​ເສັ້ນທາງ​ເບ​ຕົງ​ຕານ​ມີ​ໄຊ-ໜອງ​ບຶກ​ນະຄອນຫລວງ​ວຽງ​ຈັນ​ໃກ້​ຈະ​ເປັນຈິງແລ້ວ

- advert banner 728 90 728x90 - ​ເສັ້ນທາງ​ເບ​ຕົງ​ຕານ​ມີ​ໄຊ-ໜອງ​ບຶກ​ນະຄອນຫລວງ​ວຽງ​ຈັນ​ໃກ້​ຈະ​ເປັນຈິງແລ້ວ

​ໂດຍ: ທ່ຽງ​ທຳ

- new3 - ​ເສັ້ນທາງ​ເບ​ຕົງ​ຕານ​ມີ​ໄຊ-ໜອງ​ບຶກ​ນະຄອນຫລວງ​ວຽງ​ຈັນ​ໃກ້​ຈະ​ເປັນຈິງແລ້ວ

ສະບາຍດີ, ​ເພື່ອນ​ຜູ້​ອ່ານ​ທີ່​ຮັກ​ແພງ, ນັບ​ວ່າ​ເປັນ​ການ​ຄອງ​ຄອຍ​ດົນ​ສົມຄວນ, ​ເຊິ່ງນັບ​ແຕ່​ກາງ​ປີ 2016 ທີ່​ບໍລິສັດ ​ຕັງ​ຈະ​ເລີ​ນ ຈຳກັດ​ ຜູ້​ດຽວ​ໄດ້​​ເຂົ້າມາ​ຮັບ​ເໝົາ​ກໍ່ສ້າງ​ເສັ້ນທາງ​ເບ​ຕົງ​ແຕ່ 4 ​ແຍກ​ໄຟ​ແດງ​ຕານ​ມີ​ໄຊ​ຫາ​ສາມ​ແຍກ​ສີ​ເກີດ, ນະຄອນຫລວງ​ວຽງ​ຈັນ ມີ​ຄວາມ​ຍາວ​ທັງ​ໝົດ 9,37 ກິ​ໂລ​ແມັດ, ກວ້າງ 28 ​ແມັດ, ມີ 6 ຊ່ອງ​ຈະລາຈອນ, ມີດ​ອນກາງ​ທາງ, ມີ​ທາງ​ຢ່າງ​ສອງ​ເບື້ອງ, ມີ​ລະບົບ​ລະບາຍ​ນ້ຳ, ​ໄຟ​ເຍືອງ​ທາງ, ມີ​ມູນ​ຄ່າ​ການ​ກໍ່ສ້າງ​ທັງ​ໝົດ​ຫລາຍ​ກວ່າ 45 ລ້ານ​ໂດ​ລາ​ສະຫະລັດ.

​       ​ໃນ​ເບື້ອງຕົ້ນບໍລິສັດ​ຜູ້​ຮັບ​ເໝົາ​ສັນຍາ​ໄວ້ວ່າ​ຈະ​ໃຫ້​ສຳ​ເລັດ​ພາຍ​ໃນ​ໄລຍະ ​ເວລາ 24 ​ເດືອນ, ໝາຍວ່າ​ຮອດ​ກາງ​ປີ 2018 ​ໃຫ້​ສຳ​ເລັດ, ​ແຕ່​ແລ້ວ​ກໍ​ບໍ່ສາມາດ​ເຮັດ​ໄດ້​ຕາມ​ກຳນົດ​ເວລາ​ດັ່ງກ່າວ, ບໍລິສັດ ຈິ່ງ​ຂໍ​ເລື່ອນ​ເວລາ​ອອກໄປ​ເພີ່ມ​ອີກ 9 ​ເດືອນ​ຄື​ນັບ​ແຕ່​ເດືອນ​ຕຸລາ 2018 ຮອດ​ເດືອນ​ກໍລະກົດ 2019, ແຕ່​ກໍ​ສາມາດປະຕິບັດ​ວຽກ​ງານ​ໄດ້​​ພຽງ 71% ກວ່າ ​ເທົ່າ​ນັ້ນ.

