ອາ​ຊຽນ​ເພີ່ມ​ທະວີ​ການ​ຮ່ວມ​ມື​ວຽກ​ງານສະຫວັດດີການສັງຄົມ ແລະ ການພັດທະນາ

- advert banner 728 90 728x90 - ອາ​ຊຽນ​ເພີ່ມ​ທະວີ​ການ​ຮ່ວມ​ມື​ວຽກ​ງານສະຫວັດດີການສັງຄົມ ແລະ ການພັດທະນາ

ກອງປະຊຸມລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນຄັ້ງທີ 10 ແລະ ກອງປະຊຸມທີ່ກ່ຽວຂ້ອງອື່ນໆ​ໄດ້ຈັດຂຶ້ນ​ໃນວັນທີ 21 ພະຈິກນີ້, ທີ່ໂຮງແຮມດອນຈັນພາເລດ, ນະຄອນຫລວງວຽງຈັນ, ​ໂດຍ​ການເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນແຫ່ງ ສປປ ລາວ, ມີລັດຖະມົນຕີ, ຮອງລັດຖະມົນຕີ ສະຫວັດດີການສັງຄົມ ແລະ ການພັດທະນາ ອາຊຽນ ແລະ ຮອງເລຂາທິການໃຫຍ່ອາຊຽນ ພ້ອມດ້ວຍຄະນະ ຜູ້ແທນຈາກປະເທດສະມາຊິກອາຊຽນເຂົ້າຮ່ວມ ປະມານ 150 ທ່ານ.

- new3 - ອາ​ຊຽນ​ເພີ່ມ​ທະວີ​ການ​ຮ່ວມ​ມື​ວຽກ​ງານສະຫວັດດີການສັງຄົມ ແລະ ການພັດທະນາ

   ທ່ານຮອງນາຍົກລັດຖະມົນຕີ ​ໄດ້ກ່າວ​ເປີດກອງປະຊຸມສະແດງຄວາມຊົມເຊີຍຕໍ່ຜົນງານ ກໍຄືບົດບາດອັນສຳຄັນຂອງບັນດາລັດຖະມົນຕີປະເທດສະມາຊິກອາຊຽນ ທີ່ໄດ້ປະກອບສ່ວນເຂົ້າໃນການສ້າງປະຊາຄົມອາຊຽນ, ພ້ອມທັງຢໍ້າວ່າ: ກອງປະຊຸມລັດຖະມົນຕີສະຫວັດດີການສັງຄົມ ແລະ ການພັດທະນາ ອາຊຽນ ຄັ້ງທີ 10 ແລະ ກອງປະຊຸມທີ່ກ່ຽວຂ້ອງຄັ້ງນີ້ ຈັດຂຶ້ນພາຍໃຕ້ຫົວຂໍ້ “ການສ້າງຄວາມເຂັ້ມແຂງວຽກງານປົກປ້ອງສັງຄົມສຳລັບເດັກດ້ອຍໂອກາດ” ໂດຍເລັງໃສ່ ສາມບັນຫາທີ່ສໍາຄັນ ຄື: 1) ຮັດແໜ້ນວຽກງານປົກປ້ອງສັງຄົມໃຫ້ມີລັກສະນະກວມລວມ, ເທົ່າທຽມກັນ ແລະ ຮັບປະກັນສ່ວນຮ່ວມ ແລະ ໄດ້ຮັບຜົນປະໂຫຍດຂອງທຸກພາກສ່ວນໃນສັງຄົມ ໂດຍສະເພາະເດັກດ້ອຍໂອກາດ, ຜູ້ພິການ ແລະ ຜູ້ສູງອາຍຸທີ່ປ່ຽວພອຍ; 2) ຍົກສູງການເຂົ້າເຖິງການບໍລິການ ແລະ ການປົກປ້ອງສັງຄົມໃຫ້ມີຄວາມສະດວກ, ວ່ອງໄວ, ມີຄວາມກຽມພ້ອມ, ຄົບວົງຈອນ, ມີຄຸນນະພາບ, ເທົ່າທຽມກັນ ແລະ ຍືນຍົງ; 3) ເພີ່ມທະວີການພົວພັນຮ່ວມມື ແລະ ລະດົມຂົນຂວາຍທຶນຮອນ, ເຕັກນິກວິຊາການຈາກຄູ່ເຈລະຈາ ອາຊຽນ, ຄູ່ຮ່ວມມືພາຍນອກ, ອົງການຈັດຕັ້ງສາກົນ ລວມທັງອົງການຈັດຕັ້ງສາກົນບໍ່ສັງກັດລັດຖະບານ ເພື່ອມີສ່ວນຮ່ວມໃນການຈັດຕັ້ງປະຕິບັດໃຫ້ບັນລຸຜົນສຳເລັດສູງຂຶ້ນ.

