ຕຳຫລວດລາວ-ຈີນ ສືບຕໍ່ຮ່ວມມືແກ້ໄຂຄົນຕ່າງປະເທດທີ່ເຄື່ອນໄຫວຜິດກົດໝາຍຢູ່ລາວ

- laos - ຕຳຫລວດລາວ-ຈີນ ສືບຕໍ່ຮ່ວມມືແກ້ໄຂຄົນຕ່າງປະເທດທີ່ເຄື່ອນໄຫວຜິດກົດໝາຍຢູ່ລາວ
- Untitled design - ຕຳຫລວດລາວ-ຈີນ ສືບຕໍ່ຮ່ວມມືແກ້ໄຂຄົນຕ່າງປະເທດທີ່ເຄື່ອນໄຫວຜິດກົດໝາຍຢູ່ລາວ

ເມື່ອທ້າຍອາທິດຜ່ານມານີ້, ຢູ່ຫ້ອງປະຊຸມກອງບັນຊາການ ປກສ ນະຄອນຫລວງວຽງຈັນ, ຄະນະຜູ້ແທນ ກອງບັນຊາການຕໍາຫຼວດ ແຂວງ ຫູນານ ສປ. ຈີນ, ນໍາໂດຍ ທ່ານ ຈ້າວ ໂຍມີ່ງ ຫົວໜ້າຫ້ອງການ ຜູ້ຊີ້ນໍາວຽກງານສືບສວນ-ສອບສວນ, ໄດ້ເຂົ້າພົບປະຢ້ຽມຢາມ ແລະ ປຶກສາຫາລືວຽກງານສືບສວນ-ສອບສວນ ກັບຄະນະນໍາ ປກສ ນະຄອນຫຼວງວຽງຈັນ, ໃຫ້ກຽດຕ້ອນຮັບໂດຍ ທ່ານ ພັນໂທ ຈັນຫອມ ແກ້ວສຸລະໄຊ ຮອງຫົວໜ້າກອງບັນຊາການ ປກສ ນະຄອນຫລວງວຽງຈັນ ພ້ອມດ້ວຍຄະນະ.

ໃນການພົບປະ ທ່ານ ພັນໂທ ຈັນຫອມ ແກ້ວສຸລະໄຊ ໄດ້ລາຍງານສະພາບຈຸດພິເສດ, ທີ່ຕັ້ງ ຂອງນະຄອນຫຼວງວຽງຈັນ ໃຫ້ຄະນະ ກອງບັນຊາການຕໍາຫຼວດ ແຂວງຫູນານ ຊາບວ່າ: ປັດຈຸບັນ ມີພົນລະເມືອງຈີນ ເຂົ້າມາດຳເນີນທຸລະກິດ, ລົງທຶນສ້າງບໍລິສັດເຖິງ 20 ກວ່າບໍລິສັດ, ສ້າງສູນການຄ້າ-ຕະຫຼາດມີ 6 ແຫ່ງ ແລະ ພິເສດ ແມ່ນການລົງທຶນກໍ່ສ້າງເສັ້ນທາງລົດໄຟລາວ-ຈີນ ແລະ ທາງດ່ວນ ນະຄອນຫຼວງວຽງຈັນ ຫາ ເມືອງວັງວຽງ ແຂວງວຽງຈັນ; ເຊິ່ງກໍາລັງດໍາເນີນການກໍ່ສ້າງຢູ່; ນີ້ຖືວ່າເປັນການປະກອບສ່ວນສໍາຄັນ ໃນການສ້າງສາພັດທະນາປະເທດຊາດ ໃຫ້ມີຄວາມຈະເລີນຮຸ່ງເຮືອງສີວິໄລ. ຄຽງຄູ່ກັນນີ້ ກໍຍັງມີຄົນຕ່າງປະເທດຈໍານວນໜຶ່ງ ລັກລອບເຂົ້າເມືອງແບບຜິດກົດໝາຍ, ປະກອບອາຊີບບໍ່ຖືກຕ້ອງ, ສໍ້ໂກງຊັບ ແລະ ອື່ນໆ; ເຊິ່ງໄລຍະຜ່ານມາ ປກສ ນະຄອນຫລວງວຽງຈັນ ໄດ້ເອົາໃຈໃສ່ແກ້ໄຂມ້າງໄດ້ຫຼາຍເລື່ອງ ແລະ ໄດ້ຈັດສົ່ງໃຫ້ທາງຕໍາຫຼວດ  ຈີນ ເພື່ອກັບໄປດໍາເນີນຄະດີທັງໝົດຕາມລະບຽບກົດໝາຍ.

ໃນໂອກາດນີ້ ທ່ານ ຈ້າວ ໂຍມີ່ງ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການປະຕິບັດໜ້າທີ່ຂອງ ປກສ ນະຄອນຫລວງວຽງຈັນ ແລະ ພ້ອມເຊື້ອເຊີນໃຫ້ຄະນະ ປກສ ລາວ ໄດ້ໄປຢ້ຽມຢາມ, ແລກປ່ຽນບົດຮຽນ ດ້ານວຽກງານວິຊາສະເພາະຢູ່ແຂວງຫູນານ.

- Wave100S AD to Website 2020 0 - ຕຳຫລວດລາວ-ຈີນ ສືບຕໍ່ຮ່ວມມືແກ້ໄຂຄົນຕ່າງປະເທດທີ່ເຄື່ອນໄຫວຜິດກົດໝາຍຢູ່ລາວ

ໃນການພົບປະຄັ້ງນີ້ສອງຝ່າຍ ໄດ້ເຫັນດີເພີ່ມທະວີການຮ່ວມມືດ້ານວຽກງານວິຊາສະເພາະ, ເປັນຕົ້ນແມ່ນການແກ້ໄຂບັນຫາຄົນຕ່າງປະເທດເຂົ້າເມືອງຜິດກົດໝາຍ, ຄົນຈີນ ທີ່ກະທຳຜິດ ແລະ ຫລີ້ຊ້ອນຢູ່ລາວ, ການສົ່ງຜູ້ຮ້າຍຂ້າມແດນ ແລະ ບັນຫາອື່ນໆ ເພື່ອເຮັດໃຫ້ ສອງປະເທດມີຄວາມສະຫງົບຮອບດ້ານ.

- WhatsApp Image 2020 05 27 at 5 - ຕຳຫລວດລາວ-ຈີນ ສືບຕໍ່ຮ່ວມມືແກ້ໄຂຄົນຕ່າງປະເທດທີ່ເຄື່ອນໄຫວຜິດກົດໝາຍຢູ່ລາວ
- WhatsApp Image 2020 05 27 at 5 - ຕຳຫລວດລາວ-ຈີນ ສືບຕໍ່ຮ່ວມມືແກ້ໄຂຄົນຕ່າງປະເທດທີ່ເຄື່ອນໄຫວຜິດກົດໝາຍຢູ່ລາວ
error: Alert: ເນື້ອຫາຂ່າວມີລິຂະສິດ !!