ລັດຖະບານ ຈະສືບຕໍ່ແກ້ໄຂ ບັນຫາກົດໜ່ວງການພັດທະນາຖະນາເສດຖະກິດ-ສັງຄົມຂອງຊາດ

- advert banner 728 90 728x90 - ລັດຖະບານ ຈະສືບຕໍ່ແກ້ໄຂ ບັນຫາກົດໜ່ວງການພັດທະນາຖະນາເສດຖະກິດ-ສັງຄົມຂອງຊາດ

     ໃນວັນລະດໍາເນີນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ VIII, ໃນວັນທີ 15 ພະຈິກນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຊີ້ແຈ້ງຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2019 ແລະ ທິດທາງ ປີ 2020 ເຊິ່ງໄດ້ທົບທວນຄືນບັນດາຄາດໝາຍສູ້ຊົນຂອງລັດຖະບານທີ່ໄດ້ຕັ້ງໃຈຜັນຂະຫຍາຍ ແລະ ໄດ້ກໍານົດທິດທາງວ່າ: ຈະສຸມໃສ່ແກ້ໄຂບັນຫາຄົງຄ້າງຜ່ານມາ ແລະ ຈະສືບຕໍ່ຄົ້ນຄວ້າ, ການບໍລິຫານລັດຢ່າງຮັດກຸມ, ປະຕິບັດບັນດາກົດໝາຍ ແລະ ດຳລັດຕ່າງໆຢ່າງເຄັ່ງຄັດ, ຈໍາກັດການຂ້າຂາຍເຖື່ອນ, ປາບປາມຢາເສບຕິດ ແລະ ສືບຕໍ່ແກ້ໄຂບັນດາເຫດການທີ່ຜິດເຂວ ແລະ ພະຍາຍາມປົກປ້ອງສິ່ງທີ່ຖືກຕ້ອງ ແລະ ບໍລິຫານປະເທດດ້ວຍຄວາມເປັນທຳ. ສືບຕໍ່ແກ້ໄຂບັນຫາໜີ້ສິນບັນດາໂຄງການລົງທຶນຂອງລັດຢ່າງຕັ້ງໜ້າ, ສົ່ງເສີມທຸລະກິດຂະໜາດນ້ອຍ ແລະ ຂະໜາດກາງໃຫ້ແຂງແຮງກວ່າເກົ່າ, ພະຍາຍາມຊອກຫາຕະຫຼາດສົ່ງອອກພະລັງງານໄຟຟ້າໄປຍັງຫວຽດນາມ, ກຳປູເຈຍ ແລະ ໄທ ໃຫ້ຫຼາຍຂຶ້ນ, ສ່ວນລັດຖະບານໄດ້ເອົາໃຈໃສ່ແກ້ໄຂບັນຫາອື່ນໆທີ່ເກີດຂຶ້ນ ນັ້ນອາດຈະໃຊ້ເວລາ ແລະ ຫວັງວ່າ ສສຊ ຈະຊ່ວຍເປັນຫູເປັນຕາ ແລະ ເຂົ້າຮ່ວມໃນການກວດກາ ການແກ້ໄຂໂດຍສະເພາະບັນຫາທີ່ດິນທີ່ກຳລັງປະເຊີນໜ້າຢູ່ໃຫ້ລຸລ່ວງໄປເປັນກ້າວໆ. ພ້ອມທັງສືບຕໍ່ຈັດຕັ້ງປະຕິບັດດຳລັດເລກທີ 15/ນຍ ເພື່ອຄຸ້ມຄອງການສົ່ງອອກໄມ້ຕໍ່ໄປ.

- new3 - ລັດຖະບານ ຈະສືບຕໍ່ແກ້ໄຂ ບັນຫາກົດໜ່ວງການພັດທະນາຖະນາເສດຖະກິດ-ສັງຄົມຂອງຊາດ

ນອກນີ້, ລັດຖະບານຈະພະຍາຍາມປັບປຸງກົດໝາຍທີ່ມີຢູ່ແລ້ວ ແລະ ສ້າງກົດໝາຍໃໝ່ໃຫ້ຮັດກມກວ່າເກົ່າ.

