​ເງິນ​ກີບ​ອ່ອນ​ຄ່າ​ຍ້ອນ​ ຄາ​ນຳ​ຄວາມ​ບໍ່​ເປັນ​ເຈົ້າ

- advert banner 728 90 728x90 - ​ເງິນ​ກີບ​ອ່ອນ​ຄ່າ​ຍ້ອນ​  ຄາ​ນຳ​ຄວາມ​ບໍ່​ເປັນ​ເຈົ້າ

​ໂດຍ​: ທິດ​ກ່ຳ

- new3 - ​ເງິນ​ກີບ​ອ່ອນ​ຄ່າ​ຍ້ອນ​  ຄາ​ນຳ​ຄວາມ​ບໍ່​ເປັນ​ເຈົ້າ

ນັບ​ແຕ່​ນີ້​ໄປ​ຫາ​ວັນ​ທີ 7 ທັນວາ 2019 ຖ້າ​ຫາກ​ພວກ​ເຮົາ​ພາກັນ​ຕິດຕາມ​ຂ່າວ​ຄາວບັນຍາກາດ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 8 ຂອງ​ສະພາ​ແຫ່ງ​ຊາດ​ຊຸດ​ທີ 8 ຈະ​ເຫັນ​ໄດ້ ວ່າ​ມີ​ຫລາຍ​ບັນຫາ​ໂດດ​ເດັ່ນ​ຕໍ່​ພາລະ​ກຳ​ປະຫວັດສາດ​ຂອງ​ຊາດ​ທີ່​ລັດຖະບານ​ເຮົາ​ຈະ​ຕ້ອງ​ໄດ້​ສູ້​ຊົນ​ແກ້​ໄຂ​ໃຫ້​ບຸກທະລຸ ​ໄປ​ຕາມ​ແຜນ ​ແລະ ​ເປັນ​ຕົນ​ເປັນ​ໂຕ​ອອກ​ມາ​ພາຍ​ໃນປີໜ້າ ຫລື ປີ​ຕໍ່ໆ​ໄປ, ໜຶ່ງ​ໃນ​ບັນຫາ​ໃຫຍ່​ທີ່​ພວກ​ເຮົາ​ພວມ​ປະ​ເຊີນ​ຢູ່​ທຸກ​ວັນ​ນີ້​ກໍ​ຄື​ເງິນ​ກີບ​ເຟີ້ ອ່ອນ​ຄ່າ​ລົງ​ຢ່າງ​ໜ້າ​ວິຕົກ​ນັບ​ແຕ່​ໄລຍະ​ຕົ້ນປີ 2019 ນີ້​ເປັນຕົ້ນມາ.

​       ​ແນວ​ໃດ​ກໍ​ຕາມ, ​ເນື່ອງ​ໃນ​ໂອກາດ​ກອງ​ປະຊຸມ​ສະພາ​ຄັ້ງນີ້ ຜູ້​ວ່າການ​ທະນາຄານ​ແຫ່ງ ສປປ ລາວ ກໍ​ໄດ້​ອອກ​ມາ​ໃຫ້​ຄວາມ​ກະ​ຈ່າງ​ແຈ້ງວ່າ: ອັນສາ​ເຫດ​ທີ່​ເຮັດ​ໃຫ້​ເງິນ​ກີບ​ອ່ອນ​ຄ່າ​ນັ້ນ​ແມ່ນ​ຍ້ອນ​ການ​ຜະລິດ​ສິນຄ້າ​ຢູ່​ພາຍ​ໃນ​ປະ​ເທດ ​ເຮົາ​ຍັງ​ບໍ່​ທັນ​ເຂັ້ມ​ແຂງ.

​       ເພາະສະນັ້ນ ຈຶ່ງ​ມີ​ຄວາມ​ຈຳ​ເປັນ​ຕ້ອງ​ໄດ້​ນຳ​ເຂົ້າສິນຄ້າ​ຈາກ​ຕ່າງປະ​ເທ​ດມາຄ້ຳ ຈູ​ນຢ່າງ​ຫລວງຫລາຍ​ ຈຶ່ງສົ່ງ​ຜົນ​ໃຫ້​ຄວາມ​ຕ້ອງການ​ເງິນຕາ​ຕ່າງປະ​ເທດ​ມາ​ຊຳລະ​ສະ​ສາງ​ມີຈຳນວນຫລາຍເຊັ່ນກັນ. ນີ້​ຄື​ປະ​ເດັນ​ຫລັກໆ​ທີ່​ຄົນ​ລາວ​ເຮົາ​ທຸກ​ຄົນ​ຕ້ອງ​ຍອມຮັບ ​ແລະ ​ເຂົ້າ​ໃຈ​ຢ່າງ​ຖີ່​ຖ້ວນ​ເລິກ​ເຊິ່ງ.

