ຮອງນາຍົກລັດຖະມົນຕີ ສອນໄຊ ສີພັນດອນ ສໍາ​ເລັດ​ການຢ້ຽມຢາມປະເທດຮົງກາຣີ

- advert banner 728 90 728x90 - ຮອງນາຍົກລັດຖະມົນຕີ ສອນໄຊ ສີພັນດອນ ສໍາ​ເລັດ​ການຢ້ຽມຢາມປະເທດຮົງກາຣີ

ໂດຍຕອບສະໜອງຕາມການເຊື້ອເຊີນ ຂອງ ທ່ານ ໂຊນ ​ເຊມເຢັນ ຮອງນາຍົກລັດ ຖະມົນຕີ ຮົງກາຣີ, ໃນລະຫວ່າງວັນທີ 18-19 ພະຈິກຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ ໄດ້ເດີນທາງໄປຢ້ຽມຢາມປະ​ເທດດັ່ງກ່າວຢ່າງເປັນທາງການ ແລະ ໄດ້ມີການພົບປະສອງຝ່າຍກັບ ທ່ານ ໂຊນ ເຊມເ​ຢັນ ຮອງນາຍົກ ລັດຖະມົນຕີ ຮົງກາຣີ, ເພື່ອທົບທວນໝາກຜົນການພົວພັນຮ່ວມມືລະຫວ່າງສອງປະເທດ ເຊິ່ງຝ່າຍລາວໄດ້ສະແດງຄວາມຍິນດີ ທີ່ເຫັນວ່າການພົວພັນຮ່ວມມືຂອງສອງຝ່າຍ ແມ່ນກ້າວສູ່ບັນຍາກາດອັນໃໝ່ ໂດຍສະເພາະ ພາຍຫລັງການຢ້ຽມຢາມ ຮົງ​ກາ​ຣີ ຂອງ​ທ່ານ​ນາ​ຍົກ​ລັດ​ຖະ​ມົນ​ຕີ​ ທອງລຸນ ສີສຸລິດ ໃນ​ເດືອນມີ​ນາ 2019 ແລະ ການຢ້ຽມ​ຢາມທາງການຄັ້ງປະຫວັດສາດ ຢູ່ ສປປ ລາວ ຂອງ ທ່ານ ຈາໂນສ ອາແດ ເມື່ອເດືອນຕຸລາ ທີ່​ຜ່ານ​ມາ.

- new3 - ຮອງນາຍົກລັດຖະມົນຕີ ສອນໄຊ ສີພັນດອນ ສໍາ​ເລັດ​ການຢ້ຽມຢາມປະເທດຮົງກາຣີ

ທ່ານຮອງນາຍົກລັດ​ຖະມົນ​ຕີ ສອນໄຊ ສີພັນດອນ ໄດ້ກ່າວສະແດງຄວາມຂອບໃຈຢ່າງຈິງໃຈ ຕໍ່ການຕ້ອນຮັບອັນອົບອຸ່ນ ຂອງທ່ານຮອງນາຍົກລັດ​ຖະ​ມົນ​ຕີ ເຊມເຢັນ, ພ້ອມທັງໄດ້ລາຍງານສະພາບການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ຜົນສໍາເລັດຂອງບັນດາໂຄງການຮ່ວມມື ຮົງກາຣີ ເປັນຕົ້ນແມ່ນຂະແໜງກະສິກໍາ, ການສຶກສາ, ການບໍລິຫານຈັດການນໍ້າ, ການຄຸ້ມຄອງພົນລະເມືອງທັນ​ສະ​ໄໝ, ວຽກງານສາທາລະນາສຸກ, ການຮັບປະກັນຄວາມ​ປອດ​ໄພທາງດ້ານສະ ບຽງອາຫານ, ການພັດທະນາຄຸ້ມຄອງນໍ້າແບບຍືນຍົງ ແລະ ທ່ານຮອງນາຍົກລັດ​ຖະມົນ​ຕີ ໄດ້ຕາງ ຫນ້າໃຫ້ລັດຖະບານລາວ ສະແດງຄວາມຂອບໃຈຢ່າງສູງຕໍ່ ຮົງກາຣີ ທີ່ຊ່ວຍສ້າງຊັບພະຍາກອນມະນຸດ ໃນໄລຍະຜ່ານມາ ກໍຄືປັດຈຸບັນ ແລະ ການໃຫ້ເງິນກູ້ບໍ່​ມີ​ດອກ​ເບ້ຍແກ່ຝ່າຍລາວ ທັງໝົດນັ້ນ ຖືເປັນການປະກອບສ່ວນອັນສໍາຄັນຂອງລັດຖະບານ ແລະ ປະຊາຊົນ ຮົງກາຣີ ເຂົ້າໃນການສ້າງສາພັດທະ ນາເສດຖະກິດ-ສັງຄົມ ຂອງ ສປປ ລາວ.

