອດປີ 2019​ ທີ່ນໍ້າຖ້ວມ 6 ແຂວງພາກກາງ ແລະ ພາກໃຕ້ນັ້ນ ເຮັດໃຫ້ ສປປລາວ ມີຄວາມຫຍຸ້ງຍາກ ໃນການບັນລຸເປົ້າໝາຍການພັດທະນາເສດຖະກິດ ໂດຍສະເພາະ ອັດຕາການຈະເລີນເຕີບຂອງເສດຖະກິດ ສະເລ່ຍໄດ້ປັບຫຼຸດລົງ ຕໍ່າກວ່າ 7% ໃນປີນນີ້.

- Wave100S AD to Website 2020 0 - ປະເທດຍັງທຸກຍາກ ຍ້ອນໄພພິບັດ

ສິ່ງດັ່ງກ່າວ ກໍເນື່ອງຈາກວ່າ ບັນດາຜົນຜະລິດຂອງປະຊາຊົນ ໄດ້ຮັບຄວາມເສຍຫາຍຢ່າງຫຼວງຫຼາຍ, ພື້ນຖານ ໂຄງລ່າງ ກໍໄດ້ຮັບຜົນກະທົບຢ່າງໜັກໜ່ວງເຊັ່ນກັນ ອັນໄດ້ເຮັດໃຫ້ລັດຖະບານມີຄວາມຫຍຸ້ງຍາກ ໃນການຊອກຫາແຫຼ່ງທຶນມາສ້ອມແປງຄືນຢ່າງທັນການ ໂດຍສະເພາະເສັ້ນທາງຕາມຈຸດຕ່າງໆ ແລະ ນອກນັ້ນ ຍ້ອນນໍ້າຖ້ວມ, ບັນດາ ຊົນລະປະທານຫຼາຍແຫ່ງກໍໄດ້ຮັບຄວາມເສຍຫາຍເຊັ່ນກັນ.

ນອກຈາກນີ້, ໄພແຫ້ງແລ້ງຍັງໄດ້ ສົ່ງຜົນກະທົບບໍ່ໜ້ອຍ ໂດຍສະເພາະ ທາງພາກເໜືອຂອງລາວ, ເຮັດໃຫ້ ຜົນຜະລິດບໍ່ໄດ້ຕາມທີ່ຄາດຫວັງໄວ້ ເຊິ່ງຈະເປັນການບັ່ນທອນ ເລື່ອງການຄໍ້າສະບຽງອາຫານ ທີ່ເປັນປັດໄຈພື້ນຖານຂອງຊີວິດປະຊາຊົນ, ອັນນີ້ ມີລັກສະນະຈະແຈ້ງວ່າ ການຫຼຸດຜ່ອນຄວາມທຸກຍາກນັ້ນ ແມ່ນທ້າທາຍຫຼາຍທີ່ສຸດ ທ່າມກາງໄພພິບັດ ທີ່ເກີດຖີ່ ແລະຮ້າຍແຮງຂຶ້ນ.

ນອກຈາກນໍ້າຖ້ວມ ແລະໄພແຫ້ງແລ້ງແລ້ວ, ພະຍາດລະບາດຍັງສ້າງຄວາມເສຍຫາຍຕໍ່ເສດຖະກິດ ຂອງປະຊາຊົນ ໂດຍສະເພາະ ພະຍາດ ອະຫິວາໝູ ທີ່ເຮັດໃຫ້ ໝູ ໃນ ສປປລາວ ປີນີ້ຕາຍຫຼາຍພັນໂຕ, ອັນນີ້ ໄດ້ສົ່ງຜົນກະທົບໂດຍກົງຕໍ່ການສ້າງເສດຖະກິດຂອງປະຊາຊົນໃນລະດັບຄອບຄົວ.

ເມື່ອເປັນເຊັ່ນນັ້ນ, ລັດຖະບານເຮົາ ກໍກຳລັງຂຸ້ນຂ້ຽວ ໃນການສ້າງປະເທດລາວໃຫ້ ເຂັ້ມແຂງ ແລະທົນທານ ຕໍ່ສະພາບ ການປ່ຽນແປງຂອງດິນຟ້າອາກາດ ແລະ ໄພພິບັດ ເຊິ່ງໃນປັດຈຸບັນ ກົດໝາຍວ່າດ້ວຍ ການຄຸ້ມຄອງ ໄພພິບັດ ກຳລັງຈະໄດ້ຮັບການປະກາດໃຊ້ ແລະ ລັດຖະບານ ກໍກຳລັງ ພະຍາຍາມໃນການສ້າງ ກອງທຶນສະເພາະ ເພື່ອແກ້ໄຂ ບັນຫາໄພພິບັດ ເຊິ່ງເຊື່ອວ່າ ໃນອະນາຄົດ ໄພພິບັດ ຈະບໍ່ສົ່ງຜົນກະທົບຫຼາຍ ຕໍ່ເສດຖະກິດມະຫາ ພາກຂອງ ສປປລາວ.

- WhatsApp Image 2020 05 27 at 5 - ປະເທດຍັງທຸກຍາກ ຍ້ອນໄພພິບັດ
- WhatsApp Image 2020 05 27 at 5 - ປະເທດຍັງທຸກຍາກ ຍ້ອນໄພພິບັດ
- WhatsApp Image 2020 05 27 at 5 - ປະເທດຍັງທຸກຍາກ ຍ້ອນໄພພິບັດ
- WhatsApp Image 2020 05 27 at 5 - ປະເທດຍັງທຸກຍາກ ຍ້ອນໄພພິບັດ
error: Alert: Content is protected !!