       ​ແນວ​ໃດ​ກໍ​ຕາມ​ສ່ວນ​ບັນຫາ​ຂອງ​ທິດ​ກ່ຳ ທີ່​ພໍ​ສະຫລຸບ​ໄດ້​ວ່າ​ເງິນ​ກີບ​ອ່ອນ​ຄ່າ​ນັ້ນມັນ​ຢູ່​ນຳ​ພວກ​ເຮົາ​ບໍ່​ພາກັນ​ເປັນ​ເຈົ້າມາ​ແຕ່​ເທິງ​ນານ​ອັນ​ເປັນ​ ປະຫວັດສາດ ຊຳ​ເຮື້ອມາ​ຫລາຍ​ທົດ​ສະ​ວັດ​ແລ້ວ, ຖ້າ​ຈະ​ປຽບທຽບ​ໃສ່​ແນວທາງ​ຂອງ​ພັກ​ເຮົາ​ໃນ​ເບື້ອງຕົ້ນຕອນ​ປົດ​ປ່ອຍ​ໃໝ່​ແມ່ນ​ກຳນົດ​ເອົາ​ການ​ຜະລິດ​ກະສິກຳ​ເປັນ​ພື້ນຖານ​ໃຫ້​ແກ່ຂະແໜງການ​ອຸດ​ສະຫະ​ກຳ-ການຄຸ້າ ແລະ  ຕໍ່​ມາ​ກໍ​ແມ່ນ​ການ​ປະຕິວັດ​ສາມ​ປະການ​ເປັນ​ຂອດ​ຕັດສິນ​ເພື່ອ​ປະຕິ​ຮູບ​ເສດ ຖະກິດ​ຂອງ​ຊາດ ​ເວົ້າມາ​ຮອດ​ບ່ອນ​ນີ້​ທິດ​ກ່ຳ​ຍັງ​ຄິດ​ເຫັນ ປະທານ ​ໄກສອນ ພົມວິຫານ ​ເພິ່ນ​ເວົ້າ​ກິໆ​ກິໆ ​ແລະ ​ເອົາ​ໃສ່​ແທ້ໆ ຕາມ​ເຮົາ​ວ່າ​ຖ້າ​ພວກ​ເຮົາ​ຫາກ​ພາກັນ​ເລັ່ງດຳ​ເນີນ ມາ​ຢ່າງ​ເດັດຂາດ​ແຕ່​ເບື້ອງຕົ້ນ​ເສດຖະກິດ​ຂະໜາດ​ນ້ອຍ​ຂະ​ໜາດ​ກາງ​ຕ້ອງ​ເຕີບ​ໂຕ​ຢ່າງ​ແນ່ນອນ, ຊ່ວງໄລຍະ​ປົດ​ປ່ອຍ​ໃໝ່​​ໄທ​ອັດ​ຊາຍ​ແດນ​ແຕ່​ຝ່າຍ​ດຽວ​ຫາ​ວ່າ​ລາວ​ເປັນ​ກອມ​ມູນ​ນິດ​ເຮົາ ກໍ​ສູ້​ຊົນ​ເພິ່ງ​ຕົນ​ເອງ​ກຸ້ມ​ຕົນ​ເອງ​ຈົນ​ຢູ່​ລອດ​ມາ​ໄດ້.

