8 ລັກສະນະນິໄສທີ່ຄວນມີເພື່ອຈິດໃຈທີ່ເຂັ້ມແຂງກ້າວສູ່ຄວາມສຳເລັດ

- advert banner 728 90 728x90 -      8 ລັກສະນະນິໄສທີ່ຄວນມີເພື່ອຈິດໃຈທີ່ເຂັ້ມແຂງກ້າວສູ່ຄວາມສຳເລັດ

- 032905 -      8 ລັກສະນະນິໄສທີ່ຄວນມີເພື່ອຈິດໃຈທີ່ເຂັ້ມແຂງກ້າວສູ່ຄວາມສຳເລັດ     ຄົນທີ່ມີຈິດໃຈເຂັ້ມແຂງນັ້ນ ຈະໝັ່ນສະແຫວງຫາວິທີມາເພີ່ມຄວາມໝັ້ນຄົງ ແລະ ຄວາມແຂງແກ່ນໃຫ້ກັບໂຕເອງຢູ່ສະເໝີ. ຫາກທ່ານຢາກເປັນຄົນທີ່ປະສົບຄວາມສຳເລັດ  ທ່ານຕ້ອງໝັ້ນໃຈ, ພະຍາຍາມ ແລະ ມີວິໄນ ນອກຈາກຕ້ອງອົດທົນແລ້ວ ທ່ານຍັງຕ້ອງດຸໝັ່ນ ແລະ ພ້ອມທີ່ຈະຮັບມືກັບບັນຫາອຸປະສັກຕ່າງໆນຳ ແລະ ຕໍ່ໄປນີ້ແມ່ນ 8 ວິທີທີ່ຈະສ້າງຄວາມແຂງແກ່ນໃຫ້ກັບຈິດໃນຂອງທ່ານໃນທຸກໆມື້.

  1. ກະຕືືລືລົ້ນທີ່ຈະຮຽນຮູ້ : ເຖິງວ່າເຮົາຈະຢູ່ໃນຍຸກທີ່ເຕັມໄປດ້ວຍການຮຽນຮູ້ ແຕ່ກໍມີໜ້ອຍຄົນທີ່ຈະໃຊ້ສື່ເຫລົ່ານີ້ເພື່ອສະແຫວງຫາຄວາມຮູ້ໃໝ່ໆ ແຕ່ສຳລັບຄົນທີ່ມີຈິດໃຈແຂງແກ່ນ ພວກເຂົາບໍ່ເຄີຍເບິ່ງວ່າການຮຽນຮູ້ເປັນສິ່ງທີ່ໜ້າເບື່ອ. ໃນທາງກົງກັນຂ້າມ ມັນແມ່ນປັດໄຈສຳຄັນໃນການເພີ່ມຄວາມແຂງແກ່ນໃຫ້ກັບພວກເຂົາ ດັ່ງນັ້ນທ່ານຄວນຈະເບິ່ງວ່າການຮຽນຮູ້ຈະຊ່ວຍພັດທະນາທ່ານໃຫ້ພ້ອມຍ່າງເທິງໂລກທີ່ເຕັມໄປດ້ວຍການແຂ່ງຂັນແບບນີ້ໄດ້.

ເປັນໂຕຂອງໂຕເອງໃຫ້ຫລາຍທ່ີສຸດ ເມື່ອລົ້ມກໍພຽງແຕ່ລຸກຂຶ້ນມາໃໝ່, ຮຽນຮູ້ຈາກຂໍ້ຜິດພາດ ແລະ ກ້າວຕໍ່ໄປຂ້າງໜ້າ – ເດຟ ເພລເຊີ ກ່າວ.

  1. ຮູ້ຈັກປັບໂຕ : ການປ່ຽນແປງແມ່ນສັດຈະທຳຂອງຊີວິດ ບໍ່ມີຫຍັງໝັ້ນຄົງຍືນຍາວ ດັ່ງນັ້ນ ທ່ານຕ້ອງຮູ້ຈັກວິທີຮັບມືກັບມັນ ແລະ ການຮັບມືກັບຄວາມປ່ຽນແປງຈິດໃຈຂອງທ່ານຕ້ອງເຂັ້ມແຂງພໍ ແລະ ພ້ອມປັບໂຕກັບຜົນຕ່າງໆທີ່ຈະຕາມມາ ດັ່ງນັ້ນຢ່າ ເສຍເວລາກັບການທໍໍ້ຖອຍ ຈົ່ມກັບບັນຫາທີ່ເກີດຂຶ້ນ ແຕ່ເລືອກທີ່ຈະຮຽນຮູ້ ແລະ ປັບໂຕກັບການປ່ຽນແປງທີ່ສາມາດເກີດຂຶ້ນໄດ້ທຸກເວລາ.