     ທ່ານ ນາຍົກລັດຖະມົນຕີ ກ່າວຕື່ມວ່າ: ລັດຖະບານມີ 10 ຂໍ້ຄົງຄ້າງໃຫ້ ສສຊ ນຳເອົາໄປແກ້ໄຂຊ່ວຍ ເພື່ອພ້ອມກັນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປີນີ້ ໃຫ້ລຸລ່ວງໄປດ້ວຍດີ ແລະ ຈະພ້ອມກັນແກ້ໄຂເຮັດໃຫ້ສະມັດຕະພາບການຜະລິດສູງຂຶ້ນ ແລະ ປັບປຸງລັດວິສາຫະກິດ ບໍ່ໃຫ້ຕົກໃນຂໍ້ຫຍຸ້ງຍາກ, ແກ້ໄຂສະພາບແວດລ້ອມ, ການລົງທຶນກິດຈະກຳໃນປະເທດເຮົາ ໃນຕໍ່ໜ້າໃຫ້ມີບັນຍາກາດຟົດຟື້ນກວ່າເກົ່າ ເພື່ອເຮັດໃຫ້ຕົວຊີ້ວັດທີ່ຍັງຄົງຄ້າງດຳເນີນໄປດ້ວຍດີ. ເອົາໃຈໃສ່ສົ່ງເສີມການທ່ອງທ່ຽວ ໃຫ້ຕົວເລກນັກທ່ອງທ່ຽວເຂົ້າມາເພີ່ມຂຶ້ນ, ເພາະຜ່ານມາຍັງບໍ່ທັນໄດ້ຕາມການຄາດຄະເນ ຍ້ອນມີຫຼາຍເຫດຜົນເປັນຕົ້ນ: ຖະໜົນຫົນທາງ, ສິນຄ້າ, ສິ່ງອໍານວຍຄວາມສະດວກ, ແຫຼ່ງທ່ອງທ່ຽວ ຍັງບໍ່ສາມາດດຶງດູດໄດ້ດີ ແລະ ສິ່ງແວດລ້ອມອື່ນໆ ເຊິ່ງລັດຖະບານຈະເລັ່ງແກ້ໄຂບັນຫານີ້. ພ້ອມທັງພະຍາຍາມເຮັດໃຫ້ອັດຕາແລກປ່ຽນ ແລະ ອັດຕາເງິນເຟີ້ ຢູ່ໃນເກນທີ່ສະພາແຫ່ງຊາດຮັບຮອງເອົານັ້ນ.

- lattana 1 - ລັດຖະບານ ຈະສືບຕໍ່ແກ້ໄຂ ບັນຫາກົດໜ່ວງການພັດທະນາຖະນາເສດຖະກິດ-ສັງຄົມຂອງຊາດ

ການພັດທະນາຊົນນະບົດ ແລະ ລຶບລ້າງຄວາມທຸກຍາກ ແມ່ນປະກອບດ້ວຍຫຼາຍປັດໄຈຄື: ຖະໜົນຫົນທາງຊຸກຍູ້ເຮັດໃຫ້ປະຊາຊົນຜະລິດຂອງປະຊາຊົນໃຫ້ຂາຍໄດ້, ປະຊາຊົນເຂົ້າເຖິງສິນເຊື້ອໄດ້, ສໍາຄັນທີ່ສຸດຂໍໃຫ້ແຂວງຕ່າງໆ ພະຍາຍາມດຶງດູດເອົາການລົງທຶນໄປສູ່ຊົນນະບົດ, ສົ່ງເສີມການປຸງແຕ່ງກະສິກຳ ເຮັດໃຫ້ປະຊາຊົນມີວຽກເຮັດງານທຳ, ມີຄວາມເປັນເຈົ້າການສັງຄົມໃຫ້ດີຂຶ້ນ ແລະ ຈະພະຍາຍາມອບໝາຍໜ້າທີ່ແບ່ງງານ, ແບ່ງຄວາມຮັບຜິດຊອບໃຫ້ກັນຢ່າງທົ່ວເຖິງ, ໃຫ້ສາມາດປະສານງານກັນໄດ້ແຕ່ເທິງລົງລຸ່ມ,  ປັບປຸງແບບແຜນວິທີເຮັດວຽກທີ່ຍັງອຶດອາດຊັກຊ້າຂາດຄວາມເປັນເຈົ້າການກ້າຫານ, ຂາດຫົວຄິດປະດິດສ້າງໃຫ້ໄດ້ຮັບການແກ້ໄຂ, ພ້ອມທັງຈະປັບປຸງກົນໄກປະສານງານລະຫວ່າງຂະແໜງການທ້ອງຖິ່ນເປັນຕົ້ນ ລັດຖະບານກັບສະພາ. ທ່ານນາຍົກ ກ່າວອີກວ່າ: ປັດຈຸບັນກໍາລັງສຶກສາຄວາມເປັນໄປໄດ້ໃນການສ້າງທາງດ່ວນ ວຽງຈັນ-ຮ່າໂນຍ ສສ ຫວຽດນາມ ແລະ ກຳລັງສຶກສາທາງດ່ວນ ລາວ-ໄທ ແລະ ພາຍໃນປະເທດ. ເສັ້ນທາງຄົມມະນາຄົມຈະສະດວກ ເພື່ອສົ່ງເສີມການລົງທຶນ, ການທ່ອງທ່ຽວຮອດ ປີ 2030 ພວກເຮົາອາດເຮັດໄດ້ ແຕ່ທຸກໆພາກສ່ວນຕ້ອງໄດ້ຮ່ວມກັນ ເຮັດຢ່າງຈິງຈັງ ເພື່ອນຳເອົາປະເທດກ້າວຂຶ້ນ ແລະ ພົນລະເມືອງມີລາຍຮັບທີ່ດີ.

error: Content is protected !!