6 ​ເດື​ອນຕົ້ນ​ປີ​ລາວ​ສາມາດ​ສົ່ງ​ອອກສິນຄ້າກະສິກຳບັນລຸ 200 ກວ່າລ້ານໂດລາສະຫະລັດ.

- advert banner 728 90 728x90 - 6 ​ເດື​ອນຕົ້ນ​ປີ​ລາວ​ສາມາດ​ສົ່ງ​ອອກສິນຄ້າກະສິກຳບັນລຸ 200 ກວ່າລ້ານໂດລາສະຫະລັດ.

ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ລາຍງານໃນກອງປະຊຸມສະ ໄໝສາມັນ ເທື່ອທີ 8 ຂອງສະພາແຫ່ງຊາດຊຸດທີ VIII ເມື່ອອາທິດຜ່ານມານີ້ວ່າ: 6​ ​ເດືອນ​ຕົ້ນ​ປີ​ນີ້, ລາວ​ສາມາດ​ສົ່ງ​ອອກ​ສີນ​ຄ້າ​ກະສິກໍາ​ມີ​ມູນ​ຄ່າ​ຫລາຍ​ກວ່າ 200 ລ້ານ​ໂດ​ລາ​ສະຫະລັດ, ​ໃນ​ຂະນະ​ໝົດ​ປີ 2018 ການ​ສົ່ງ​ອອກ​ດັ່ງກ່າວ​ບັນລຸ​ໄດ້​ພຽງ 689 ລ້ານ​ໂດ​ລາ​ເທົ່າ​ນັ້ນ, ສິນຄ້າກະສິກຳທີ່ພົ້ນເດັ່ນໃນການສົ່ງອອກປະກອບມີ: ກວ້ຍບັນລຸ 74,43 ລ້ານໂດລາສະຫະລັດ, ຢາງພາລາ 33,15 ລ້ານໂດລາສະຫະລັດ, ປະເພດໝາກໄມ້ 22,35 ລ້ານໂດລາສະຫະລັດ, ມັນຕົ້ນ 15,52 ລ້ານໂດລາສະຫະລັດ, ກາເຟ 13,83 ລ້ານໂດລາສະຫະລັດ, ອ້ອຍ 13,09 ລ້ານໂດລາສະຫະລັດ, ສາລີແຂງ 4,36 ລ້ານໂດລາສະຫະລັດ ແລະ ເຂົ້າ 3,34 ລ້ານໂດລາສະຫະລັດ, ຊຶ່ງ​ເຫັນ​ວ່າການ​ຜະລິດ​ສິນຄ້າກະສິກໍາ​ລາວ​ເຮົາ​ມີ​ທ່າ​ອ່ຽງດີ​ຂຶ້ນ.

- new3 - 6 ​ເດື​ອນຕົ້ນ​ປີ​ລາວ​ສາມາດ​ສົ່ງ​ອອກສິນຄ້າກະສິກຳບັນລຸ 200 ກວ່າລ້ານໂດລາສະຫະລັດ.

  ປັດຈຸບັນ, ສປປ ລາວ ໄດ້ສຳເລັດການເຈລະຈາເຕັກນິກການເປີດຕະຫລາດ ສົ່ງອອກສິນຄ້າກະສິກຳໄປ ສປຈີນ ຈຳນວນ 6 ລາຍການຄື: ສາລີແຂງ, ມັນຕົ້ນ, ກ້ວຍ, ໝາກໂມ, ເຂົ້າສານ ແລະ ມັນດ້າງ. ພ້ອມດຽວກັນ, ກຳລັງສືບຕໍ່ເຈລະຈາເປີດຕະຫລາດຕື່ມ 27 ຊະນິດ. ເລີ່ມແຕ່ປີ 2013 ເຖິງ 2018, ລາວ ໄດ້ສຳເລັດການເຈລະຈາເປີດຕະຫລາດກັບກົມວິຊາການກະເສດ, ປະເທດໄທ ລວມທັງໝົດ ມີ 15 ພືດ ແລະ ສຳເລັດແລ້ວ 12 ພືດ, ປັດຈຸບັນກຳລັງສືບຕໍ່ເຈລະຈາ ຈຳນວນ 3 ພືດທີ່ຍັງຄ້າງ.    ພ້ອມດຽວກັນໄດ້ສຳເລັດການເຈລະຈາ ເປີດຕະຫລາດກັບກົມປ້ອງກັນພືດ ສສ.ຫວຽດນາມ ໄດ້ທັງໝົດ 13 ພືດ ແລະ ປັດຈຸບັນ ກຳລັງສືບຕໍ່ເຈລະຈາເປີດຕະຫລາດໝາກໄມ້ໃຫ້ໝາກຈຳນວນ 4 ພືດ ໃໝ່ຕື່ມອີກ. ສະເພາະຕະຫລາດສະຫະພາບເອີຣົບ ແມ່ນເປີດຮັບທຸກປະເພດສິນຄ້າກະສິກຳຈາກ ສປປ ລາວ ແຕ່ມາຮອດປັດຈຸບັນ ມີພຽງແຕ່ 2 ບໍລິສັດ ທີ່ປະຕິບັດມາດຕະຖານສຸຂະອະນາໄມ ການສົ່ງອອກພືດຜັກສົດຈາກ ສປປ ລາວ ໄປຍັງເອີຣົບ.

- lattana 1 - 6 ​ເດື​ອນຕົ້ນ​ປີ​ລາວ​ສາມາດ​ສົ່ງ​ອອກສິນຄ້າກະສິກຳບັນລຸ 200 ກວ່າລ້ານໂດລາສະຫະລັດ.
error: Content is protected !!