ບົດຮຽນການນຳໃຊ້ຄົນ

- advert banner 728 90 728x90 - ບົດຮຽນການນຳໃຊ້ຄົນ

ລູກເມືອງພວນ

- new3 - ບົດຮຽນການນຳໃຊ້ຄົນ

ຈະແມ່ນໃຜກໍຕາມ, ຖ້າຢາກມີຜົນສຳເລັດໃນໜ້າທີ່ການງານ, ຕ້ອງມີຜູ້ຊ່ວຍວຽກທີ່ເກັ່ງ ແລະ ເຂັ້ມແຂງ, ໂດຍສະເພາະແມ່ນຜູ້ນຳທີ່ມີຕຳແໜ່ງໃນລະດັບສູງ.

ຜູ້ນຳພາທີ່ປະສົບຜົນສຳເລັດ ລ້ວນແຕ່ມີສອງປະເພດຄົນລຸ່ມນີ້ຊ່ວຍວຽກ:

1. ວິຊາສະເພາະດ້ານ

ຜູ້ນຳລະດັບໃດກໍຕາມ ຖ້າຫາກບໍ່ຮັບຮູ້ ຫຼື ບໍ່ຍອມນຳໃຊ້ຄົນທີ່ເກັ່ງກ່ວາຕົນເອງ,  ຜົນຂອງການຈັດຕັ້ງປະຕິບັດໜ້າທີ່ວຽກງານຈະບໍ່ສູງ, ຊຶ່ງເຫດຜົນຕົ້ນຕໍ ກໍແມ່ນອອກມາຈາກຜູ້ຊີ້ນຳນຳພານັ້ນເອງ.

ຜູ້ທີ່ມີແນວຄິດຄັບແຄບ, ເຫັນແກ່ໂຕ, ມີແນວຄິດຫຼີກລ່ຽງນຳໃຊ້ຄົນທີ່ເຂັ້ມແຂງ ແລະ ເກັ່ງກ່ວາຕົນເອງ, ຢ້ານວ່າເຂົາຈະເຮັດໃຫ້ຕົນເອງເສຍໜ້າເສຍຕາ, ຍິ່ງໄປກ່ວານັ້ນ ຍັງຢ້ານວ່າເຂົາຈະຍາດຊີງເອົາຕຳແໜ່ງຂອງຕົນເອງໄປອີກ ແລະຢ້ານ ຂັ້ນລຸ່ມຈະພາໃຫ້ອະນາຄົດ ແລະ ຄວາມກ້າວໜ້າຂອງຕົນເອງເສຍຫາຍ ແລະ ຕົກຕໍ່າ. ຜູ້ນຳປະເພດນີ້ ຈະເລືອກໃຊ້ແຕ່ຄົນທີ່ມີລະດັບສໍ່າຕົນເອງ ຫຼື ຕໍ່າກວ່າຕົນເອງເທົ່ານັ້ນ, ບໍ່ກ້ານຳໃຊ້ຜູ້ທີ່ມີຄວາມຮູ້ຄວາມສາມາດສູງກ່ວາຕົນເອງ.

ທະເລກ້ວາງກໍຍ້ອນມີແມ່ນໍ້າຫຼາຍສາຍໂຮມເຂົ້າຫາກັນ. ກໍເຊັ່ນດຽວກັບຄົນເຮົາເອງ, ຜູ້ນຳພາທີ່ເກັ່ງ, ສ່ວນຫຼາຍແມ່ນມີແນວຄິດໂອບເອື້ອອາລີ, ເຂົ້າໃຈ ແລະ ຕີລາຄາສູງ ຕໍ່ຜູ້ທີ່ເກັ່ງກ່ວາຕົນເອງ ແລະ ຮູ້ຊອກຫາຄົນຜູ້ທີ່ເກັ່ງມາຢູ່ຄຽງຂ້າງຕົນເອງສະເໝີ.

ການນຳໃຊ້ຄົນທີ່ມີວິຊາສະເພາະ ແລະ ເຮັດວຽກຖືກກັບວິຊາສະເພາະຂອງເຂົາເຈົ້າ ເປັນສິ່ງທີ່ຜູ້ນຳພາທຸກຄົນຕ້ອງຄຳນຶງ.

