ຮູ້ບໍ? ບຸນອູ້ມ…

- advert banner 728 90 728x90 - ຮູ້ບໍ? ບຸນອູ້ມ…

ໂດຍ: ທ່ຽງທຳ

- new3 - ຮູ້ບໍ? ບຸນອູ້ມ…

ສະບາຍດີ, ເພື່ອນຜູ້ອ່ານທີ່ຮັກແພງມື້ນີ້ທ່ຽງທຳຂໍອະໄພທີ່ໄດ້ນຳ​ເອົາເລື່ອງເກົ່າຄົນຫລົງມາເວົ້າກັນໃໝ່, ທັງ​ນີ້ກໍຍາກໃຫ້ເພື່ອນຜູ້ອ່ານໄດ້ຫວນຄືນເຖິງຄວາມ​ບໍ່​ດີ​ຂອງຜູ້ໂລບມາກໂລພາກອບໂກຍເອົາຊັບສິນ, ດິນດອນຕອນຫຍ້າຂອງປະເທດຊາດບ້ານເມືອງຈົນເປັນທີ່ກ່າວຂານກັນມາຮອດທຸກມື້ນີ້ວ່າ: “ບຸນ​ອູ້ມ​ເຈົ້າທີ່​ດິນ”

- lattana 1 - ຮູ້ບໍ? ບຸນອູ້ມ…

        ເມື່ອເວົ້າເຖິງບຸນອູ້ມ ນະຈຳປາສັກ, ຄາວລະບອບເກົ່າຢູ່ແຂວງຈຳປາສັກ, ຫລາຍຄົນຈະຮູ້ດີເພາະເພິ່ນເປັນເຈົ້າ​ໃຫຍ່​ນາຍ​ໂຕໃນເຂດນັ້ນ ແລະ ອັນພົ້ນເດັ່ນສຸດແມ່ນເປັນເຈົ້າທີ່ດິນ ແລະ ຄວາມລ້ຳລວຍຈາກການສໍລາດບັງຫລວງຈົນເພິ່ນໄດ້ສ້າງສາລາພັນຫ້ອງຂຶ້ນມາ​ເພື່ອ​ເປັນພະລາຊະວັງຂອງເພິ່ນ ແລະ ປັດຈຸບັນແຂວງຈຳປາສັກ ກໍໄດ້ນຳໃຊ້ເປັນໂຮງແຮມ ຂະໜາດ 5 ດາວ ໄປແລ້ວເອີ້ນວ່າ: ໂຮງແຮມຈຳປາສັກ ພາເລດ ແລະ ມາໃນລະບອບນີ້ກໍຢາກຖາມເພື່ອນຜູ້ອ່ານວ່າ: ການກະທຳແບບບຸນອູ້ມນີ້ຍັງມີອີກບໍ? ໂດຍສະເພາະ ແມ່ນເລື່ອງກອບໂກຍເອົາຊັບສິນ, ດິນດອນຕອນຫຍ້າຂອງລັດຂອງຫລວງມາເປັນຂອງຕົນເອງ ແລະ ຖ້າມີກໍຈະຖືກລົງໂທດແລ້ວດັ່ງປັດຈຸບັນເບື້ອງຂະແໜງການກ່ຽວຂ້ອງກໍພວມສຸມໃສ່ແກ້ໄຂທີ່ດິນສຳລັບເຊົ່າ ແລະ ສຳປະທານຫລາຍກວ່າ 400 ໂຄງການໃນທົ່ວປະເທດທີ່ບໍ່ຈະແຈ້ງຄື: ໂຄງການບໍ່ມີຕົວຕົນ, ໂຄງການຍົກເລີກແລ້ວ, ໂຄງການບໍ່ມີການເຄື່ອນໄຫວ ຫລື ໝົດອາຍຸໂຄງການສະເໜີສືບຕໍ່ແຕ່ຕ້ອງກວດກາຄືນດ້ານນິຕິກຳ, ພັນທະທາງດ້ານການເງິນ ໂດຍສະເພາະແມ່ນໂຄງການທີ່ອົງການປົກຄອງທ້ອງຖິ່ນອະນຸມັດເກີນຂອບເຂດສິດ, ໂຄງການທີ່ບໍ່ມີການຢືນຢັນສິ່ງແວດລ້ອມ, ບໍ່ໄດ້ເສຍຄ່າເຊົ່າ, ສຳປະທານທີ່ດິນ, ໂຄງການບໍ່ທັນມີສັນຍາ ຫລື ສັນຍາໝົດອາຍຸແຕ່ຍັງດຳເນີນຢູ່, ໂຄງການທີ່ບໍ່ແມ່ນການເຊົ່າ-ສຳປະທານທີ່ດິນລັດ, ໂຄງການມີຂ້ໍຂັດແຍ່ງ ແລະ ໂຄງການໂອນເອົາດິນລັດມາເປັນທີ່ດິນບຸກຄົນແບບເຈົ້າບຸນອູ້ມນັ້ນຍິ່ງຈະຕ້ອງໄດ້ຮີບຮ້ອນແກ້ໄຂເພື່ອຄວາມສະອາດໂປ່ງໃສຂອງພັກ ແລະ ລັດຖະບານໃໝ່ເຮົາ./.

error: Content is protected !!