ກ່ອນໜ້ານີ້, ທ່ານຮອງນາຍົກລັດ​ຖະມົນຕີ ສອນໄຊ ສີພັນດອນ ກໍໄດ້ພົບປະກັບ ທ່ານ ປີເຕີ ຊີຢາໂຕ, ລັດຖະມົນຕີ ກະຊວງການຕ່າງປະເທດ ແລະ ການຄ້າ ແລະ ພົບ​ປະ​ກັບ ທ່ານ ອີ​ສະ​ວານ ຈາ​ກັບ, ຮອງ​ປະ​ທານ​ສະ​ພາ ແຫ່ງຊາດ ຮົງກາຣີ, ຊຶ່ງສອງຝ່າຍໄດ້ຕີລາຄາວ່າ ການຮ່ວມມື ລາວ-ຮົງກາຣີ ໃນຂອບສອງຝ່າຍ ແລະ ຫລາຍຝ່າຍ ແມ່ນຢູ່ໃນໄລຍະທີ່ກໍາລັງແຕກດອກອອກຜົນ, ຊຶ່ງໃນ​ນັ້ນຫລາຍໂຄງການຮ່ວມມືກໍ່ໄດ້ຮັບຜົນສໍາເລັດ ແລະ ບາງໂຄງການກໍ່ກໍາລັງດໍາເນີນການຈັດຕັ້ງປະຕິບັດເປັນຢ່າງດີ, ສອງຝ່າຍຍິນດີສືບຕໍ່ຮັກສາມູນເຊື້ອອັນດີງາມ ໃນການໄປມາຫາສູ່ກັນ ລະຫວ່າງ ການນໍາຂັ້ນສູງຂອງສອງປະເທດ ເພື່ອເສີມຂະຫຍາຍສາຍພົວພັນ ລາວ-ຮົງກາຣີ ໃຫ້ນັບມື້ມີເນື້ອໃນສົມບູນ ແລະ ນໍາເອົາຜົນປະໂຫຍດຕົວຈິງ ມາສູ່ປະຊາຊົນສອງຊາດຫລາຍຂຶ້ນ, ສືບຕໍ່ເພີ່ມທະວີການຮ່ວມມືສອງຝ່າຍ ໃນຂະແໜງກະສິກໍາ, ການສຶກສາ, ການບໍລິຫານຈັດການນໍ້າແບບຍືນຍົງ, ການຄຸ້ມຄອງພົນລະເມືອງ, ວຽກງານສາທາລະນາສຸກ, ການຮັບປະກັນຄວາມປອດ​ໄພທາງດ້ານສະບຽງອາຫານ ແລະ ດ້ານອື່ນໆຕື່ມອີກ.

- lattana 1 - ຮອງນາຍົກລັດຖະມົນຕີ ສອນໄຊ ສີພັນດອນ ສໍາ​ເລັດ​ການຢ້ຽມຢາມປະເທດຮົງກາຣີ

ໂອກາດນີ້ ທ່ານຮ​ອງ​ນາ​ຍົກລັດ​ຖະ​ມົນ​ຕີ ກໍໄດ້ຮ່ວມກັນເປັນສັກຂີພິຍານ ໃນພິທີລົງນາມບົດບັນທຶກຄວ​າມ​ເຂົ້າ​ໃຈ ວ່າດ້ວຍ ການຮ່ວມມືໃນວຽກງານການຮັບປະກັນຄວາມປອດ​ໄພດ້ານສະບຽງອາຫານ, ເຊິ່ງຝ່າຍລາວ ເຊັນໂດຍ ທ່ານ ພວງປາຣິສັກ ປຣະວົງວຽງຄໍາ ຮອງລັດ​ຖະ​ມົນ​ຕີກະຊວງກະສິກໍາ ແລະ ປ່າໄມ້ ແລະ ຝ່າຍ ຮົງກາຣີ ເຊັນໂດຍ ທ່ານ ອາຕີລາ ຊີໄນ ຮອງລັດ​ຖະມົນຕີກະ ຊວງກະສິກໍາຂອງຮົງກາ​ຣີ. ​ຫລັງຈາກນັ້ນ ທ່ານຮອງນາຍົກລັດ​ຖະມົນຕີ ສອນໄຊ ສີພັນດອນ ແລະ ທ່ານ ປີເຕີ ຊີຢາໂຕ ລັດຖະມົນຕີກະຊວງການຕ່າງປະເທດ ແລະ ການຄ້າ ຮົງກາຣີ ໄດ້ຮ່ວມກັນຖະ ແຫລງຂ່າວຕໍ່ສື່ມວນຊົນ ກ່ຽວກັບຜົນສໍາເລັດຂອງການພົບປະສອງຝ່າຍໃນຄັ້ງນີ້, ເຊິ່ງຈະສ້າງພື້ນຖານອັນໜັກແໜ້ນຕື່ມອີກ ໃຫ້ແກ່ການເພີ່ມທະວີສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອ ແລະ ການເປັນຄູ່ຮ່ວມມືຍຸດທະສາດນຳ​ກັນ ໃຫ້ເກີດດອກອອກຜົນຍິ່ງໆຂຶ້ນ.

error: Content is protected !!