ພໍ​ກ້າວ​ສູ່​ໄລຍະ​ປ່ຽນ​ແປງ​ໃໝ່​ເບິ່ງ​ຄື​ວ່າ​ລືມ​ໄລ​ອັນ​ເກົ່າ ຈຶ່ງ​ເປັນ​ເຫດ​ໃຫ້​ຄົນ​ລາວ​ສ່ວນ​ໃຫຍ່​ທີ່​ມີ​ດິນ​ດອນ​ຕອນ​ຫຍ້າ​ເຫີ​ນຫ່າງ​ຈາກ​ການ​ຜະລິດ​ນັບ​ມື້ຂີ້ຄ້ານ​ມັກງ່າຍ​ຜູ້​ມີ​ດິນ​ກໍ​ຂາຍ​ດິນ ​ໄປ​ຊື້ລົດ, ຜູ້​ມີ​ເຮືອນ, ມີ​ສຳນັກງານ​ອົງການ ຫລື ມີ​ທຳ​ເລ​ດີໆ ທີ່​ຈະ​ກາຍ​ເປັນ​ສູນ​ການ​ຄ້າ ​ແຫ​ລ່ງ​ເສດຖະກິດ​ບ່ອນ​ຫາ​ເງິນ​ຫາ​ຄຳ​ໃນ​ໄລຍະ​ຍາວ​ຂອງ​ຊີວິດ​ກໍ​ພາກັນ​ເຫີ່​ແລກປ່ຽນ ຫລື ຂາຍ​ໃຫ້​ນາຍທຶນ​ສຸດ​ທ້າຍ​ມາ​ຕົນ​ເອງ​ກໍ​ເລີຍ​ເປັນ​ທຸກ.

- lattana 1 - ​ເງິນ​ກີບ​ອ່ອນ​ຄ່າ​ຍ້ອນ​  ຄາ​ນຳ​ຄວາມ​ບໍ່​ເປັນ​ເຈົ້າ

       ອີກ​ປະ​ເດັນ​ໜຶ່ງ​ທີ່​ທິດ​ກ່ຳ ຢາກ​ຍົກ​ມາ​ເປັນ​ບັນຫານັ້ນຄື​ຄົນ​ລາວ​ເຮົາ​ສະ​ໄໝ​ນີ້ ພາກັນ​ເຫີ​ໄປ​ໃຊ້​ແຕ່​ເງິນ​ບາດ, ​ເງິນ​ໂດ​ລາ​ບໍ່​ຫົວຊາ​ນຳ​ເງິນ​ກີບ. ຜູ້​ມີ​ເງິນ​ມີ​ຄຳ​ຫລາຍ​ຈົນ​ເຖິງ​ຂັ້ນ​ໄປ​ຝາກ​ທະນາຄານ​ຢູ່​ຕ່າງປະ​ເທດ, ບໍ່​ຍອມ​ຝາກ​ຢູ່​ລາວ​ເພາະ​ຢ້ານ​ບໍ່​ຮັບປະກັນ ​ແລະ ຢ້ານ​ເສຍ​ສັບ​ວ່າ​ຕົນ​ມີ​ເງິນ ​ໄປ​ລົງ​ຕະຫລາດ​ກໍ​ຢູ່​ຕ່າງປະ​ເທດທັງນັ້ນ.

ສຳລັບ​ຕະຫລາດ​ຊື້ຂາຍ​ກັນ​ໃນ​ລາວ​ນັບ​ແຕ່​ຜັກ​ມີ່​ສີ່​ຊອມ, ​ເຄື່​ອງ​ໃຊ້​ຂອງ​ສອຍ, ໝໍ​ແຫກ ​ແຕກ​ກະ​ໂປະ, ຂາຍ​ເຮືອນ​ຂາຍ​ຊານ, ຂາຍ​ດິນ​ດອນ​ຕອນ​ຫຍ້າ​​ເວົ້າ​ແຕ່​ເປັນ​ບາດ, ​ເປັນ​ໂດລາ, ​ເງິນ​ກີບ​ບໍ່​ເອົາ, ​ເອົາ​ແຕ່​ເງິນ​ບາດ​ເງິນ​ໂດ​ລາຊື້ ຂາຍ​ກັນ​ຊະຊາຍ​ຢ່າງ​ບໍ່​ມີ​ຂອບ​ເຂດ ນີ້​ລະ​ຄື​ທີ່​ມາ​ຂອງ​ຄວາມ​ຫາຍ​ຍານະ​ເງິນ​ກີບ​ລາວ​ນັບ​ມື້ສຸດ​ສ້ວຍ ​ແລະ ​ເຟີ້​ໄປ​ຕິກໆ.

