ຫາລືຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ກ່ຽວກັບການພັດທະນາໂດຍຊຸມຊົນເປັນເຈົ້າ

- advert banner 728 90 728x90 - ຫາລືຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ກ່ຽວກັບການພັດທະນາໂດຍຊຸມຊົນເປັນເຈົ້າ

ໃນວັນທີ 22 ພະຈິກນີ້ທີ່ໂຮງແຮມແລນມາກ ນະຄອນຫລວງວຽງຈັນ, ສະພາບໍລິຫານ ກອງທຶນຫລຸດຜ່ອນຄວາມທຸກຍາກ ກະຊວງກະສິກຳ-ປ່າໄມ້ ແລະ ບັນດາຄູ່ຮ່ວມທຶນໄດ້ຈັດສໍາມະນາຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງກ່ຽວກັບການພັດທະນາໂດຍຊຸມຊົນເປັນເຈົ້າ (ກຳປູເຈຍ, ຈີນ, ໄທ, ມຽນມາ, ລາວ ແລະ ຫວຽດນາມ) ໂດຍມີຈຸດປະສົງ ເພື່ອຫາລື ສົ່ງເສີມຄວາມເຂົ້າອົກເຂົ້າໃຈອັນດີ ແລະ ແລກປ່ຽນບົດຮຽນປະສົບປະການ ແນ່ໃສ່ເພີ່ມທະວີການຮ່ວມມືກັນ ໃນດ້ານການພັດທະນາ ໂດຍຊຸມຊົນເປັນເຈົ້າ ທີ່ເປັນວິທີການພັດທະນາຊົນນະບົດ ແລະ ລຶບລ້າງຄວາມທຸກຍາກ ພ້ອມທັງເປັນການປະກອບສ່ວນອັນສໍາຄັນ ເຂົ້າໃນການສ້າງໃຫ້ຂົງເຂດນີ້ ມີຄວາມຢູ່ດີກິນດີ ແລະ ມັ່ງຄັ່ງເຂັ້ມແຂງ.

- new3 - ຫາລືຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ກ່ຽວກັບການພັດທະນາໂດຍຊຸມຊົນເປັນເຈົ້າ

ທ່ານ ທອງພັດ ວົງມະນີ ຮອງລັດຖະມົນຕີກະຊວງ ກະສິກຳ ແລະ ປ່າໄມ້ ໄດ້ກ່າວວ່າ: ລັດຖະບານ ສປປ ລາວ ໄດ້ຕັ້ງໜ້າສົ່ງເສີມຂະບວນການພັດທະນາ ໂດຍຊຸມຊົນເປັນເຈົ້າ ດ້ວຍຫລາຍຮູບແບບວິທີການ ໂດຍສະເພາະແມ່ນ ການຈັດຕັ້ງປະຕິບັດກອງທຶນຫລຸດຜ່ອນຄວາມທຸກຍາກ ທີ່ເລີ່ມມາຕັ້ງແຕ່ປີ 2002 ໃນຖານະທີເປັນເຄື່ອງມືໜຶ່ງຂອງລັດຖະບານ ພາຍໃຕ້ການສະໜັບສະໜູນ ຂອງທະນາຄານໂລກ ແລະ ຄູ່ຮ່ວມໃຫ້ທຶນ ແນ່ໃສ່ ແກ້ໄຂ ແລະ ລຶບລ້າງຄວາມທຸກຍາກ ໃຫ້ໄດ້ໂດຍພື້ນຖານໃນປີ 2020, ໂດຍເນັ້ນໃສ່ການສ້າງໂຄງລ່າງພື້ນຖານ ແລະ ສິ່ງອໍານວຍຄວາມສະດວກຕ່າງໆໃນເຂດຊົນນະບົດ ຄຽງຄູ່ໄປກັບການສ້າງຄວາມເຂັ້ມແຂງໃຫ້ແກ່ຮາກຖານຊຸມຊົນເປັນຕົ້ນຕໍ. ການພັດທະນາໂດຍຊຸມຊົນເປັນເຈົ້າ ແມ່ນຂະບວນການພັດທະນາດ້ານການເມືອງແນວຄິດ, ເສດຖະກິດ-ສັງຄົມ ທີ່ເລີ່ມແຕ່ຮາກຖານຂຶ້ນມາ, ເນື້ອແທ້ກໍ່ແມ່ນເປັນການຈັດຕັ້ງຜັນຂະຫຍາຍ ນະໂຍບາຍ 3 ສ້າງ ຄື: ສ້າງແຂວງເປັນຫົວໜ່ວຍຍຸດທະສາດ ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ສ້າງບ້ານເປັນຫົວໜ່ວຍພັດທະນາ.

ທ່ານ ຮອງລັດຖະມົນຕີ ກ່າວຕື່ມວ່າ: ໃນຕໍ່ໜ້າພວກເຮົາຈະຕ້ອງໄດ້ສຸມໃສ່ການສຶກສາ, ຍົກລະດັບສີມືແຮງງານ, ການສ້າງລາຍຮັບໃຫ້ຄອບຄົວ, ສົ່ງເສີມການເຂົ້າເຖິງການບໍລິການທີ່ມີຄຸນນະພາບ, ສົ່ງເສີມດ້ານເຕັກໂນໂລຊີ ເພື່ອພັດທະນາຕອງໂສ້ ຄຸນຄ່າຜະລິດຕະພັນກະສິກໍາ ເພື່ອແນໃສ່ເພີ່ມຜະລິດຕະພາບສູງຂຶ້ນ, ການຈັດສັນພູມລຳເນົາ, ການຄຸ້ມຄອງຄວາມສ່ຽງໄພພິບັດ, ການສ້າງຄວາມເຂັ້ມແຂງໃຫ້ແກ່ຮາກຖານທ້ອງຖິ່ນ, ການເຂົ້າເຖິງສິນເຊື່ອ ແລະ ຕະຫລາດກອງທຶນຄໍ້າປະກັນຄວາມສ່ຽງ, ການສ້າງວຽກເຮັດງານທໍາ ແລະ ສົ່ງເສີມວິສາຫະກິດຊົນນະບົດ ໂດຍສະເພາະແມ່ນວິສາຫະກິດຂະໜາດກາງ-ຂະໜາດນ້ອຍ ເປັນຕົ້ນ ໃນຂະແໜ່ງກະສິກໍາປ່າໄມ້, ການປະມົງ ແລະ ຫັດຖະກໍາ ພ້ອມມທັງເພີ່ມທະວີການປົກປ້ອງທາງດ້ານສັງຄົມ ສໍາລັບຜູ້ທຸກຍາກ ແລະ ການປົກປັກຮັກສາສິ່ງແວດລ້ອມ.

- lattana 1 - ຫາລືຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ກ່ຽວກັບການພັດທະນາໂດຍຊຸມຊົນເປັນເຈົ້າ
error: Content is protected !!