ນະຄອນຫຼວງເປີດງານວາງສະແດງ ແລະ ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ແລະຄອບຄົວຕົວແບບ ຄັ້ງທີ IV ປະຈໍາປີ 2017

- advert banner 728 90 728x90 - ນະຄອນຫຼວງເປີດງານວາງສະແດງ ແລະ ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ແລະຄອບຄົວຕົວແບບ ຄັ້ງທີ IV ປະຈໍາປີ 2017

- Fair 1 - ນະຄອນຫຼວງເປີດງານວາງສະແດງ ແລະ ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ແລະຄອບຄົວຕົວແບບ ຄັ້ງທີ IV ປະຈໍາປີ 2017          ພະແນກອຸດສາຫະກໍາ ແລະການຄ້າ ຮ່ວມກັບສະພາການຄ້າ-ອຸດສາຫະກໍາ ນະຄອນຫຼວງວຽງຈັນ ແລະສູນການຄ້າລາວ-ໄອເຕັກ ໄດ້ເປີດງານວາງສະແດງ-ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ແລະສິນຄ້າຄອບຄົວຕົວແບບຂອງນະຄອນຫຼວງວຽງຈັນ ຄັ້ງທີ IV ປະຈໍາປີ 2017 ໃນວັນທີ 29 ພຶດສະພາ ນີ້. ທີ່ສູນການຄ້າ ລາວ-ໄອເຕັກ ໂດຍການເຂົ້າຮ່ວມຂອງທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ມີລັດຖະມົນຕີກະຊວງອຸດສາຫະກໍາ-ການຄ້າ ແລະມວນຊົນເຂົ້າຮ່ວມເປັນຈໍານວນຫຼາຍ.

ທ່ານ ສິນລະວົງ ຄຸດໄພທູນ ມີຄໍາເຫັນໃນພິທີວ່າ: ເພື່ອເປັນການຈັດລະດັບຜະລິດຕະພັນ ແລະນໍາໄປສູ່ການພັດທະນາແບບຢືນຢົງຢ່າງມີປະສິດທິພາບ ແລະສາມາດເຂົ້າຫາຕະຫຼາດເປົ້າໝາຍໄດ້ຢ່າງທົ່ວເຖິງ ແລະເປັນການເຮັດໃຫ້ການສົ່ງເສີມຜະລິດຕະພັນດັ່ງກ່າວໃຫ້ມີມາດຕະຖານ, ຄຸນນະພາບ, ປະສິດທິພາບ ແລະປະສິດທິຜົນສູງ, ສ້າງມູນຄ່າໃຫ້ແກ່ສິນຄ້າໂອດ໊ອບແຫ່ງຊາດ ໃຫ້ເປັນທີ່ຍອມຮັບຂອງສັງຄົມ, ຜູ້ຊົມໃຊ້ມີຄວາມເຊື້ອໝັ້ນຫຼາຍຂຶ້ນ ແລະສາມາດໃຊ້ເປັນແຫຼ່ງສ້າງລາຍໄດ້ ແລະຄວາມເຂັ້ມແຂງໃຫ້ກັບຫົວໜ່ວຍທຸລະກິດໂອດ໊ອບແຫ່ງຊາດ, ເປັນການກະຕຸ້ນໃຫ້ຜູ້ຜະລິດ-ຜູ້ປະກອບການໂອດ໊ອບໄດ້ມີການພັດທະນາສິນຄ້າຂອງຕົນ,  ເພື່ອຢືນຢົງ ແລະທັງເປັນໂອກາດກະຕຸກຊຸກຍູ້ສົ່ງເສີມໃຫ້ບັນດາຫົວໜ່ວຍທຸລະກິດ ແລະຄອບຄົວຕົວແບບຢ່າງມີເງື່ອນໄຂພັດທະນາສິນຄ້າ ແລະຜະລິດຕະພັນໂອດ໊ອບຂອງຕົນນັບມື້ເຕີບໃຫຍ່ເຂັ້ມແຂງ.

ໃນງານວາງສະແດງຄັ້ງນີ້ ມີຫົວໜ່ວຍທຸລະກິດພາຍໃນນະຄອນຫຼວງ ແລະຕ່າງແຂວງເຂົ້າຮ່ວມທັງໝົດ 115 ຫົວໜ່ວຍ ( ມີ 131 ຫ້ອງ). ແລະສະເພາະສິນຄ້າໂອດ໊ອບມີ 37 ຫົວໜ່ວຍ, ສິນຄ້າຄອບຄອບຕົວແບບ 50 ຫົວໜ່ວຍ ແລະພິເສດມີ ຫົວໜ່ວຍທຸລະກິດກ້າເບ້ຍໄມ້ 11 ຫົວໜ່ວຍ, ສິນຄ້າໂອດ໊ອບຕ່າງແຂວງມີ 19 ຫົວໜ່ວຍ, ສິນຄ້າຄອບຄົວຕົວແບບ 9 ຫົວໜ່ວຍຄື: ຈາກແຂວງຫົວພັນ, ຊຽງຂວາງ, ໄຊຍະບູລີ, ບໍລິຄໍາໄຊ, ສາລະວັນ, ຈໍາປາສັກ, ຫຼວງພະບາງ, ວຽງຈັນ, ເຊກອງ, ຜົ້ງສາລີ, ໄຊສົມບູນ ແລະສະຫວັນນະເຂດ).

- 1 1 - ນະຄອນຫຼວງເປີດງານວາງສະແດງ ແລະ ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ແລະຄອບຄົວຕົວແບບ ຄັ້ງທີ IV ປະຈໍາປີ 2017
- lattana 1 - ນະຄອນຫຼວງເປີດງານວາງສະແດງ ແລະ ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ແລະຄອບຄົວຕົວແບບ ຄັ້ງທີ IV ປະຈໍາປີ 2017

ທຽບໃສ່ປີ 2016 ສິນຄ້າໂອດ໊ອບ ຂອງນະຄອນຫຼວງວຽງຈັນ ເພີ່ມຂຶ້ນ 15,63%, ສິນຄ້າຄອບຄົວຕົວແບບ ເພີ່ມຂຶ້ນ 21,96%. ສິນຄ້າໂອດ໊ອບຕ່າງແຂວງ ເພີ່ມຂຶ້ນ 35,72% ແລະສິນຄ້າຄອບຄົວຕົວແບບຕ່າງແຂວງ ຫຼຸດລົງ 18,19%. ແລະຄາດວ່າການນໍາເຂົ້າສິນຄ້າໂອດ໊ອບ ແລະສິນຄ້າຄອບຄົວຕົວແບບໃນງານວາງສະແດງຄັ້ງນີ້ ມີປະມານ 500 ລ້ານກີບ%.

error: Content is protected !!