ການກິນຍຳສະຫລັດທີ່ເຮັດໃຫ້ທ່ານຕຸ້ຍຂຶ້ນ

- advert banner 728 90 728x90 - ການກິນຍຳສະຫລັດທີ່ເຮັດໃຫ້ທ່ານຕຸ້ຍຂຶ້ນ

     ການກິນຍຳສະຫລັດມີຫລາຍຮູບແບບ ຂຶ້ນກັບວິທີການປະຍຸກຂອງແຕ່ລະຄົນ ເຊັ່ນ : ກິນພ້ອມນຳ້ສະຫລັດ, ເບຄັອນກອບ, ຊີສ ເປັນຕົ້ນ. ມື້ນີ້ພວກເຮົາມີຄວາມຮູ້ກ່ຽວກັບການກິນຍຳສະຫລັດທີ່ເຮັດໃຫ້ທ່ານຕຸ້ຍມາແນະນຳ.

- new3 - ການກິນຍຳສະຫລັດທີ່ເຮັດໃຫ້ທ່ານຕຸ້ຍຂຶ້ນ

     1. ກິນຍຳສະຫລັດຮ່ວມກັບຂອງກິນອື່ນໆ : ສຳລັບບາງຄົນ ການກິນຍຳສະຫລັດອາດຈະເຮັດໃຫ້ອີ່ມທ້ອງດົນເກີນໄປຈົນກະທັ້ງຮອດຄາບເຂົ້າຕໍ່ໄປ, ແຕ່ສຳລັບບາງຄົນການກິນຍຳສະຫລັດບໍ່ພຽງພໍ ຈຶ່ງເລືອກທີ່ຈະກິນກັບອາຫານອື່ນເພື່ອຄວາມອີ່ມທ້ອງ ເຊິ່ງເປັນການຕື່ມກາລໍຣີໃຫ້ທ່ານໂດຍບໍ່ຮູ້ໂຕ.

    2. ການກິນຍຳສະຫລັດ ໂດຍບໍ່ສົນໃຈປະລິມານ: ປະລິມານຂອງອາຫານເປັນສິ່ງສຳຄັນເມື່ອທ່ານຫລຸດນຳ້ໜັກ, ແຕ່ສຳລັບບາງຄົນ ລືມເລື່ອງນີ້ໄປເມື່ອກິນຍຳສະຫລັດໃນທຸກໆມື້ ຍ້ອນຄິດວ່າຍຳສະຫລັດເປັນສິ່ງທີ່ມີປະໂຫຍດ ກິນຫລາຍໆໄດ້, ບໍ່ຕຸ້ຍ. ແຕ່ຄວາມຈິງແລ້ວ ທ່ານກຳລັງຄິດຜິດ ເພາະບໍ່ວ່າຈະເປັນອາຫານລາຍການໃດກໍຕາມ ຫາກກິນໃນປະລິມານຫລາຍໆກໍເຮັດໃຫ້ຕຸ້ຍ ໄດ້ຄືກັນ.

     3. ການກິນຍຳສະຫລັດສຳເລັດຮູບ : ອາຫານສຳເລັດຮູບເປັນສິ່ງທີ່ຄົນໃນຍຸກນີ້ນິຍົມກິນ ເນື່ອງຈາກສະດວກ ແລະ ວ່ອງໄວ ແຕ່ຖ້າເບິ່ງປະໂຫຍດຈາກສານອາຫານທີ່ໄດ້ຮັບນັ້ນໜ້ອຍເມື່ອປຽບທຽບກັບປະລິມານໂຊດຽມ, ໄຂມັນ ແລະ ນຳ້ຕານ ທີ່ເປັນສ່ວນປະກອບ. ນອກຈາກນີ້ຍັງມີສານກັນບູດທີ່ປະປົນຢູ່ເພື່ອຮັກສາຄວາມສົດໃໝ່ຂອງອາຫານນຳອີກ.

     4. ການກິນຍຳສະຫລັດຮ່ວມກັບນຳ້ສະຫລັດສູດບໍ່ມີໄຂມັນ : ນຳ້ສະຫລັດສູດບໍ່ມີໄຂມັນ ອາດມີປະລິມານກາລໍຣີ ແລະ ໄຂມັນຈຳນວນຫລາຍຢູ່ ເນື່ອງຈາກອາດມີສ່ວນປະສົມຂອງເກືອ, ແຍມ, ຄາໂບໄຮເດຣດ ແລະ ນຳ້ຕານຟຣຸກໂຕສຕື່ມຫລາຍຂຶ້ນ ເພາະຜູ້ຜະລິດຕ້ອງການຮັກສາລົດຊາດຂອງນຳ້ສະຫລັດສູດບໍ່ມີໄຂມັນ ໃຫ້ໃກ້ຄຽງກັບນຳ້ສະຫລັດໃນສູດປົກກະຕິ.