     ດັ່ງນັ້ນ, ບໍລິສັດ​ຜູ້​ຮັບ​ເໝົາ​ຈິ່ງຂໍ​ຕໍ່​ເວລາ​ໄປ​ອີກ​ເປັນຄັ້ງທີ II ກຳນົດ 12 ​ເດືອນ ​ໃຫ້​ສຳ​ເລັດ​ສົມບູນ​ຄື​ເດືອນ​ກໍລະກົດ 2020 ນີ້ ​ເຮົາ​ຈະ​ໄດ້​ນຳ​ໃຊ້​ເສັ້ນທາງ​​ເບ​ຕົງ ດັ່ງກ່າວ​ຢ່າງ​ສະດວກ​ສະບາຍ​ແລ້ວ ​ແລະ ການ​ຄອງ​ຄອຍ​ອັນ​ລຳບາກ​ກາກ​ກຳມາ​ຍາວ​ນານ​ຂອງ​ປະຊາຊົນຜູ້​ຢູ່​ລຽບ​ຕາມ​ສອງ​ຝາກ​ທາງ​ດັ່ງກ່າວ​ບາງຄອບຄົວ​ມີ​ທຸລະ​ກິດ​ຄ້າຂາຍ​ຢູ່​ບ່ອນ​ນັ້ນກໍ​ຕ້ອງ​ໄດ້​ຍຸດຕິ​ໄປ​ຢ່າງ​ຍາວ​ນານ​ຍ້ອນ​ການ​ກໍ່ສ້າງ​ເສັ້ນທາງ​ຫລັກ​ສາຍ​ນີ້ແກ່ຍາວ​ມາ​ເກືອບ 5 ປີ ເຊິ່ງຜູ້​ຮັບ​ເໝົາ​ກໍ​ພຽງ​ໃຫ້​ເຫດຜົນ​ງ່າຍໆ​ວ່າ: ການ​ຍົກຍ້າຍ​ສິ່ງ​ກີດຂວາງ ​ໃນ​ຂອບ​ເຂດ​ເສັ້ນທາງ​ສັກ​ຊ້າ​ເຊັ່ນ: ລະບົບ​ນ້ຳປະປາ, ຕາ​ຂ່າຍ​ໄຟຟ້າ, ສາຍ​ໃຍ​ແກ້ວ​ໂທສະ​ສັບ ​ແລະ ສິ່ງ​ປຸກ​ສ້າງ​ຂອງ​ປະຊາຊົນ​ພົບ​ຄວາມ​ຫຍຸ້ງຍາກ, ສອງ​ມາ​ແມ່ນ​ເສັ້ນທາງ​ດັ່ງກ່າວ​ມີ​ປະລິມານ​ການ​ສັນຈອນ​ໜາ​ແໜ້ນ, ບໍ່​ມີ​ທາງ​ເວັ້ນ​ເຮັດ​ໃຫ້ການ​ກໍ່ສ້າງ​ພົບ​ຄວາມ​ຫຍຸ້ງຍາກ, ສາມ​ແມ່ນ​ການ​ສະໜອງ​ທຶນ​ຊັກ​ຊ້າ​ບໍ່​ສາ ມາດ​ຕອບ​ສະໜອງ​ຕາມ​ແຜນ​ໜ້າ​ວຽກ​ໄດ້​ເຊັ່ນ: ວັດ​ສະດຸ, ກົນ​ຈັກ, ​​ແຮງງານ ​ແລະ ງົບປະມານ​ທີ່​ໄດ້​ຮັບ​ການ​ແບ່ງ​ປັນ​ຈາກ​ລັດຖະບານ​ມີ​ໜ້ອຍ​ບໍ່​ສາມາດ ຕອບ​ສະໜອງ​ໄດ້​ຕາມ​ສັນຍາ.

       ສ່ວນ​ໃນ​ເລື່ອງ​ການ​ປັບ​ໄໝ​ໃສ່​ໂທດ​ຄວາມ​ລ້າ​ຊ້າ​ຂອງ​ການ​ກໍ່ສ້າງ​ນັ້ນ ​ແມ່ນ​ບໍ່​​ໄດ້​ເວົ້າ​​ເຖິງ​ພຽງ​ແຕ່​ບໍລິສັດ​ໃຫ້​ຄຳ​ໝັ້ນສັນຍາ​ຕື່ມ ວ່າ​ຈະ​ສຸມ​ທຸກ​ເຫື່ອ ​ແຮງ​ຈັດຕັ້ງປະຕິບັດ​ວຽກ​ເທ​ເບ​ຕົງໜ້າ​ທາງ​ໃຫ້​ສຳ​ເລັດ 100% ​ໃນ​ເດືອນທັນວາ 2019 ນີ້, ຈາກ​ນັ້ນກໍ​ຈະ​ເລັ່ງກໍ່ສ້າງ​ສິ່ງ​ອຳນວຍ​ຄວາມ​ສະດວກຕ່າງໆໃຫ້​ສຳ​ເລັດ​ສົມບູນ​ໃນ​ເດືອນ​ກໍລະກົດ 2020 ຈະ​ມາ​ເຖິງ​ນີ້​ແນ່​ນອນ.

error: Content is protected !!