6 ການຮຽນຮູ້ແທ້ທີ່ບໍ່ມີຢູ່ໃນຮົ້ວມະຫາວິທະຍາໄລ

- advert banner 728 90 728x90 - 6 ການຮຽນຮູ້ແທ້ທີ່ບໍ່ມີຢູ່ໃນຮົ້ວມະຫາວິທະຍາໄລ

     ໃນບົດຄວາມນີ້ ພວກເຮົາກໍມີທາງເລືອກສຳລັບນ້ອງໆທີ່ຮຽນຈົບ ມ.7 ແຕ່ບໍ່ຢາກຮຽນຕໍ່ລະດັບມະຫາວິທະຍາໄລມາແນະນຳ ຈະມີທາງເລືອກໃດແດ່ທີ່ໜ້າສົນໃຈ ມາເບິ່ງລາຍລະອຽດກັນໄດ້ດັ່ງນີ້ :

- new3 - 6 ການຮຽນຮູ້ແທ້ທີ່ບໍ່ມີຢູ່ໃນຮົ້ວມະຫາວິທະຍາໄລ

      1. ເລືອກຮຽນຕໍ່ສາຍອາຊີບສະເພາະທາງ : ຖືໄດ້ວ່າເປັນອີກໜຶ່ງທາງເລືອກທີ່ດີສຳລັບການເລືອກຮຽນຕໍ່ສາຍອາຊີບໂດຍສະເພາະ ໂດຍນ້ອງໆສາມາດເລືອກຮຽນໄດ້ໃນສາຍອາຊີບທີ່ຕົນເອງສົນໃຈ ບໍ່ວ່າຈະເປັນດ້ານປຸງແຕ່ງ, ທະຫານ, ຕຳຫລວດ ແລະ ຊ່າງສ້ອມແປງ ເປັນຕົ້ນ ໂດຍເມື່ອນ້ອງໆຮຽນຈົນອອກມາແລ້ວກໍສາມາດປະກອບວິຊາຊີບໄດ້ເລີຍ ແລະ ຍັງສາມາດຕໍ່ ຍອດເປີດເປັນທຸລະກິດສ່ວນໂຕໄດ້.

- 041411 2019 1024x580 - 6 ການຮຽນຮູ້ແທ້ທີ່ບໍ່ມີຢູ່ໃນຮົ້ວມະຫາວິທະຍາໄລ

     2. ລົງຮຽນຫລັກສູດອອນລາຍ: ເອີ້ນໄດ້ວ່າໃນປະຈຸບັນການຮຽນຮູ້ ໃນສິ່ງຕ່າງໆນັ້ນບໍ່ໄດ້ມີຢູ່ແຕ່ໃນຫ້ອງຮຽນເທົ່ານັ້ນ, ແຕ່ຍັງມີອີກຫລາຍຊ່ອງທາງໃຫ້ເຮົາໄດ້ເລືອກຮຽນຮູ້ກັນ ແລະ ໜຶ່ງໃນນັ້ນກໍຄືການຮຽນອອນລາຍທີ່ກຳລັງມາແຮງຫລາຍໆໃນຕອນນີ້ເລີຍ ເພາະບໍ່ໄດ້ຈຳກັດຢູ່ແຕ່ນັກຮຽນ, ນັກສຶກສາ ທີ່ສາມາດລົງຮຽນໄດ້ ແຕ່ບຸກຄົນທົ່ວໄປກໍສາມາດລົງຮຽນໄດ້ຄືກັນ ໂດຍມີໃຫ້ເລືອກທັງແບບຫລັກສູດຮຽນຟຣີ ແລະ ເສຍເງິນ ພ້ອມນີ້ເຮົາຍັງຈະໄດ້ຮັບໃບປະກາດສະນີຍະບັດເພື່ອຮັບຮອງວ່າເຮົາໄດ້ຮຽນ ຜ່ານຫລັກສູດດັ່ງກ່າວມາແລ້ວນຳອີກ.

     3. ຮຽນຕໍ່ຕ່າງປະເທດໃນດ້ານທີ່ສົນໃຈ : ນ້ອງຮູ້ຫລືບໍ່ວ່າໃນຫລາຍປະເທດແຖວເອີຣົບ ແລະ ອາເມລິກາ ມີລະບົບການສຶກສາຫລັງຈາກທີ່ນ້ອງໆຮຽນຈົບລະດັບມັດທະຍົມຕອນປາຍ ທີ່ເນັ້ນໄປໃນດ້ານການປະກອບວິຊາຊີບ ເຊິ່ງຈະເປີດສອນໃນຫລັກສູດສຳລັບວຸດທິໃນອາຊາຊີບຕ່າງໆ ໂດຍໃຊ້ເວລາສຶກສາພຽງ 1 ປີເທົ່ານັ້ນ ເຊິ່ງຕ່າງຈາກການຮຽນຮູ້ໃນຮົ້ວມະຫາວິທະຍາໄລທີ່ຕ້ອງໃຊ້ເວລາເຖິງ 4 ປີ ນອກຈາກນີ້ຍັງເປັນການໄປຮຽນຮູ້ແລກປ່ຽນ ແລະ ເປິດວິໄສທັດການໃຊ້ຊີວິດຢູ່ຕ່າງປະເທດ ເຮັດໃຫ້ເຮົາໄດ້ເບິ່ງເຫັນຫຍັງໃໝ່ໆນຳ.

