ອັນ​ດັບ​ຄວາມ​ສະດວກ​ການ​ຕິດ​ຕັ້ງ​ໄຟຟ້າຢູ່​ລາວ​ເຮົາ​ດີ​ຂຶ້ນ​ເລັກ​ໜ້ອຍ

- advert banner 728 90 728x90 - ອັນ​ດັບ​ຄວາມ​ສະດວກ​ການ​ຕິດ​ຕັ້ງ​ໄຟຟ້າຢູ່​ລາວ​ເຮົາ​ດີ​ຂຶ້ນ​ເລັກ​ໜ້ອຍ

  ທ່ານ​ລັດຖະມົນຕີ​ກະຊວງ​ພະລັງງານ ​ແລະ ບໍ່​ແຮ່ ຄໍາ​ມະນີ ອິນ​ທິລາດ ​ໄດ້​ລາຍ​ງານ​ຕໍ່​ກອງ​ປະຊຸມ​ສະພາ​ແຫ່ງ​ຊາດ​ທີ່​ພວມ​ດໍາ​ເນີນ​ໃນ​ປັດຈຸບັນ​ນີ້​ວ່າ:​ ຕົວ​ຊີ້​ວັດ​ທີ 3 ຂອງ​ສາກົນ​ກ່ຽວ​ກັບການ​ອໍານວຍ​ຄວາມ​ສະດວກ​ການ​ຕິ​ດຕັ້ງ​ໄຟຟ້າຢູ່​ປະ​ເທດ​ເຮົາ​ໄດ້​ຫລຸດ​ລົງ​ຈາກອັນ​ດັບ 156 ​ໃນ​ປີ 2019 ມາ​ຢູ່ 144 ​ໃນ​ປີ 2020 ຫລັງ​ຈາກ​ກະຊວງ​ພະລັງງານ-ບໍ່​ແຮ່ ​ໄດ້​ປະສານ​ສົມທົບ​ກັບ​ບັນດາ​ບໍລິໜ່ວຍ. ສັດກໍ່ສ້າງ ​ແລະ ຕິດ​ຕັ້ງ​ໄຟຟ້າ ​ໄດ້ກໍານົດ​ລະບຽບ​ການ​ຄຸ້ມ​ຄອງການ​ຕິດ​ຕັ້ງ​ໄຟຟ້າ​ ດັ່ງ​ນີ້: ຫລຸດ​ຂັ້ນ​ຕອນ​ການ​ຂໍ​​​ອະນຸຍາດຕິດ​ຕັ້ງ​ໄຟຟ້າ​ຈາກ 7 ມາ​ເປັນ 3 ຂັ້ນ​ຕອນ, ການ​ຂໍ​ຕິດ​ຕັ້ງ​ໝໍ້​ນັບ​ໄຟໂດຍ​ບໍ່ສ້າງ​ຕາ​ຂ່າຍ​ໃຫ້​ໃຊ້​ເວລາ​ບໍ່​ເກີນ 7 ວັນ, ການ​ຂໍ​ຕິດ​ຕັ້ງ​ໝໍ້ນັບ​ໄຟ​ທີ່​ມີ​ການ​ຕິດ​ຕັ້ງ​ໝໍ້​ແປງ​ແມ່ນ​ໃຊ້​ເວລາ​ບໍ່​ເກີນ 15 ວັນ ​ແລະ ການ​ຂໍ​ຕິດ​ຕັ້ງ​ໝໍ້ນັບ​ໄຟ​ທີ່​ມີ​ການ​ກໍ່ສ້າງ​ຕາ​ຂ່າຍ​ແຮງ​ກາງ 22 ກິ​ໂລ​ໂວ​ນ ລວງ​ຍາວ​ບໍ່​ເກີນ 2 ກິ​ໂລ​ແມັດ, ຕິດ​ຕັ້ງ​ໝໍ້​ແປງ ​ແລະ ຕາ​ຄ່າ​ຍ​ແຮງ​ຕໍ່າ​ລວງ​ຍາວ​ບໍ່​ເກີນ 500 ​ແມັດ ​ແມ່ນ​ໃຊ້​ເວລາ​ບໍ່​ເກີນ 35 ວັນ. ປັດຈຸບັນ, ວຽກ​ງານ​ບໍລິການ​ຕິດຕັ້ງ​ໄຟຟ້າ​ມີ​ທັງ​ຫົວໜ່ວຍພາກ​ລັດ ​ແລະ ​ເອກະ​ຊົນ, ສະ​ເພາະ​​ເອກະ​ຊົນ​ມີ 570 ຫົວໜ່ວຍ. ​ໃນ​ນີ້​ຂັ້ນ​ກະຊວງ​ຄຸ້ມ​ຄອງມີ 176 ຫົວໜ່ວຍ, ຂັ້ນທ້ອງ​ຖິ່ນ​ຕ່າງໆຄຸ້ມ​ຄອງ 383 ຫົວໜ່ວຍ ​ແລະ ຂັ້ນຫ້ອງການຄຸ້ມ​ຄອງ 11 ຫົວໜ່ວຍ.

- new3 - ອັນ​ດັບ​ຄວາມ​ສະດວກ​ການ​ຕິດ​ຕັ້ງ​ໄຟຟ້າຢູ່​ລາວ​ເຮົາ​ດີ​ຂຶ້ນ​ເລັກ​ໜ້ອຍ

  ທ່ານ​ລັດຖະມົນຕີ​ກະຊວງ​ດັ່ງກ່າວ​ໃຫ້​ຮູ້​ຕື່ມ​ວ່າ: ພາຍຫລັງ​ສະພາ​ແຫ່ງ​ຊາດ​ໄດ້​ອອກ​ມະຕິ​ສະບັບ​ເລກທີ 99/ສພຊ ກະຊວງ​ພະລັງງານ ​ແລະ ບໍ່​ແຮ່, ລັດ​ວິ​ສາ​ຫະກິດ​ໄຟຟ້າ​ລາວ ​ໄດ້​ປະສານ​ສົມທົບ​ກັບ​ກະຊວງ​ກະສິກໍາ-ປ່າ​ໄມ້ ​ແລະ ພາກສ່ວນ​ກ່ຽວຂ້ອງອື່ນໆ ​ເພື່ອປຶກສາ​ຫາລື​ການດໍາ​ເນີນ​ນະ​ໂຍບາຍ​ຫລຸດ​ຜ່ອນ​ຄ່າ​ກະ​ແສ​ໄຟຟ້າຕໍ່​ຜູ້​ທີ່​ໄດ້​ຮັບ​ຜົນ​ກະທົບ​ຈາກ​ໄພ​ນໍ້າ​ຖ້ວມ​ໃນ​ຜ່ານ​ມາ.

- lattana 1 - ອັນ​ດັບ​ຄວາມ​ສະດວກ​ການ​ຕິດ​ຕັ້ງ​ໄຟຟ້າຢູ່​ລາວ​ເຮົາ​ດີ​ຂຶ້ນ​ເລັກ​ໜ້ອຍ
error: Content is protected !!