ນ້ຳ​ຖ້ວມ​ເຮັດ​ໃຫ້​ເສດ​ຖະ​ກິດ​ເມືອງ​ເວ​ນິ​ສ​ເສຍ​ຫາຍ​ຫລາຍກວ່າ 1 ພັນລ້ານ​ເອີ​ໂຣ

- advert banner 728 90 728x90 - ນ້ຳ​ຖ້ວມ​ເຮັດ​ໃຫ້​ເສດ​ຖະ​ກິດ​ເມືອງ​ເວ​ນິ​ສ​ເສຍ​ຫາຍ​ຫລາຍກວ່າ 1 ພັນລ້ານ​ເອີ​ໂຣ

      ເທ​ສະ​ບານ​ເມືອງ​ເວ​ນິ​ສ ທາງ​ເໜືອ​ຂອງ​ອິ​ຕາ​ລີ ຕີ​ລາ​ຄາ​ຄວາມ​ເສຍ​ຫາຍ​ທາງ​ເສດ​ຖະ​ກິດ​ຈາກ​ນ້ຳ​ຖ້ວມ​ຄັ້ງ​ໃຫຍ່ ເຊິ່ງ​ເກີດ​ຂຶ້ນ​ໃນ​ອາ​ທິດ​ຜ່ານ​ມາ ໄວ້​ຢ່າງ​ໜ້ອຍ 1.000 ລ້ານ​ເອີ​ໂຣ, ຂະ​ນະ​ທີ່​ສູນ​ເຝົ້າ​ລະ​ວັງ​ເຕືອນ​ປະ​ຊາ​ຊົນ​ກຽມ​ຮັບ​ມື​ນ້ຳ​ຂຶ້ນ​ຮອບ​ໃໝ່.

- new3 - ນ້ຳ​ຖ້ວມ​ເຮັດ​ໃຫ້​ເສດ​ຖະ​ກິດ​ເມືອງ​ເວ​ນິ​ສ​ເສຍ​ຫາຍ​ຫລາຍກວ່າ 1 ພັນລ້ານ​ເອີ​ໂຣ

    ສຳ​ນັກ​ຂ່າວ​ຕ່າງ​ປະ​ເທດ​ລາຍ​ງານ​ວ່າ: ທ່ານ ລຸຍ​ຈິ ບຸກ​ນາ​ໂຣ ເຈົ້າ​ເມືອງ​ເວ​ນິ​ສ ກ່າວ​ໃນ​ວັນ​ທີ 16 ພະ​ຈິກວ່າ: ຄວາມ​ເສຍ​ຫາຍ​ທາງ​ເສດ​ຖະ​ກິດ​ຈາກ​ໄພ​ພິ​ບັດ​ນ້ຳ​ຖ້ວມ​ເກືອບ​ທົ່ວ​ເມືອງ​ນັບ​ແຕ່​ອາ​ທິດ​ຜ່ານ​ມາ ມີ​ຢ່າງ​ໜ້ອຍ 1.000 ລ້ານ​ເອີ​ໂຣ ແຕ່​ຕົວ​ເລກ​ດັ່ງ​ກ່າວ​ເປັນ​ພຽງ​ການ​ຕີ​ລາ​ຄາ​ເບື້ອງ​ຕົ້ນ​ເທົ່າ​ນັ້ນ ໂດຍ​ທຸກ​ຝ່າຍ​ເຊື່ອ​ວ່າ​ເມື່ອ​ລະ​ດັບ​ນ້ຳ​ຫລຸດ ແລະ ການກວດ​ສອບ​ຄວາມ​ເສຍ​ຫາຍ​ຕໍ່​ເຮືອນ, ຮ້ານ​ຄ້າ ແລະ ບູ​ຮານ​ສະ​ຖານ​ໃນ​ພື້ນ​ທີ່​ສາ​ມາດ​ເຮັດ​ໄດ້​ຢ່າງ​ລະ​ອຽດ ມູ​ນ​ຄ່າ​ຄວາມ​ເສຍ​ຫາຍ​ມີ​ທ່າ​ອ່ຽງ​ເພີ່ມ​ສູງ​ຂຶ້ນ​ອີກ ສ່ວນ​ຜູ້​ເສຍ​ຊີ​ວິດ​ມີ​ຢູ່​ຢ່າງ​ໜ້ອຍ 2 ຄົນ.

     ຂະ​ນະ​ທີ່ ນາ​ຍົກ​ລັດ​ຖະ​ມົນ​ຕີ ຈູ​ເຊບ​ເປ ຄອນ​ເຕ ຜູ້​ນຳ​ອິ​ຕາ​ລາ ປະ​ກາດ​ໃນ​ວັນ​ທີ 15 ພະ​ຈິກ ໃຫ້​ສະ​ຖາ​ນະ​ການ​ນ້ຳ​ຖ້ວມ​ກະ​ທັນ​ຫັນ​ຢູ່​ເມືອງ​ເວ​ນິ​ສ ເຊິ່ງ​ເປັນ​ຜົນ​ມາ​ຈາກ​ລະ​ດັບ​ນ້ຳ​ຂຶ້ນ​ສູງ​ສຸດ​ໃນ​ຮອບ 53 ປີ ເປັນ​ສະ​ຖາ​ນະ​ການ​ສຸກ​ເສີນ​ລະ​ດັບ​ປະ​ເທດ ແລະ ລັດ​ຖະ​ບານ​ກາງ​ໃນ​ນະ​ຄອນ​ຫລວງ​ໂຣມ​ຈັດ​ສັນ​ງົບ​ປະ​ມານ​ສຸກ​ເສີນ​ຈຳ​ນວນ​ທຳ​ອິດ 20 ລ້ານ​ເອີ​ໂຣ ມອບ​ໃຫ້​ເທ​ສະ​ບານ​ເມືອງ​ເວ​ນິ​ສ​ທັນ​ທີ ເຊິ່ງ​ທ່ານ ບ​ຣຸກ​ນາ​ໂຣ ກ່າວ​ວ່າ: ເບື້ອງ​ຕົ້ນ​ແຕ່​ລະ​ຄອບ​ຄົວ​ຈະ​ໄດ້​ຮັບ​ເງິນ​ຊ່ວຍ​ເຫລືອ​ສູງ​ສຸດ 5.000 ເອີ​ໂຣ ແລະ ສູງ​ສຸດ 20.000 ເອີ​ໂຣ ສຳ​ລັບ​ຜູ້​ປະ​ກອບ​ການ​ທຸ​ລະ​ກິດ.

error: Content is protected !!