   ພ້ອມນີ້, ທ່ານຮອງນາຍົກລັດຖະມົນຕີ ຍັງໄດ້ສະເໜີໃຫ້ບັນດາລັດຖະມົນຕີ ອາຊຽນ ສືບຕໍ່ຊຸກຍູ້ໃຫ້ຂະແໜງການທີ່ກ່ຽວຂ້ອງ ປະຕິບັດແຜນວຽກ 2016-2020 ໃຫ້ມີປະສິດຕິພາບ, ໂດຍສະເພາະໃຫ້ມີການທົບທວນກາງສະໄໝການຈັດຕັ້ງປະຕິບັດແຜນແມ່ບົດການສ້າງປະຊາຄົມວັດທະນະທຳ-ສັງຄົມ ອາຊຽນ 2025 ແລະ ໃຫ້ຄົ້ນຄວ້າລະອຽດໃນການກໍານົດເອົາບູລິມະສິດສໍາຄັນຕ່າງໆເຂົ້າໃນການຮ່າງແຜນວຽກໃໝ່ 2021-2025, ສືບຕໍ່ນຳເອົາແຜນງານເສີມສ້າງເຊິ່ງກັນ ແລະ ກັນ 2020-2025 ທີ່ໄດ້ຮັບຮອງເອົາໃນກອງປະຊຸມສຸດຍອດ ອາຊຽນ-ສປຊ ຄັ້ງທີ 10 ຜ່ານມາ ທີ່ ບາງກອກ, ເພື່ອນໍາໄປຈັດຕັ້ງປະຕິບັດໃຫ້ປະກົດຜົນເປັນຈິງ ແລະ ສືບຕໍ່ເພີ່ມທະວີການພົວພັນຮ່ວມມືກັບບັນດາເປັນເທດຄູ່ເຈລະຈາອາຊຽນບວກສາມ, ຄູ່ຮ່ວມມືພາຍນອກ, ອົງການຈັດຕັ້ງສາກົນ ແລະ ທຸກພາກ ສ່ວນທີ່ກ່ຽວຂ້ອງ ເພື່ອປະກອບສ່ວນເຂົ້າໃນວຽກງານສະຫວັດດີການສັງຄົມໃຫ້ນັບມື້ດີຂຶ້ນ.

- XAY 0199 - ອາ​ຊຽນ​ເພີ່ມ​ທະວີ​ການ​ຮ່ວມ​ມື​ວຽກ​ງານສະຫວັດດີການສັງຄົມ ແລະ ການພັດທະນາ

   ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ​ໃນ​ນາມ​ເປັນ​ປະທານ​ກອງ​ປະຊຸມ​ດັ່ງກ່າວ​ກໍ​ໄດ້​ເປີດ​ໂອກາດ​ໃຫ້​ຄະນະ​ຜູ້​ແທນ

- lattana 1 - ອາ​ຊຽນ​ເພີ່ມ​ທະວີ​ການ​ຮ່ວມ​ມື​ວຽກ​ງານສະຫວັດດີການສັງຄົມ ແລະ ການພັດທະນາ

ໄດ້ແລກປ່ຽນຄຳຄິດຄຳເຫັນ ກ່ຽວກັບ ວຽກງານສະຫວັດດີການສັງຄົມ ແລະ ການພັດທະນາ ອາຊຽນ ໂດຍສະເພາະແມ່ນວຽກປົກປ້ອງສິດຜົນປະໂຫຍດຂອງແມ່ຍີງ ແລະ ເດັກນ້ອຍ, ການເບິ່ງແຍງດູແລຜູ້ອາຍຸສູງ, ການຊ່ວຍເຫລືອຜູ້ພິການ ແລະ ກຸ່ມຄົນທີ່ດ້ອຍໂອກາດຕ່າງໆ. ພ້ອມກັນນັ້ນ, ກອງປະຊຸມຍັງໄດ້ສຸມໃສ່ບາງບັນຫາທີ່ສຳຄັນເປັນຕົ້ນແມ່ນ ເພີ່ມທະວີການຮ່ວມມື, ຊ່ວຍເຫລືອ, ຊຶ່ງ​ກັນ ​ແລະ ກັນ​ໃຫ້​ຫລາຍ​ຂຶ້ນ​ຕໍ່ກັບການພັດທະນາກຸ່ມຄົນດ້ອຍໂອກາດ, ໂດຍສະເພາະເດັກນ້ອຍ, ປະສານສົມທົບກັບບັນດາຂະແໜງການ ແລະ ອົງການຕ່າງໆ ທີ່ກ່ຽວຂ້ອງໃນ ອາຊຽນ ຮ່ວມກັນວາງແຜນການ ແລະ ໂຄງການຕ່າງໆ ເພື່ອຈັດຕັ້ງປະຕິບັດວຽກສະຫວັດດີການສັງຄົມ ແລະ ການພັດທະນາ, ໂດຍສະ

ເພາະການປົກປ້ອງສັງຄົມສໍາລັບເດັກດ້ອຍໂອກາດໃນອາຊຽນ ໃຫ້ເປັນຮູບປະທຳດີຂຶ້ນກວ່າເກົ່າ; ຂະຫຍາຍການຮ່ວມມືກັບບັນດາປະເທດຄູ່ເຈລະຈາອາຊຽນບວກສາມ, ບັນດາອົງການຈັດຕັ້ງສາກົນ, ອົງການພາກພື້ນ, ຂະແໜງການພາກລັດ ແລະ ເອກະຊົນ ທີ່ກ່ຽວຂ້ອງ ເພື່ອລະດົມແຫລ່ງທຶນ ແລະ ເຕັກນິກວິຊາການ ນໍາໃຊ້ເຂົ້າໃນການຈັດຕັ້ງປະຕິບັດວຽກສະຫວັດດີການສັງຄົມ ແລະ ການພັດທະນາອາຊຽນ ໃຫ້ມີຄວາມຄືບໜ້າ ແລະ ມີຜົນສຳເລັດເປັນຮູບປະທຳຫຼາຍຂຶ້ນ.

error: Content is protected !!