     4. ອອກເດີນທາງທ່ອງທ່ຽວ : ສຳລັບນ້ອງໆຄົນໃດທີ່ຍັງຄົ້ນຫາໃນສິ່ງທີ່ຕົນເອງມັກບໍ່ພົບ ຫລື ບໍ່ຮູ້ວ່າຕົນເອງຢາກຈະເຮັດຫຍັງນັ້ນ ການເດີນທາງອອກໄປທ່ຽວໃນສະຖານທີ່ຕ່າງໆ ກໍເປັນອີກໜຶ່ງສິ່ງທີ່ຈະຊ່ວຍເຮັດໃຫ້ເຮົາຄົ້ນຫາຕົນເອງພົບຄືກັນ ເພາະເປັນຊ່ວງເວລາທີ່ດີໃນການ ລອງຫາປະສົບການໃໝ່ໆທີ່ບໍ່ມີຢູ່ໃນຫ້ອງຮຽນ ແລະ ການເຮັດວຽກ ທັງຍັງເຮັດໃຫ້ເຮົາໄດ້ຮຽນຮູ້ວິຖີການໃຊ້ຊີວິດຂອງຜູ້ຄົນໃນແຕ່ລະພື້ນທີ່ໆມີຄວາມແຕກຕ່າງກັນອອກໄປ (ບໍ່ແນ່ວ່າສິ່ງທີ່ເຮົາພົບພໍ້ຈາກການເດີນທາງທ່ອງທ່ຽວອາດຈະກາຍມາເປັນແຮງບັນດານໃຈໃຫ້ກັບເຮົາກໍມີ).

     5. ເລືອກເຮັດວຽກຫາປະສົບການ : ບໍ່ຢາກຮຽນຕໍ່ ແຕ່ຢາກຫາປະສົບການເຮັດວຽກຫລາຍກ່ວາ ກໍເປັນອີກໜຶ່ງສິ່ງທີ່ນ້ອງໆຫລາຍຄົນກຳລັງຄິດກັນຢູ່ແນ່ນອນ ເຊິ່ງກໍມີວຽກຫລວງຫລາຍທີ່ເປີດຮັບສະໝັກຜູ້ທີ່ຮຽນບໍ່ຈົບມະຫາວິທະຍາໄລ ເຊັ່ນ : ຄົນເບິ່ງແຍງຮ້ານ ແລະ ພະນັກງານຮ້ານຂາຍສິນຄ້າ ແລະ ອື່ນໆ ຫລາຍໆຄົນອາດຈະເບິ່ງວ່າອາຊີບເຫລົ່ານີ້ເປັນອາຊີບທີ່ມີລາຍຮັບບໍ່ສູງ ແລະ ມີໂອກາດເຕີບໃຫຍ່ໜ້ອຍ, ແຕ່ຖ້າຫາກນ້ອງໆລອງເບິ່ງໃນທາງກົງຂ້າມ ມັນອາດຈະບໍ່ເປັນແນວນັ້ນ ເພາະອາຊີບເຫລົ່ານີ້ມີໂອກາດເຕີບໃຫຍ່ຄືກັນ ເຊັ່ນ : ຈາກພະນັກງານໃນຮ້ານຂາຍສິນຄ້າ ຂຶ້ນໄປເປັນຜູ້ຈັດການຮ້ານ ເມື່ອທຽບກັບການຮຽນ 4 ປີ ແລະ ການເຮັດວຽກແທ້ 4 ປີ ເນື່ອງຈາກການທີ່ນ້ອງໆໄດ້ຮຽນຮູ້ປະສົບການການເຮັດວຽກແທ້ ບໍ່ແມ່ນພຽງແຕ່ການຮຽນຮູ້ໃນຫລັກສູດເທົ່ານັ້ນ ນອກຈາກນີ້ລະຫ່ວາງທີ່ນ້ອງໆເຮັດວຽກກໍສາມາດທີ່ຈະຫາຄວາມຮູ້ເພີ່ມຕື່ມໄດ້ຄືກັນ ບໍ່ວ່າຈະເປັນການຮຽນຮູ້ ຈາກລົງຮຽນຫລັກສູດອອນລາຍ ຫລື ການສຶກສານອກລະບົບ ເປັນຕົ້ນ.

- 061411 2019 1024x634 - 6 ການຮຽນຮູ້ແທ້ທີ່ບໍ່ມີຢູ່ໃນຮົ້ວມະຫາວິທະຍາໄລ
Happy young asian girl working at a coffee shop with a laptop

     6. ເຮັດທຸລະກິດສ່ວນໂຕຈາກສິ່ງທີ່ມັກ : ນ້ອງໆຄົນໃດທີ່ມີໄອເດຍ ຫລື ມີເປົ້າໝາຍຢູ່ແລ້ວວ່າໃນອະນາຄົດອາດຈະມີທຸລະກິດສ່ວນໂຕເປັນຂອງຕົນເອງ ນ້ອງໆສາມາດເລີ່ມຕົ້ນໄດ້ເລີຍໂດຍບໍ່ຕ້ອງລໍຖ້າໃຫ້ຮຽນຈົບມະຫາວິທະຍາໄລ ໂດຍອາດຈະເລີ່ມເຮັດທຸລະກິດຈາກສິ່ງທີ່ຕົນເອງມັກ ຫລື ສົນໃຈກ່ອນກໍໄດ້ ເພາະການທີ່ເຮົາເລີ່ມຈາກສິ່ງທີ່ເຮົາມັກຈະຊ່ວຍເຮັດໃຫ້ເຮົາມີແຮງກຳລັງ ໃນການເຮັດໃຫ້ທຸລະກິດຂອງເຮົາເຕີບໃຫຍ່ ແລະ ເປັນທີ່ຮູ້ຈັກກັນຫລາຍຍິ່ງຂຶ້ນ.

error: Content is protected !!