ໄຟຟ້າຍັງແມ່ນບັນຫາພາເສດຖະກິດຝືດ

- 7878 1 - ໄຟຟ້າຍັງແມ່ນບັນຫາພາເສດຖະກິດຝືດ
- AGL banner - ໄຟຟ້າຍັງແມ່ນບັນຫາພາເສດຖະກິດຝືດ

ໂດຍ: ມຶກບໍ່ແຫ້ງ

ເຊື່ອບໍ່ວ່າການເຂົ້າເຖິງໄຟຟ້ານັ້ນຍັງເປັນອຸປະສັກໜຶ່ງຂອງການຂະຫຍາຍຕົວຂອງວິສາຫະກິດຂະໜ້ອຍຫາກາງເຊິ່ງເປັນຫົວໜ່ວຍເສດຖະກິດທີ່ສຳຄັນຂອງຊາດ.

ຄວາມຈິງແລ້ວວິສາຫະກິດຂະໜາດນ້ອຍ-ກາງແມ່ນກວມເອົາກວ່າ 90% ຂອງຫົວໜ່ວຍທຸລະກິດໃນສປປລາວແລະກວມເອົາ 20% ຂອງລາຍ ໄດ້ລວມແຫ່ງຊາດ, ແຕ່ເຖິງວ່າຈະມີບົດບາດສຳຄັນຕໍ່ການຂະຫຍາຍ ຕົວເສດຖະກິດປານນັ້ນກໍຕາມ, ຍັງມີອຸປະສັກຫຼາຍຢ່າງໃນການຂະຫຍາຍ ຕົວຂອງວິສາຫະກິດຂະໜາດນ້ອຍ-ກາງເຊິ່ງໜຶ່ງໃນນັ້ນກໍແມ່ນການເຂົ້າເຖິງ ໄຟຟ້າ.

ຈາກບົດລາຍງານຂອງທະນາຄານໂລກກ່ຽວກັບອຸປະສັກໃນການດຳເນີນທຸລະກິດສຳລັບວິສາຫະກິດຂະໜ້ອຍ-ກາງປີ 2019 ໃຫ້ຮູ້ວ່າໄຟຟ້າແມ່ນ ໜຶ່ງໃນອຸປະສັກຕໍ່ການເຕີບໂຕຂອງວິສາຫະກິດຂະໜາດນ້ອຍແລະກາງຂອງສປປລາວນັບຕັ້ງແຕ່ 2016​ ເປັນຕົ້ນມາແລະມາຮອດ 2018 ບັນຫາດັ່ງ ກ່າວກໍຍັງສືບຕໍ່ມີໃຫ້ເຫັນ.

ເຖິງວ່າລັດຖະບານເຮົາໄດ້ມີຜົນສຳເລັດໃນການເພີ່ມການຄວບຄຸມພື້ນທີ່ ທີ່ສາມາດເຂົ້າເຖິງໄຟຟ້າໃນຂອບເຂດທົ່ວປະເທດໃນເມື່ອຫຼາຍປີຜ່ານມາແຕ່ກໍຍັງມີຫຼາຍຢ່າງຕ້ອງໄດ້ຮັບການປັບປຸງເຊິ່ງຫຼາຍບໍລິສັດກໍຈົ່ມວ່າການຕິດ ຕັ້ງໄຟຟ້າແບບຖາວອນນັ້ນແມ່ນໃຊ້ເວລາດົນແລະເມື່ອຕິດຕັ້ງແລ້ວ ການສະໜອງໄຟຟ້າບໍ່ເປັນປົກກະຕິເຊິ່ງມີຜົນສະທ້ອນບໍ່ໜ້ອຍຕໍ່ການເຕີບໂຕຂອງ ເຂົາເຈົ້າ.

ໃນບົດລາຍງານວ່າດ້ວຍຄວາມງ່າຍໃນການດຳເນີນທຸລະກິດປີ 2019 ນັ້ນສປປລາວຖືວ່າຍັງຂີ້ຮ້າຍໃນດ້ານການຕິດຕັ້ງໄຟຟ້າເຊິ່ງມີດັດສະນີຕໍ່າ ກວ່າບັນດາປະເທດອ້ອມຂ້າງແລະຕໍ່າກວ່າອັດຕາການເຂົ້າເຖິງໄຟຟ້າແຫ່ງ ຊາດຫຼາຍ. ນີ້ກໍໝາຍຄວາມວ່າເຖິງວ່າຈະມີຕາຂ່າຍໄຟຟ້າແຕ່ນັ້ນກໍບໍ່ໄດ້ ໝາຍຄວາມວ່າເວລາເອົາໄຟຟ້າເຂົ້າຫຼືຕິດຕັ້ງນັ້ນຈະວ່ອງໄວ, ເຊື່ອຖືໄດ້ ແລະລາຄາສົມເຫດສົມຜົນສະເໝີໄປ.