- lattana 1 - ບົດຮຽນການນຳໃຊ້ຄົນ

2. ແນວຄວາມຄິດທີ່ຫລາກຄິດ

ຜູ້ນຳຫຼາຍຄົນໄປບໍ່ເຖິງດວງດາວ ກໍຍ້ອນວ່າ ມັກຍ້ອງ, ລູກນ້ອງກໍມ່ວນໄປຕາມໆກັນ. ກົງກັນຂ້າມມີຜູ້ນຳພາຈຳນວນໜຶ່ງຊໍ້າພັດຊອກຫາຜູ້ຊ່ວຍວຽກທີ່ສະຫຼາດ ແລະ ມີຄວາມສາມາດກ່ວາຕົນເອງ ແຕ່ຊໍ້າພັດບໍ່ຍອມຮັບເອົາແນວຄິດທີ່ຫຼາກຫຼາຍກົງກັນຂ້າມ ແລະ ຂັດແຍ່ງກັບແນວຄວາມຄິດຂອງຕົນເອງ.

ຜູ້ນຳພາທີ່ເກັ່ງ ສ່ວນຫຼາຍມັກຈະເຫັນຄຸນຄ່າຂອງຜູ້ທີ່ມີຄວາມຮູ້ຄວາມສາມາດ. ຄົນແຕ່ລະຄົນຈະມີແນວຄວາມຄິດເປັນຂອງຕົນເອງ. ຖ້າຜູ້ນຳພາຫາກມີຜູ້ທີ່ມີຄຳຄິດຄຳເຫັນຂັດແຍ່ງຢູ່ຄຽງຂ້າງຕົນເອງ ຈະຊ່ວຍໃຫ້ຜູ້ນຳພາເຫັນບັນຫາຈະແຈ້ງຂຶ້ນຕື່ມ.

ມີຄົນເກັ່ງຢູ່ຄຽງຂ້າງສາມາດຊ່ວຍໃຫ້ຜູ້ນຳພາເຫັນໄດ້ “ຈຸດດ້ອຍ” ການຄົ້ນຄຶດຂອງຕົນເອງ ແລະ ຈະຊ່ວຍໃຫ້ຜູ້ນຳພາມີການຕັດສິນໃຈທີ່ຖືກຕ້ອງກ່ວາ.

- 5658087974 8ee164e939 b 1024x680 - ບົດຮຽນການນຳໃຊ້ຄົນ

ທ່ານ Warren Bennis ນັກບໍລິຫານລະດັບອາຈານໃຫ່ຍໃຫ້ຮູ້ວ່າ: “ສິ່ງໜຶ່ງທີ່ເຮັດໃຫ້ຜູ້ນຳພາປະລາໄຊ, ນັ້ນກໍຄື ຢູ່ອ້ອມຂ້າງເຂົາເຕັມໄປດ້ວຍຜູ້ຄົນທີ່ຮູ້ແຕ່ເຮັດຕາມຄຳສັ່ງ ແລະ ຮູ້ແຕ່ເທົ່ານັ້ນ”

ຖ້າຢາກຮູ້ວ່າ ຜູ້ນຳພາມີຜົນສຳເລັດ ຫຼື ບໍ່, ກ່ອນອື່ນໝົດຕ້ອງເບິ່ງຢູ່ບ່ອນວ່າ ເຂົາມີຜູ້ທີ່ມີຄວາມຮູ້ຄວາມສາມາດຢູ່ຄຽງຂ້າງ ຫຼື ບໍ່? ຜູ້ນຳທີ່ມີຜົນສຳເລັດສ່ວນຫຼາຍແມ່ນຜູ້ທີ່ຮູ້ນຳໃຊ້ ແລະ ເສີມຂະຫຍາຍຈຸດແຂງຂອງຜູ້ຊ່ວຍວຽກຂອງຕົນເອງຢູ່ສະເໝີ.

error: Content is protected !!