ຕຳຫລວດຮົງກົງຂູ່ຈະໃຊ້ລູກປືນແທ້ຍິງໃສ່ຜູ້ຊຸມນຸມ

- advert banner 728 90 728x90 - ຕຳຫລວດຮົງກົງຂູ່ຈະໃຊ້ລູກປືນແທ້ຍິງໃສ່ຜູ້ຊຸມນຸມ

   ຕຳ​ຫລວດ​ຮົງ​ກົງ​ປະ​ກາດ​ເຕືອນ​ກຸ່ມ​ຜູ້​ຊຸມ​ນຸມ​ໃຫ້​ຢຸດ​ໃຊ້​ຄວາມ​ຮຸນ​ແຮງ ແລະ ອາ​ວຸດ​ອັນ​ຕະ​ລາຍ​ໃນ​ການ​ຕໍ່​ສູ້​ກັບ​ເຈົ້າ​ໜ້າ​ທີ່ ບໍ່​ສະ​ນັ້ນ​ຈະ​ຖືກ​ຕອບ​ໂຕ້​ດ້ວຍ​ການ​ໃຊ້​ລູກ​ປືນ​ແທ້.

- new3 - ຕຳຫລວດຮົງກົງຂູ່ຈະໃຊ້ລູກປືນແທ້ຍິງໃສ່ຜູ້ຊຸມນຸມ

    ຄວາມ​ຮຸນ​ແຮງ​ຈາກ​ການ​ປະ​ທ້ວງ​ຢູ່​ຮົງ​ກົງ​ຍັງ​ຄົງ​ດຳ​ເນີນ​ໄປ​ຢ່າງ​ຕໍ່​ເນື່ອງ ໂດຍ​ສະ​ເພາະ​ໃນ​ຄືນ​ວັນ​ທີ 17 ພະ​ຈິກ ຢູ່​ບໍ​ລິ​ເວນ​ໜ້າ​ມະ​ຫາ​ວິ​ທະ​ຍາ​ໄລ​ໂປ​ລີ​ເຕັກ​ນິກ ໄດ້​ກາຍ​ສະ​ພາບ​ເປັນ​ສະ​ມໍ​ລະ​ພູມ​ນ້ອຍ ລະ​ຫວ່າງ​ຜູ້​ຊຸມ​ນຸມ​ໃນ​ຍຶດ​ຄອງ​ພື້ນ​ທີ່​ມະ​ຫາ​ວິ​ທະ​ຍາ​ໄລ ກັບ​ຕຳ​ຫລວດ​ທີ່​ພະ​ຍາ​ຍາມ​ເຂົ້າ​ໄປ​ສະ​ຫລາຍ​ການ​ຊຸມ​ນຸມ ແຕ່​ຈຸດ​ທີ່​ມີ​ການ​ປະ​ທະ​ກັນ​ຮຸນ​ແຮງ​ທີ່​ສຸດ ຢູ່​ຂົວ​ທີ່​ເຊື່ອມ​ລະ​ຫວ່າງ​ຮົງ​ກົງ​ກັບ​ເກົາ​ລູນ.

- 885 1024x546 - ຕຳຫລວດຮົງກົງຂູ່ຈະໃຊ້ລູກປືນແທ້ຍິງໃສ່ຜູ້ຊຸມນຸມ

    ຈາກ​ຄວາມ​ຮຸນ​ແຮງ​ໃນ​ຄືນ​ດັ່ງ​ກ່າວ ເຮັດ​ໃຫ້​ຜູ້​ບັງ​ຄັບ​ການ​ຕຳ​ຫລວດ​ຮົງ​ກົງ​ໄດ້​ອອກ​ຖະ​ແຫລງ​ກາ​ນ​ລະ​ບຸ​ວ່າ: ຂໍ​ໃຫ້​ຜູ້​ຊຸມ​ນຸມ​ຢຸດ​ການ​ໃຊ້​ອາ​ວຸດ​ຮ້າຍ​ແຮງ​ທຸກ​ຊະ​ນິດ​ເຊັ່ນ: ທະ​ນູ, ລະ​ເບີດ​ໄຟ ລວມ​ທັງ​ລົດ​ຍົນ ບໍ່​ສະ​ນັ້ນ​ທາງ​ເຈົ້າ​ໜ້າ​ທີ່​ຈຳ​ເປັນ​ຕ້ອງ​ໃຊ້​ມາດ​ຕະ​ການ​ທີ່​ເດັດ​ຂາດ​ຂຶ້ນ ນັ້ນ​ຄື​ການ​ໃຊ້​ລູກ​ປືນ​ແທ້​ຍິງ​ໃສ່, ແຕ່​ກ່ອນ​ການ​ປະ​ກາດ ເຈົ້າ​ໜ້າ​ທີ່​ໄດ້​ໃຊ້​ລູກ​ປືນ​ແທ້​ຍິງ​ໃສ່​ລົດ​ຍົນ​ຄັນ​ໜຶ່ງ​ທີ່​ຄົນ​ຂັບ​ພະ​ຍາ​ຍາມ​ແລ່ນ​ຕຳ​ຕຳ​ຫລວ​ດ​ໄປ​ໃນຕອນ​ບ່າຍ​ວັນ​ທີ 17 ພະ​ຈິກ​ມາ​ແລ້ວ.

     ສ່ວນ​ສະ​ມາ​ຊິກ​ສະ​ພາ​ທ້ອງ​ຖິ່ນ​ຫລາຍ​ຄົນ ໄດ້​ພະ​ຍາ​ຍາມ​ເຂົ້າ​ໄປ​ພາຍ​ໃນ​ບໍ​ລິ​ເວນ​ມະ​ຫາ​ວິ​ທະ​ຍາ​ໄລ ເພື່ອ​ເຈ​ລະ​ຈາ​ກັບ​ແກນ​ນຳ​ຜູ້​ຊຸມ​ນຸມ​ ໃຫ້​ຢຸດ​ການ​ໃຊ້​ຄວາມ​ຮຸນ​ແຮງ ແຕ່ບໍ່​ສາ​ມາ​ດ​ເຂົ້າ​ໄປ​ໄດ້.

- lattana 1 - ຕຳຫລວດຮົງກົງຂູ່ຈະໃຊ້ລູກປືນແທ້ຍິງໃສ່ຜູ້ຊຸມນຸມ

     ຂະ​ນະ​ທີ່​ອະ​ທິ​ການ​ບໍ​ດີ​ຂອງ​ມະ​ຫາ​ວິ​ທະ​ຍາ​ໄລ ໄດ້​ອອກ​ມາ​ຂໍ​ຮ້ອງ​ໃຫ້​ຜູ້​ຊຸມ​ນຸມ​ຢຸດ​ການ​ໃຊ້​ພື້ນ​ທີ່​ໃນ​ມະ​ຫາ​ວິ​ທະ​ຍາ​ໄລ ເພາະ​ເປັນ​ສະ​ຖານ​ສຶກ​ສາ​ທີ່​ໃຊ້​ສຳ​ລັບ​ໃຫ້​ຄວາມ​ຮູ້​ແກ່​ນັກ​ສຶກ​ສາ ບໍ່​ແມ່ນ​ເປັນ​ບ່ອນ​ລີ້​ຊ້ອນ ຫລື ກໍ່​ຄວາມ​ຮຸນ​ແຮງ​ໃດໆ​ທັງ​ໝົດ.

error: Content is protected !!