ຄວາມສະຫລາດແມ່ນຄວາມສາມາດໃນການຮຽນຮູ້ເພື່ອການປັບໂຕທີ່ນຳໄປສູ່ການປ່ຽນແປງ – ສະຕີເຟນ ຮອກກິງ ກ່າວ.

- 1 1 -      8 ລັກສະນະນິໄສທີ່ຄວນມີເພື່ອຈິດໃຈທີ່ເຂັ້ມແຂງກ້າວສູ່ຄວາມສຳເລັດ
- lattana 1 -      8 ລັກສະນະນິໄສທີ່ຄວນມີເພື່ອຈິດໃຈທີ່ເຂັ້ມແຂງກ້າວສູ່ຄວາມສຳເລັດ
  1. ຮູ້ຈັກເປັນຜູ້ໃຫ້ : ອາຈານຈາກມະຫາວິທະຍາໄລວໍທັນ ແລະ ນັກຂຽນໜັງສືຂາຍດີຊື່ດັງ Give and Take ດັ່ງ ອະດຳ ແກຣນ ເຊື່ອວ່າການໃຫ້ແມ່ນປັດໄຈສຳຄັນຂອງຄວາມສຳເລັດ ການໃຫ້ໂດຍບໍ່ຫວັງຜົນຕອບແທນ ດັ່ງເຊັ່ນການສ້າງປະໂຫຍດ ແລະ ເພີ່ມຄຸນຄ່າໃຫ້ແກ່ໂລກ ແລະ ສັງຄົມ ຈະຕ້ອງອາໄສຄວາມກ້າ ແລະ ຄວາມແຂງແກ່ນຂອງຈິດໃຈ.
  2. ຮູ້ຈັກຄິດນອກກອບ : ຄົນທີ່ມີຈິດໃຈເຂັ້ມແຂງຈະເລືອກທາງຍ່າງຂອງໂຕເອງ ການເດີນທາງໄປຍັງເປົ້າໝາຍບາງເທື່ອທ່ານກໍຕ້ອງອາໄສຄວາມຄິດສ້າງສັນ ແລະ ການຄິດນອກກອບ ຄວາມກ້າທີ່ຈະກ້າວອອກມາຈາກຫົນທາງເກົ່າໆ ເພື່ອລອງຫົນທາງໃໝ່ໆ ສິ່ງທີ່ຈຳເປັນຫລາຍທີ່ສຸດຄືການສະແຫວງຫາຫົນທາງແກ້ໄຂບັນຫາ ແລະ ເບິ່ງວ່າບັນຫາບໍ່ແມ່ນແຕ່ບັນຫາ ແຕ່ມັນແມ່ນໂອກາດຕ່າງຫາກ.

ການໃຊ້ຊີວິດແທ້ໆນັ້ນຫາກໍຈະເລີ່ມຕົ້ນເມື່ອທ່ານເລີ່ມກ້າວອອກຈາກມຸມສະບາຍ (comfort zone) ຂອງທ່ານເອງ – ເນລ ໂດ ນອລ ວອສ ກ່າວ.

  1. ເຊື່ອໝັ້ນໂຕເອງ : ຫາກທ່ານບໍ່ເຊື່ອໝັ້ນໃນໂຕທ່ານເອງ ແລ້ວໃຜຈະມາເຊື່ອທ່ານ ຄວາມເຊື່ອໝັ້ນໃນໂຕເອງບໍ່ໄດ້ມາຈາກ ສິ່ງທີ່ຄົນອື່ນເວົ້າ ຫລື ຄິດກ່ຽວກັບໂຕທ່ານ ມັນຂຶ້ນຢູ່ກັບວ່າທ່ານຄິດແນວໃດກັບໂຕເອງຕ່າງຫາກ ໃນແຕ່ລະມື້ເຮົາລ້ວນແຕ່ພົບກັບສິ່ງທີ່ທ້າທາຍເຮົາຢູ່ຕະຫລອດເວລາ ແຕ່ຖ້າຫາກທ່ານເຊື່ອໝັ້ນໃນຫົນທາງທີ່ທ່ານເລືອກແລ້ວ ທ່ານກໍຈະປະສົບຄວາມສຳເລັດກັບທຸກສິ່ງທີ່ທ່ານຕ້ອງການ.

