ອາກາດອາທິດ​ນີ້ພາກ​ເໜືອ​ຈະ​ໜາວ​, ສ່ວນພາກກາງ-​ໃຕ້ຈະ​ຮ້ອນ​ໃນ​ຕອນ​ບ່າຍ

ກົມ​ອຸຕຸນິຍົມ ​ແລະ ອຸທົກ​ກະ​ສາດ ​ຄາດ​ຄະ​ເນ​ວ່າ: ສະພາບ​ອາກາດ​ໃນ​ອາທິດ​ນີ້​ ຄວາມ​ກົດ​ດັນ​ສູງ​ຂອງ​ອາກາດ​ເຢັນ​ທີ່​ປະ​ເທດ​ຈີນມີ​ກໍາລັງ​ປານ​ກາງ​ສືບ​ຕໍ່​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ​ເທດ​ເຮົາ, ສົມທົບ​ກັບ​ລົມ​ຕາ​ເວັນ​ອອກ-ຕາ​ເວັນ​ອອກ​ສຽງ​ເໜືອ​ພັດ​ປົກ​ຄຸມ​ເປັນ​ສ່ວນ​ໃຫຍ່, ຊຶ່ງ​ຈະ​ເຮັ​ດ​ໃຫ້​ອາກາດ​ເຢັນ​ໃນ​ຕອນ​ກາງຄືນ ​ແລະ ຕອນ​ເຊົ້າ, ພ້ອມ​ມີ​ໝອກ​ບາງ​ປົກ​ຫຸ້ມ​ທົ່ວ​​ໄປ ​ແລະ ມີ​ຝົນຕົກ​ກະຈາຍ ພ້ອມລົມ​ພັດ​ແຮງ​ເປັນ​ບາງ​ໂອກາດ​ຢູ່​ແຕ່ລະ​ພາກ, ສະ​ເພາະຢູ່​ແຂວງ​ພາກ​ເໜືອ, ​​ແຂວງໄຊ​ສົມບູນ ​ແລະ ​ເຂດ​ພູ​ພຽງ​ບໍລະ​ເວນ, ປາກ​ຊ່ອງ ​ແລະ ນິຄົມ 34 ອາກາດ​ຈະ​ເຢັນຫາ​ໜາວ​ເຢັນ, ພ້ອມມີໝອກ​ໜາ​ປົກ​ຫຸ້ມ​ຢູ່​ບາງ​ທ້ອງ​ຖິ່ນ. ສ່ວນ​ພາກ​ກາງ ​ແລະ ​ໃຕ້ ອາ​ກາດ​ຈະຮ້ອນ​ໃນ​ຕອນ​ບ່າຍ.

- new3 - ອາກາດອາທິດ​ນີ້ພາກ​ເໜືອ​ຈະ​ໜາວ​, ສ່ວນພາກກາງ-​ໃຕ້ຈະ​ຮ້ອນ​ໃນ​ຕອນ​ບ່າຍ

ສໍາລັບ​ສະພາບ​ອາກາ​ດ​ໃນ​ແຕ່​ລະ​ພາກ​ມີ​ດັ່ງ​ນີ້: ພາກ​ເໜືອ​ດ້ານ​ຕາ​ເວັນ​ອອກ ​ແຂວງຜົ້ງສາລີ, ຫົວພັນ ​ແລະ ຊຽງ​ຂວາງ ອາກາດ​ຈະ​ເຢັນ​ຫາ​ໜາວ​ເຢັນ​ໃນ​ຕອນ​ກາງຄື​ນຫາ​ຕ​ອນ​ເຊົ້າ, ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ, ມີ​ລົມ​ພັດ​ແຮງ ​ແລະ ຝົນຕົກ​ກະຈາຍ​ຢູ່​ບາງ​ທ້ອງ​ຖິ່ນ ອຸນຫະພູມ​ແຕ່ 12-27 ອົງສາ. ພາກ​ເໜືອ​ດ້ານ​ຕາ​ເວັນ​ຕົກ: ​ແຂວງ​ອຸດົມ​ໄຊ, ຫລວງ​ນໍ້າ​ທາ​ເຂດ​ເມືອງ​ສິງ ​ແລະ ວຽງ​ພູ​ຄາ ອາກາດ​ເຢັນ​ຫາ​ໜາວ​ເຢັນ​ໃນ​ຕອນ​ກາງຄືນ​ຫາ​ຕອນ​ເຊົ້າ, ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ ອຸນຫະ​ພູມ​ແຕ່ 14-33 ອົງສາ. ພາກ​ກາງ: ອາກາດ​ເຢັນ​ຢູ່​ທົ່ວ​ໄປ​ໃນຕ​​ອນກາງຄືນ​ຫາ​ຕອນ​ເຊົ້າ ແລະ ມີ​ລົມ​ພັດ​ແຮງ​ບາງ​ບໍລິ​ເວນ ອຸນຫະພູມ​ແຕ່ 19-33 ອົງສາ ​ແລະ ພາກ​ໃຕ້: ຈະ​ມີ​ເຝື້ອ​ປົກ​ຄຸມ​ເປັນ​ບາງ​ສ່ວນ, ອາກາດ​ເຢັນ​ໃນ​ຕອນ​ກາງຄື​ນຫາ​ຕອນ​​ເຊົ້າ, ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ ​ແລະ ​ໃນ​ຕອນ​ບ່າຍ​ອາກາດ​ຈະ​ຮ້ອນ ອຸນຫະພູມ​ແຕ່ 20-33 ອົງສາ.

error: Content is protected !!