     5. ການກິນຍຳສະຫລັດຮ່ວມກັບນຳ້ສະຫລັດຄຣີມ : ເຊື່ອວ່າຫລາຍໆຄົນຫລີກເວັ້ນການກິນຍຳສະຫລັດຮ່ວມກັບນຳ້ສະຫລັດຄຣີມ ເພາະເປັນໂຕທີ່ເພີ່ມປະລິມານກາລໍຣີໃຫ້ກັບຍຳສະຫລັດຈານມັກຂອງທ່ານໄດ້ຫລາຍ. ຍຳສະຫລັດປົກກະຕິອາດມີກາລໍຣີປະມານ 120 ກິໂລກາລໍຣີ ແຕ່ເມື່ອກິນຮ່ວມກັບນຳ້ສະຫລັດ ຍຳສະຫລັດຈານມັກຂອງທ່ານອາດມີກາລໍຣີເພີ່ມສູງຂຶ້ນເຖິງ 400 ກາລໍຣີໄດ້.

     6. ການກິນຍຳສະຫລັດຮ່ວມກັບເກັດເບຄັອນກອບ :ສຳລັບຜູ້ທີ່ມັກເບຄັອນ ເຖິງວ່າຈະຂໍໃສ່ແຕ່ເກັດເບຄັອນລົງໃນຍຳສະຫລັດຈານມັກ ແຕ່ເບຄັອນພຽງຕ່ອນນ້ອຍໆກໍຊ່ວຍເພີ່ມທັງປະລິມານກາລໍຣີ, ໂຊດຽມ ແລະ ໄຂມັນທຣານ ເຊິ່ງເປັນໄຂມັນທີ່ເຮັດໃຫ້ເປັນຄົນຕຸ້ຍ ແລະ ເບົາຫວານ ຖ້າເປັນໄປໄດ້ບໍ່ຄວນກິນ ຫລື ດົນໆກິນເທື່ອໜຶ່ງຈະດີກ່ວາ.

- lattana 1 - ການກິນຍຳສະຫລັດທີ່ເຮັດໃຫ້ທ່ານຕຸ້ຍຂຶ້ນ

     7. ການກິນຍຳສະຫລັດຄູ່ກັບເຂົ້າໜົມປັງກອບ Croutons : Croutons ຫລື ເຂົ້າໜົມປັງກອບທີ່ພົບໄດ້ໃນຍຳສະຫລັດເກືອບທຸກຊະນິດ ເຊິ່ງອາດເບິ່ງເປັນສ່ວນປະກອບທີ່ບໍ່ສຳຄັນຫລາຍປານໃດ, ແຕ່ຄວາມຈິງແລ້ວໃນ Croutons 1 ຖ້ວຍນ້ອຍ ມີເກືອຫລາຍ ແລະ ໃນ Croutons 1 ຖ້ວຍນ້ອຍ ສາມາດເພີ່ມກາລໍຣີໄດ້ 75 ແລະ 100 ກາລໍຣີໃນຍຳສະຫລັດຂອງທ່ານ.

     8. ການກິນຍຳສະຫລັດຮ່ວມກັບຊີສ : ຊີສ ເປັນແຫ່ລງຂອງໂປຣຕິນ ແລະ ທາດການຊຽມທີ່ດີ ແຕ່ຄວນກິນດ້ວຍຄວາມລະມັດລະວັງ ທ່ານເລືອກປະເພດຂອງຊີສໃນການກິນ ບາງຊະນິດອາດມີໄຂມັນ ແລະ ໂຊດຽມຫລາຍ ອາດເຮັດໃຫ້ຍຳສະຫລັດເພື່ອສຸຂະພາບກາຍເປັນເພື່ອຄວາມຕຸ້ຍແທນໄດ້.

     9. ການກິນຍຳສະຫລັດຮ່ວມກັບໝາກໄມ້ອົບແຫ້ງ : ການໃສ່ ໝາກໄມ້ອົບແຫ້ງໃນຍຳສະຫລັດ ເຊັ່ນ : ລູກເກດ ຫລື ສະຕໍເບີຣີ ເປັນສິ່ງດີທີ່ຈະເພີ່ມລົດຊາດ ແຕ່ໝາກໄມ້ອົບແຫ້ງເຫລົ່ານີ້ມີນຳ້ຕານ ແລະ ກາລໍຣີໃນປະລິມານຫລາຍ ແນະນຳໃຫ້ໃສ່ໃນປະລິມານໜ້ອຍ ຫລື ໃສ່ໝາກໄມ້ສົດແທນຈະດີກ່ວາ.

     10. ການກິນຍຳສະຫລັດຮ່ວມກັບຊີ້ນສັດທີ່ຜ່ານການຈືນ : ການຕື່ມໂປຣຕິນຈຳພວກຊີ້ນສັດລົງໃນຍຳສະຫລັດຈະຊ່ວຍໃຫ້ຍຳສະຫລັດກາຍເປັນຄາບອາຫານທີ່ສົມບູນຂຶ້ນ ແຕ່ຖ້າໃຊ້ວິທີການປຸງທີ່ບໍ່ຖືກຕ້ອງ ເຊັ່ນ : ການເອົາໄປຈືນ ຈະເຮັດໃຫ້ປະລິມານກາລໍຣີໃນຍຳສະຫລັດຂອງທ່ານສູງຂຶ້ນ ແນະນຳໃຫ້ປີ້ງ ຫລື ໜຶ້ງແທນຈະດີກ່ວາ.

error: Content is protected !!