ສສຊ ຊີ້ ຄະດີຕ່າງໆຊັກຊ້າຍ້ອນພະນັກງານຈໍານວນໜຶ່ງຖ່ວງດຶງເພື່ອສ້າງປະໂຫຍດເຂົ້າຕົນເອງ

- advert banner 728 90 728x90 - ສສຊ ຊີ້ ຄະດີຕ່າງໆຊັກຊ້າຍ້ອນພະນັກງານຈໍານວນໜຶ່ງຖ່ວງດຶງເພື່ອສ້າງປະໂຫຍດເຂົ້າຕົນເອງ

ໃນວາລະການປະກອບຄຳເຫັນຂອງ​ສະມາຊິກ​ສະພາ​ແຫ່ງ​ຊາດ (ສສຊ) ຕໍ່ບົດລາຍງານຂອງອົງການໄອຍະການ ແລະ ສານປະຊາຊົນສູງສຸດ, ​ໂດຍ ສສ​ຊ ຫລາຍ​ເຂດ​​ເລືອກ​ຕັ້ງ​​ໄດ້ຊີ້​ໃຫ້​ເຫັນ​ວ່າ: ​ໃນ​ໄລຍະ​ຜ່ານ​ມາ, ກໍມີຫລາຍຄະດີໄດ້ຮັບການແກ້ໄຂຢ່າງ​ຍຸຕິ​ທໍາ ​ແລະ ວ່ອງ​ໄວ, ​ແຕ່​ຂະນະ​ດຽວ​ກັນ ກໍມີອີກ​ຫລາຍໆ​ຄະດີທີ່ີ​ການ​ແກ້​ໄຂມີ​ຄວາມຊັກ​ຊ້າ, ​ເຊິ່ງເປັນ​ຍ້ອນ​ພະນັກງານ​ຂອງ​ອົງການ​ດັ່ງກ່າວຈໍ​ານວນ​ໜຶ່ງ​ເປັນ​ຕົ້ນ​ເຫ​ດ, ​ເພື່ອ​ສ້າງ​ເງື່ອນ​ໄຂ​ຕ່າງໆ​​ ເພື່ອ​ໃຫ້​ໄດ້ຜົນ​ປະ​ໂຫຍ​ດມາ​​ໃຫ້​ຕົນ​ເອງ​ແບບ​ບໍ່​ຊອບ​ທໍາ, ຂັດ​ກັບຈັນຍາບັນ-ຈັນຍາທຳຂອງພະນັກງານ, ເຮັດວຽກບໍ່ມີຄວາມໂປ່ງໃສ, ​ແກ້ອັນ​ຜິດ​ໃຫ້​ເປັນ​ຖື​ກ, ໂດຍສະເພາະການເກັບກຳຂໍ້ມູນ ຫລື ວິເຄາະວິໄຈຄະດີ​ທີ່​ບໍ່​ຍຸ​ຕິ​ທໍາ ​ແລະ ບັນຫາ​ອື່ນໆ, ຈຶ່ງເຮັດໃຫ້​ເກີດມີການອຸທອນຢູ່ສານຂັ້ນຕົ້ນ​ເປັນ​ຈໍານວນ​ຫລາຍ ​ແລະ ​ເປັນສາ​ເຫດ​ໜຶ່ງຂອງ​ປາກົດການ​ຫຍໍ້​ທໍ້​​ໃນສັງ​ຄົມ, ສະນັ້ນ​ໃນ​ຕໍ່ໜ້າ​ນີ້, ສະ​ເໜີ​ໃຫ້ຄະ​ນະ​ພັກ-ຄະນະ​ນໍາ ຂອງ​ສອງອົງການດັ່ງກ່າວ ​ຕ້ອງ​ໄດ້​ເພີ່ມ​ທະວີ​ວຽກ​ງານ​ສຶກສາ​ອົບຮົມ ການ​​ເມືອງ​-ແນວ​ຄິດ​ ໃຫ້​ພະນັກງານຂັ້ນ​ຕ່າງໆ​ນັບ​ແຕ່​ສູນ​ກາງ​ຮອດ​ທ້ອງ​ຖິ່ນ​ໃຫ້​ໜັກ​ແໜ້ນ,​ ​ເອົາ​ໃຈ​ໃສ່​ກວດກາ​ ​ແລະ ​ແກ້​ໄຂສະພາບ​ຂອງພະນັກງານ​ທີ່​ມີການ​ເຄື່ອນ​ໄຫວ ຫລື ປະ​ພືດຕົນ​ບໍ່​ດີ, ປັບປຸງ​ກົນ​ໄກ​ ​ແລະ ​ແບບ​ແຜນການ​ເຮັດ​ວຽກ​ໃຫ້​ທັນ​ສະ​ໄໝ​, ວ່ອງ​ໄວ ​ແລະ ຍຸຕິ​ທໍາ ​ເພື່ອສ້າງ​ຄວາມ​ເຊື່ອ​ໝັ້ນ​ໃຫ້​ສັງຄົມ​ຫລາຍ​ຂຶ້ນ.​

- new3 - ສສຊ ຊີ້ ຄະດີຕ່າງໆຊັກຊ້າຍ້ອນພະນັກງານຈໍານວນໜຶ່ງຖ່ວງດຶງເພື່ອສ້າງປະໂຫຍດເຂົ້າຕົນເອງ
- lattana 1 - ສສຊ ຊີ້ ຄະດີຕ່າງໆຊັກຊ້າຍ້ອນພະນັກງານຈໍານວນໜຶ່ງຖ່ວງດຶງເພື່ອສ້າງປະໂຫຍດເຂົ້າຕົນເອງ
error: Content is protected !!