ພຽງແຕ່ທ່ານມີຄວາມມັ້ນໃຈ ແລະ ເຊື່ອໝັ້ນໃນໂຕເອງ ບໍ່ວ່າອັນໃດທ່ານກໍຈະເຮັດໄດ້ ຂ້ອຍເຊື່ອແນວນັ້ນ – ຄາລີ່ ຄລອສ ກ່າວ.

  1. ມີຄວາມຮັບຜິດຊອບ : ບໍ່ວ່າທ່ານຈະປະສົບຄວາມສຳເລັດ ຫລື ລົ້ມເຫລວ ມັນຂຶ້ນຢູ່ກັບທ່ານ ບໍ່ແມ່ນຄົນອື່ນ ເຖິງວ່າຄົນເຮົາຈະມັກໂທດຄົນອື່ນ ແຕ່ການຍອມຮັບຜິດ ແລະ ຮູ້ຈັກຮັບຜີດຊອບກັບຂໍໍ້ຜິດພາດຈະຊ່ວຍໃຫ້ຈິດໃຈທ່ານແຂງແກ່ນຫລາຍຂຶ້ນ ຢ່າໃຫ້ປ່ອຍໃຫ້ບັນຫາມາຂົ່ມທ່ານ ຈົ່ງສະແດງໃຫ້ຄົນອື່ນຮູ້ໄປເລີຍວ່າທ່ານກ້າ ແລະ ພ້ອມທີ່ຈະພະເຊີນໜ້າກັບອຸປະສັກ.
  2. ຮູ້ຈັກໂຕເອງ : ຄືກັນກັບການຕອບໃຫ້ກົງຄຳຖາມ ການທີ່ທ່ານຈະເຂົ້າໃຈອາລົມ, ຈຸດອ່ອນ ແລະ ຈຸດແຂງຂອງໂຕທ່ານເອງ ຈະຕ້ອງອາໄສຈິດໃຈທີ່ເຂັ້ມແຂງ ແມ່ນແຕ່ໃນມື້ທີ່ພົບແຕ່ເລື່ອງທີ່ບໍ່ດີ  ການຮູ້ຈັກໂຕເອງຈະຊ່ວຍໃຫ້ທ່ານເຂົ້າໃຈອາລົມຂອງໂຕເອງ ແລະ ຮູ້ຈັກວິທີຜ່ອນຄາຍຈິດໃຈທ່ານໃນໄລຍະເວລາທີ່ບໍ່ດີໄດ້.
  3. ຮູ້ຈັກຄຸມເກມ : ເພາະຍຸກສະໄໝສານສື່ສານທີ່ທັນສະໄໝ ເຮັດໃຫ້ມີສິ່ງທີ່ດຶງດູດຄວາມສົນໃຈຫລວງຫລາຍ ດັ່ງທີ່ ນີລ ເພ ທອລ ນັກທຸລະກິດ ແລະ ນັກຍຸດທະສາດແຫ່ງໂລກດິຈິຕອລ ໄດ້ກ່າວໄວ້ວ່າ : ເຮົາຢູ່ໃນໂລກທີ່ເຮົາຖືກຈັບຕາເບິ່ງຜ່ານສື່ອອນລາຍ ຕ່າງໆ ດັ່ງນັ້ນ ຄົນທີ່ຄຸມເກມໄດ້ ແລະ ຄວບຄຸມສື່ເຫລົ່ານີ້ໄດ້ເທົ່ານັ້ນທີ່ຈະມີອະນາຄົດ ເພາະຄົນທີ່ມີຈິດໃຈເຂັ້ມແຂງຈະບໍ່ເສຍເວລາໄປກັບເລື່ອງໄຮ້ສາລະ ແລະ ຈະສາມາດກ້າວຂ້າມສະຖານະການທີ່ບໍ່ດີໄປໄດ້.
error: Content is protected !!