ໂດຍທົ່ວໄປແລ້ວການຕິດຕັ້ງໄຟຟ້າໃນສປປລາວຈະມີຢູ່ 7 ຂັ້ນຕອນເຊິ່ງ ສະເລ່ຍແລ້ວໃຊ້ເວລາ 105​ ມື້ເຊິ່ງຖືວ່າໃຊ້ເວລາດົນສົມຄວນໂດຍສະເພາະ ໃນການສຳຫຼວດພື້ນທີ່, ກະກຽມແຜນທາງດ້ານວິຊາການແລະເຊື່ອມຕໍ່ກັບ ຕາຂ່າຍເຊິ່ງແຕ່ລະຢ່າງນັ້ນໃຊ້ເວລາເປັນເດືອນ, ເພາະສະນັ້ນໃນປີ 2018 ກະຊວງພະລັງງານແລະບໍ່ແຮ່ ຈຶ່ງໄດ້ປະກາດວ່າ“ຈະເຮັດໃຫ້ຂະບວນ ການດັ່ງກ່າວສັ້ນລົງ”.

ພ້ອມນັ້ນ, ຕາມການສຳຫຼວດທາງດ້ານວິສາຫະກິດໃຫ້ຮູ້ວ່າ 78% ຂອງບັນດາບໍລິສັດນ້ອຍ-ກາງແມ່ນເຄີຍພົບພໍ້ ກັບໄຟຟ້າບໍ່ມາປົກກະຕິຂ້ອນ ຂ້າງເລື້ອຍ. ການທີ່ໄຟຟ້າບໍ່ມາເປັນປົກກະຕິນັ້ນກໍສາມາດເປັນອຸປະສັກທີ່ ສຳຄັນໃນການດຳເນີນທຸລະກິດ.

ທ່າມກາງທີ່ ສປປລາວພະຍາຍາມເປັນປະເທດທີ່ຜະລິດແລະສົ່ງອອກ ໄຟຟ້າຄຽງຄູ່ ກັບແນວທາງຂອງລັດຖະບານທີ່ກຳລັງພະຍາຍາມຢ່າງເຂັ້ມ ຂຸ້ນໃນການປັບປຸງສະພາບແວດລ້ອມການດຳເນີນທຸລະກິດໃຫ້ງ່າຍຂຶ້ນເພື່ອດຶງດູດການລົງທຶນນັ້ນມັນເປັນໂອກາດທີ່ພວກເຮົາຄວນໄດ້ປັບປຸງໃນຂອດການບໍລິການບໍ່ວ່າການຕິດຕັ້ງກໍຄືການສະໜອງໄຟຟ້າຄຽງຄູ່ ກັບການປັບປຸງລະບົບການເກັບຄ່າໄຟຟ້າທີ່ໂປ່ງໄສໃຫ້ດີຂຶ້ນກວ່າເກົ່າ.

ຢ່າລືມວ່າໄຟຟ້າແມ່ນຕົວຊີ້ວັດໜຶ່ງທີ່ສຳຄັນຂອງຄວາມງ່າຍໃນການດຳເນີນທຸລະກິດ, ເພາະສະນັ້ນພວກເຮົາເປັນປະເທດຜະລິດໄຟຟ້າຫຼາຍແທ້ໆ ກໍຢ່າໃຫ້ ຕົວຊີ້ວັດນີ້ ມີຄ່າໜ້ອຍເລີຍ.

-    AD conten website - ໄຟຟ້າຍັງແມ່ນບັນຫາພາເສດຖະກິດຝືດ
- lattana banner - ໄຟຟ້າຍັງແມ່ນບັນຫາພາເສດຖະກິດຝືດ
- lattana banner 1 - ໄຟຟ້າຍັງແມ່ນບັນຫາພາເສດຖະກິດຝືດ
error: Alert: ເນື້ອຫາຂ່າວມີລິຂະສິດ !!