ສະຫລຸບຜົນເສຍຫາຍຈາກເຫດການແຜ່ນດິນໄຫວຢູ່ແຂວງ ໄຊຍະບູລີ

- advert banner 728 90 728x90 - ສະຫລຸບຜົນເສຍຫາຍຈາກເຫດການແຜ່ນດິນໄຫວຢູ່ແຂວງ ໄຊຍະບູລີ

ທ່ານ ເຈົ້າແຂວງ ໄຊຍະບູລີ ໄດ້ອອກໜັງສືລາຍງານ ສະບັບເລກທີ 162/ຈຂ.ຊຍ, ລົງວັນທີ 21 ພະຈິກນີ້ວ່າ: ໃນຄໍ່າຄືນຂອງວັນທີ 20 ຫາຕອນເຊົ້າວັນທີ 21 ພະຈິກນີ້, ໄດ້ມີປະກົດການໄພພິບັດທາງທໍາມະຊາດ(ແຜ່ນດິນໄຫວ) ເກີດຂຶ້ນຢູ່ຈຸດເຊື່ອມຕໍ່ລະຫວ່າງເມືອງ ຫົງສາ ຫາ ເມືອງ ເງິນ ແລະ ບັນດາເມືອງອື່ນໆຂອງແຂວງ ໄຊຍະບູລີ, ມີລະດັບແຮງສັ່ນສະເທືອນ 3,9-6,4 ຣິກເຕີ, ນັບແຕ່ເວລາ 23ໂມງ ຂອງວັນທີ 20 ຫາເວລາ 6 ໂມງ 45 ນາທີ ຂອງວັນທີ 21 ພະຈິກນີ້, ລວມທັງໝົດ 18 ຄັ້ງ, ອັນໄດ້ເຮັດໃຫ້ເຮືອນຂອງປະຊາຊົນ, ອາຄານສໍານັກງານຈໍານວນໜຶ່ງແຕກພັງ, ເສົາໄຟຟ້າເນີ້ງ, ເຮັດໃຫ້ໄຟຟ້າດັບຢູ່ບາງເມືອງເຊັ່ນ: ເມືອງ ຫົງສາ, ເມືອງ ເງິນ ແລະ ເມືອງ ຊຽງຮ່ອນ, ສ່ວນຄວາມເສຍຫາຍເບື້້ອງຕົ້ນຂອງໂຮງໄຟຟ້າຫົງສາແມ່ນມີອາຄານແຕກຈໍານວນໜຶ່ງ, ສ່ວນເຄື່ອງຈັກແມ່ນກໍາລັງຢູ່ໃນຂັ້ນຕອນກວດສອບຕົວຈິງ, ຄວາມເສຍຫາຍຂອງບັນດາເມືອງເບື້ອງຕົ້ນຢູ່ເມືອງ ຫົງສາ ມີຄົນບາດເຈັບເລັກນ້ອຍ 7 ຄົນ, ຍິງ 5 ຄົນ, ມີ 14 ບ້ານ, 89 ຫຼັງຄາ, ໃນນີ້ເປ່ເພສົມຄວນ 4 ຫຼັງ, ເປ່ເພເລັກນ້ອຍ 85 ຫຼັງ, ໂຮງຮຽນເປ່ເພເລັກນ້ອຍ 3 ແຫ່ງ, ໂຮງໝໍ 1 ແຫ່ງ, ອາຄານ 1 ແຫ່ງ, ຕະຫຼາດ 1 ແຫ່ງ, ວັດ 5 ແຫ່ງ, ເປ່ເພສົມຄວນມີ ຮ້ານບັນເທີງ 1 ແຫ່ງ, ເສັ້ນທາງປູຢາງແຕກແຫງ 1 ຈຸດ, ເມືອງ ໄຊຊະຖານ 11 ບ້ານ ແລະ ສຸກສາລາ 1 ແຫ່ງ, ນອກນີ້ຍັງມີສໍານັກງານຂອງແຂວງຈໍານວນໜຶ່ງທີ່ໄດ້ຮັບຜົນກະທົບຈາກເຫດການແຜ່ນດິນໄຫວ.

- new3 - ສະຫລຸບຜົນເສຍຫາຍຈາກເຫດການແຜ່ນດິນໄຫວຢູ່ແຂວງ ໄຊຍະບູລີ
- dtfykjhrstjfghm 696x464 - ສະຫລຸບຜົນເສຍຫາຍຈາກເຫດການແຜ່ນດິນໄຫວຢູ່ແຂວງ ໄຊຍະບູລີ
- 73135350 177431430068544 1243200802340732928 n - ສະຫລຸບຜົນເສຍຫາຍຈາກເຫດການແຜ່ນດິນໄຫວຢູ່ແຂວງ ໄຊຍະບູລີ
- 76710848 177431563401864 3206137256184119296 n - ສະຫລຸບຜົນເສຍຫາຍຈາກເຫດການແຜ່ນດິນໄຫວຢູ່ແຂວງ ໄຊຍະບູລີ

ຕໍ່ກັບເຫດການດັ່ງກ່າວ ໃນວັນທີ 22 ພະຈິກນີ້ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມດ້ວຍຄະນະ ໄດ້ເຂົ້າກວດກາເບິ່ງຄວາມເສຍຫາຍຕົວຈິງຂອງໂຮງໄຟຟ້າຫົງສາໃຫ້ຮູ້ວ່າ: ເຫດການແຜ່ນດິນໄຫວຄັ້ງນີ້ຫ່າງຈາກທີ່ຕັ້ງຂອງໂຮງໄຟຟ້າພະລັງງານຄວາມຮ້ອນຫົງສາ ປະມານ 27 ກິໂລແມັດແຕ່ໂຮງໄຟຟ້າພະລັງງານຄວາມຮ້ອນຫົງສາ ແມ່ນໄດ້ຮັບຜົນກະທົບພຽງເລັກນ້ອຍເທົ່ານັ້ນ.

- lattana 1 - ສະຫລຸບຜົນເສຍຫາຍຈາກເຫດການແຜ່ນດິນໄຫວຢູ່ແຂວງ ໄຊຍະບູລີ
error: Content is protected !!