​ເມື່ອ​ຕັ້ງ​ໂຈດ​ກັນ​ວ່າ​ແມ່ນ​ໃຜ​ເປັນ​ຜູ້​ພາ​ເຮັດ​ພາ​ໄປ? ຄຳ​ຕອບ​ກໍ​ຄື​ຍ້ອນ​ພວກ​ເຮົາ​ເອງ​ພາ ກັນ​ເຮັດ ​ແລະ ສ້າງ​ບັນຫາ​ຂຶ້ນມາ. ນີ້​ລະ​ຄື​ຄວາມ​ບໍ່​ເປັນ​ເອກະລາດ, ຄວາມ​ບໍ່ເປັນ​​ເຈົ້າຂອງ​ພວກ​ເຮົາ​ເອງ.

       ​ແນວ​ໃດ​ກໍ​ດີ, ຖ້າ​ພວກ​ເຮົາ​ຫາກ​ພາກັນ​ແກ້​ແຕ່​ດຽວ​ນີ້​ເປັນຕົ້ນ​ໄປ​ຊາຕາ​ເງິນ​ກີບ​ ລາວ​ຍັງ​ມີ​ທາງ​​ເຟື້ອງຟູ​ຂຶ້ນທຽບ​ກັບ​ສະກຸນ​ເງິນ​ອື່ນ​ໃນ​ໂລກ, ​ເປັນ​ຕົ້ນພາກັນ​ເຮັດ​ການ​ຜະ ລິດ​ສິນຄ້າ​ນັບ​ແຕ່​ຂະໜາດ​ນ້ອຍ, ຂະໜາດ​ກາງ​ໃຫ້​ຫລາຍໆ ​ເຂັ້ມ​ແຂງ​ທີ່ຫລີ​ກ້າວ​ໄປ​ຫາ ຂະໜາດ​ໃຫຍ່​ເພື່ອ​ສົ່ງ​ອອກ, ທຸກ​ສິ່ງຢ່າງ​ແມ່ນ​ເລີ່​ມ​ເຮັດ​ເອງ, ຜະລິດ​​ເອງ​ອັນ​ໃດ​ເຮົາ​ມີ​ກໍ່ ຈຳກັດ​ການ​ນຳ​ເຂົ້າຢ່າງ​ເດັດ, ພາກ​ລັດ​ກໍ​ຕ້ອງ​ມີ​ການ​ຊຸກຍູ້​ສົ່ງ​ເສີມ​ບໍ່​ໃຫ້​ພາກັນ​ເວົ້າລ້າໆ, ຕ້ອງ​ນຳພາ​ເຮັດ​ນຳພາ​ໄປ​ອີ່ຫລີ ບໍ່​ໃຫ້​ເຮັດ​ຄື​ຂີ່​ມ້າ​ຊົມ​ສວນ​ອຸດ​ທິຍານ, ຄິດ​ເຫັນ​ປະ​ໂຫຍ​ດ  ລວມຂອງ​ຊາດ​ນັ້ນຕ້ອງ​ເປັນ​ໃຫຍ່, ປາບ​ການ​ສໍ້​ລາດ​ບັງ​ຫລວງ, ​ໃຜ​ເຮັດ​ວຽກ​ລັດ​ວຽກຫລວງ​ບໍ່​ໄດ້, ບໍ່​ເປັນ, ບໍ່​ເກັ່ງ​ໃຫ້ຫາ​ວິທີ​ເອົາ​ອອກ, ບໍ່​ອຸ້ມ​ຄົນ, ອຸ້ມ​ວຽກ, ພະນັກງານ​ທີ​ດີ ທີ່​ເກັ່ງ​ຕ້ອງ​ຮູ້​ເຮັດ​ວຽກ, ​ເຮັດ​ໄດ້​ຫລາຍ​ວຽກ, ນີ້ລະ​ຄື​​ເສັ້ນທາງ​ຈະ​ພາ​ໃຫ້​ເສດຖະ ກິດ​ລາວ, ​ເງິນ​ກີບ​ລາວ​ຍືນ​ຍົງ​ຄົງ​ໂຕ​ດີ​ຂຶ້ນ​ໄປ​ເລື້ອຍໆ​ຕາມ​ອ້າຍ​ທິດ​ວ່າ./.

error: Content is protected !!