ເຈົ້າຂອງດິນ 19 ຕອນຢູ່ເມືອງໄຊທານີທີ່ຖືກໂຄງການກໍ່ສ້າງທາງດ່ວນນະຄອນຫລວງວຽງຈັນໝາຍເລກ I ໄດ້ຮັບຄ່າຊົດເຊີຍ​ແລ້ວ

- advert banner 728 90 728x90 - ເຈົ້າຂອງດິນ 19 ຕອນຢູ່ເມືອງໄຊທານີທີ່ຖືກໂຄງການກໍ່ສ້າງທາງດ່ວນນະຄອນຫລວງວຽງຈັນໝາຍເລກ I ໄດ້ຮັບຄ່າຊົດເຊີຍ​ແລ້ວ

  ໃນວັນທີ 19 ພະຈິກນີ້, ຢູ່ຫ້ອງການປົກຄອງເມືອງໄຊທານີນະຄອນຫລວງວຽງຈັນ, ທ່ານ ພູຂົງ ບັນນະວົງ ຮອງເຈົ້າຄອງນະຄອນຫລວງວຽງຈັນ ໄດ້ຕາງໜ້າອົງການປົກຄອງນະຄອນຫລວງ, ໄດ້ມອບເງິນຄ່າຊົດເຊີຍທີ່ດິນ, ສິ່ງປຸກສ້າງ ແລະ ທົດແທນຄ່າເສຍຫາຍຕ່າງໆ ທີ່ຖືກໂຄງການກໍ່ສ້າງທາງດ່ວນນະຄອນຫລວງວຽງຈັນໝາຍເລກ I ໃຫ້ເຈົ້າຂອງດິນ​ໃນ​ເຂດ​ເມືອງ​ໄຊ​ທານີ​ແລ້ວ ຈໍານວນ 19 ຕອນ (​ໃນ​ຈໍານວນ​ທັງ​ໝົດ 333 ຕອນ), ລວມມີ​ເນື້ອ​ທີ່ 4,12 ​ເຮັກຕາ ​ແລະ ລວມມີ​ມູນ​ຄ່າ 4,6 ຕື້ກ່ວາກີບ.

- new3 - ເຈົ້າຂອງດິນ 19 ຕອນຢູ່ເມືອງໄຊທານີທີ່ຖືກໂຄງການກໍ່ສ້າງທາງດ່ວນນະຄອນຫລວງວຽງຈັນໝາຍເລກ I ໄດ້ຮັບຄ່າຊົດເຊີຍ​ແລ້ວ

  ທ່ານ ບຸນທາມ ພຸດທະວົງສາ ຫົວໜ້າຄະນະໄກ່ເກ່ຍໂຄງການດັ່ງກ່າວ ລາຍງານວ່າ: ໂຄງການກໍ່ສ້າງທາງດ່ວນໝາຍເລກ I ນະຄອນຫລວງວຽງຈັນ ມີ​ໄລຍະ​ທາງ​ຍາວ 15 ກິ​ໂລ​ແມັດ, ​ເພື່ອເຊື່ອມຕໍ່ຫາສະຖານີລົດໄຟລາວ-ຈີນແຕ່ເຂດ​ເສດຖະກິດສະເພາະບຶງທາດຫລວງ-ດົງໝາກຄາຍ ກວມ​ເອົາດິນ​ໃນ 2 ເມືອງຄື: ເມືອງໄຊເສດຖາ ມີ 14 ບ້ານ ແລະ ເມືອງໄຊທານີ ມີ 7 ບ້ານ ລວມມີ​ເນື້ອທີ່ທັງໝົດ 293 ກວ່າເຮັກຕາ​ ແລະ ຜ່ານການສັງລວມຂໍ້ມູນແຜນທີ່ດິນ, ສຳເນົາທີ່ດິນ ແລະ ເຮັດບົດບັນທຶກຮັບເອົາຄ່າຊົດເຊີຍ​ຈາກ​ໂຄງ​ການ​ເຫັນ​ວ່າ:​ ຢູ່ເມືອງໄຊເສດຖາມີດິນຈໍານວນ 535 ຕອນ, ວັດແທກແລ້ວ 324 ຕອນ ໃນ​ນີ້ສໍາ​ເລັດ​ການປະກອບສຳນວນ ແລະ ເຊັນບົດບັນທຶກເບື້ອງຕົ້ນ​ 209 ຕອນ.

ສໍາລັບເມືອງໄຊທານີ ມີດິນຈໍານວນ 333 ຕອນ, ວັດແທກແລ້ວ 177 ຕອນ ແລະ ສໍາ​ເລັດ​ການປະກອບສຳນວນ ແລະ ເຊັນບົດບັນທຶກເບື້ອງຕົນ 156 ຕອນ, ມີສິ່ງປຸກສ້າງ​ເປັນ​ເຮືອນທັງ​ໝົດ 160 ຫລັງ (ເມືອງໄຊເສດຖາ 134 ຫລັງ ແລະ ເມືອງໄຊທານີ 26 ຫລັງ) ແລະ ມີມູນຄ່າຊົດເຊີຍເບື້ອງຕົ້ນ 353 ຕື້​ກວ່າກີບ ຫລື 41,5 ລ້ານ​ກວ່າໂດລາສະຫະລັດ.

- lattana 1 - ເຈົ້າຂອງດິນ 19 ຕອນຢູ່ເມືອງໄຊທານີທີ່ຖືກໂຄງການກໍ່ສ້າງທາງດ່ວນນະຄອນຫລວງວຽງຈັນໝາຍເລກ I ໄດ້ຮັບຄ່າຊົດເຊີຍ​ແລ້ວ
error: Content is protected !!