ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍອະນາໄມ ແລະ ສົ່ງເສີມ ສຸຂະພາບ (ສະບັບປັບປຸງ)

- advert banner 728 90 728x90 - ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍອະນາໄມ ແລະ ສົ່ງເສີມ ສຸຂະພາບ (ສະບັບປັບປຸງ)

ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ VIII,ໃນວັນທີ 22 ພະຈິກນີ້, ໂດຍການເປັນປະທານຂອງ ທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ ຮັບຮອງເອົາຮ່າງກົດໝາຍ ວ່າດ້ວຍອະນາໄມ ແລະ ສົ່ງເສີມສຸຂະພາບ ສະບັບປັບປຸງ, ຮ່າງກົດໝາຍດັ່ງກ່າວ ປະກອບມີ 9 ພາກ, 8 ຫມວດ, 79 ມາດຕາ, ໃນນີ້ຮັກສາເດີມ 1 ມາຕຕາ ຄື: ມາດຕາ 78, ໄດ້ປັບປຸງ 45 ມາດຕາ ແລະ ໄດ້ເພີ່ມເຂົ້າໃໝ່ອີກ 33 ມາດຕາ.

- new3 - ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍອະນາໄມ ແລະ ສົ່ງເສີມ ສຸຂະພາບ (ສະບັບປັບປຸງ)

    ກົດໝາຍດັ່ງກ່າວ ລາວເຮົາຍັງໄດ້ເລີ່ມຈັດຕັ້ງປະຕິບັດ ແຕ່ກາງເດືອນ ມັງກອນ 2012 ເປັນຕົ້ນມາ, ຊຶ່ງແມ່ນ ກົມອະນາໄມ ແລະ ກັນພະຍາດ ເປັນເສນາທິການ ໃຫ້ກະຊວງສາທາລະນະສຸກ ໃນການຈັດຕັ້ງປະຕິບັດວຽກງານນີ້ໂດຍໄດ້ຖືເອົາຫຼັກການອະນາໄມ, ກັນພະຍາດ ແລະ ສົ່ງເສີມສຸຂະພາບ ເປັນຕົ້ນຕໍ ແລະ ໄດ້ເຊື່ອມສານວຽກງານສາທາລະນະສຸກຂັ້ນຕົ້ນເຂົ້າໃນວຽກງານພັດທະນາຊົນນະບົດ, ລຶບລ້າງຄວາມທຸກຍາກ ແລະ ວຽກງານສາມສ້າງ ໂດຍສະເພາະ ການສ້າງບ້ານສາທາລະນະສຸກແບບຢ່າງ (ປັດຈຸບັນມີ ບ້ານສາທາລະນະສຸກແບບຢ່າງ 6.421 ບ້ານ) ເພື່ອໃຫ້ທຸກຄົນມີສຸຂະພາບດີ, ມີອາຍຸຍືນ, ຫຼຸດຜ່ອນການຕິດເຊື້ອພະຍາດ, ການເຈັບເປັນ ແລະ ການເສຍຊີວິດຂອງປະຊາຊົນບັນດາເຜົ່າ ໂດຍການມີສ່ວນຮ່ວມ ແລະ ເປັນເຈົ້າການຂອງທຸກພາກສ່ວນໃນສັງຄົມ.ຜ່ານການຈັດຕັ້ງປະຕິບັດກົດໝາຍສະບັບດັ່ງກ່າວໃນໄລຍະຜ່ານມາ, ເຫັນວ່າຍັງມີບາງເນື້ອໃນບໍ່ທັນຈະແຈ້ງ, ມີຄວາມຫຍຸ້ງຍາກໃນການຈັດຕັ້ງປະຕິບັດຕົວຈິງ ແລະ ບໍ່ສອດຄ່ອງກັບສະພາບເງື່ອນໄຂຂອງການພັດທະນາ ເສດຖະກິດ-ສັງຄົມ ໃນປັດຈຸບັນ, ອົງປະກອບຂອງການອະນາໄມ, ກັນພະຍາດ ແລະ ສົ່ງເສີມສຸຂະພາບ ຍັງບໍ່ທັນຄົບຖ້ວນ ແລະ ມີບາງວຽກງານໄດ້ແຍກເປັນກົດໝາຍສະເພາະ ເຊັ່ນ: ວຽກງານໃຫ້ວັກຊີນກັນພະຍາດ.

ດັ່ງນັ້ນ, ເພື່ອໃຫ້ວຽກງານອະນາໄມ ແລະ ສົ່ງເສີມສຸຂະພາບສອດຄ່ອງກັບແນວທາງນະໂຍບາຍລັດຖະທໍາມະນູນ, ກົດຫມາຍ, ສົນທິສັນຍາ ແລະ ສັນຍາສາກົນ ທີ່ລາວເປັນພາຄີ ແລະ ເພື່ອເຮັດໃຫ້ການຄຸ້ມຄອງ, ຕິດຕາມ, ກວດກາ ແລະ ການຈັດຕັ້ງປະຕິບັດວຽກງານດັ່ງກ່າວ ມີປະສິດທິພາບ, ປະສິດທິຜົນ, ຕໍ່ເນື່ອງ ແລະ ຍືນຍົງ ແນໃສ່ເຮັດໃຫ້ພົນລະເມືອງ ມີສຸຂະພາບດີ, ມີອາຍຸຍືນ, ຫຼຸດຜ່ອນການຕິດເຊື້ອພະຍາດ, ການເຈັບປ່ວຍ ແລະ ການເສຍຊີວິດ.

- lattana 1 - ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍອະນາໄມ ແລະ ສົ່ງເສີມ ສຸຂະພາບ (ສະບັບປັບປຸງ)

ເມື່ອກົດໝາຍສະບັບນີ້ ຖືກຮັບຮອງ ແລະ ປະກາດໃຊ້ ຈະເປັນບ່ອນອີງສໍາຄັນພື້ນຖານ ໃນການຈັດຕັ້ງປະຕິບັດວຽກງານ ອະນາໄມ ແລະ ສົ່ງເສີມສຸຂະພາບ ໄດ້ຮັບການຄຸ້ມຄອງ, ຕິດຕາມ, ກວດກາ, ຖືກຕ້ອງຕາມແນວທາງນະໂຍບາຍຂອງພັກ, ສອດຄ່ອງກັບການພັດທະນາ ເສດຖະກິດ-ສັງຄົມ ຂອງລາວ ແລະ ສອດຄ່ອງກັບພັນທະສາກົນ, ເຮັດໃຫ້ວຽກງານ ອະນາໄມ ແລະ ສົ່ງເສີມສຸຂະພາບ ໄດ້ຮັບການຈັດຕັ້ງປະຕິບັດຢ່າງມີປະສິດທິພາບ, ປະສິດທິຜົນ, ຕໍ່ເນື່ອງ ແລະ ຍືນຍົງ, ຮັບປະກັນໃຫ້ພົນລະເມືອງ ມີສຸຂະພາບດີ, ມີອາຍຸຍືນ, ຫຼຸດຜ່ອນ ການຕິດເຊື້ອພະຍາດ, ການເຈັບປ່ວຍ ແລະ ການເສຍຊີວິດ, ສາມາດເຊື່ອມໂຍງກັບພາກພື້ນ ແລະ ສາກົນ ປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດ.

error: Content is protected !!