ເປີດການນຳໃຊ້ ເຂື່ອນໄຟຟ້ານ້ຳລົ້ນນ້ຳຜາໃຫຍ່ ເມືອງລ້ອງແຈ້ງ

- advert banner 728 90 728x90 - ເປີດການນຳໃຊ້ ເຂື່ອນໄຟຟ້ານ້ຳລົ້ນນ້ຳຜາໃຫຍ່ ເມືອງລ້ອງແຈ້ງ

ພິທີສະເຫລີມສະຫລອງຜົນສຳເລັດການກໍ່ສ້າງເຂື່ອນໄຟຟ້ານ້ຳລົ້ນ ນ້ຳຜາໃຫຍ່ທີ່ມີກຳລັງການຜະລິດ 14,8 ເມກາວັດ ແລະ ພາກຂະຫຍາຍ 4,4 ເມກາວັດ ທີ່ບ້ານຜານ້ອຍ ເມືອງລ້ອງແຈ້ງ, ແຂວງໄຊສົມບູນ ໄດ້ຈັດຂຶ້ນໃນວັນທີ 22 ພະຈິກຜ່ານມາໂດຍ ທ່ານ ຈັນສີ ໂພສີຄຳ ຫົວໜ້າຄະນະຈັດຕັ້ງສູນກາງພັກ, ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ພົຕ ຄຳລຽງ ອຸທະໄກສອນ ເຈົ້າແຂວງໄຊສົມບູນ ພ້ອມດ້ວຍພາກສ່ວນທີ່ກ່ຽວຂ້ອງຕ່າງໆເຂົ້າຮ່ວມ.

- new3 - ເປີດການນຳໃຊ້ ເຂື່ອນໄຟຟ້ານ້ຳລົ້ນນ້ຳຜາໃຫຍ່ ເມືອງລ້ອງແຈ້ງ

    ທ່ານ ໄຊຍະສີງ ຊະນະແກ້ວ, ປະທານກຸ່ມບໍລິສັດ DSK (ດີເອສເຄ) ໄດ້ລາຍງານໂດຍຫຍໍ້ ກ່ຽວກັບຄວາມເປັນມາຂອງໂຄງການ ຊຶ່ງໄດ້ດຳເນີນການກໍ່ສ້າງມາແຕ່ເດືອນຕຸລາ 2014 ແລະ ຮອດເດືອນ ກັນຍາ 2019 ຈຶ່ງສຳເລັດຊຶ່ງເປັນເຂື່ອນເບຕົງ, ສູງ 65ແມັດ, ມີຄວາມຍາວ 160 ແມັດ, ປະກອບດ້ວຍເຄື່ອງຈັກປັ່ນໄຟຟ້າ 7,4 ເມກາວັດ. 2 ເຄື່ອງ, ແລະ ມີພາກຂະຫຍາຍ 4,4 ເມກາວັດ. 1 ເຄື່ອງ, ມີກຳລັງຕິດຕັ້ງ 19, 2 ເມກາວັດ. ສາມາດຜະລິດພະລັງງານໄຟຟ້າໄດ້ທັງໝົດ 167 ກິກະວັດໂມງ ຕໍ່ປີ ເພື່ອສົ່ງຂາຍເຂົ້າລະບົບສາຍສົ່ງ 115 ກິໂລວັດ ໄປເຖິງສະຖານີທົ່ງຄູນ 2 ໃຫ້ແກ່ລັດວິສາຫະກິດໄຟຟ້າລາວ ລວມມີມູນຄ່າການກໍ່ສ້າງທັງໝົດ 68 ລ້ານໂດລາສະຫະລັດ ໂຄງການນີ້ບໍ່ມີຜົນກະທົບຕໍ່ສີ່ງແວດລ້ອມ ແລະ ສັງຄົມແຕ່ຢ່າງໃດ ໂດຍນຳໃຊ້ມາດຕະຖານເຕັກນິກສາກົນ ແລະ ມີທີ່ປຶກສາຈາກປະເທດອົສຕາລີ ເປັນຜູ່ຊີ້ນຳຄວບຄຸມໂຄງການຊຶ່ງເຂື່ອນໄຟຟ້ານ້ຳລົ້ນນີ້ ຈະປະກອບສ່ວນຢ່າງຫລວງຫລາຍ ໃຫ້ແກ່ການພັດທະນາເສດຖະກິດ-ສັງຄົມ ຂອງເມືອງລ້ອງແຈ້ງ ກໍຄືແຂວງໄຊສົມບູນ ໃຫ້ນັບມື້-ນັບຂະຫຍາຍຕົວ ດີຂຶ້ນເລື້ອຍໆ.

- lattana 1 - ເປີດການນຳໃຊ້ ເຂື່ອນໄຟຟ້ານ້ຳລົ້ນນ້ຳຜາໃຫຍ່ ເມືອງລ້ອງແຈ້ງ
- 52 - ເປີດການນຳໃຊ້ ເຂື່ອນໄຟຟ້ານ້ຳລົ້ນນ້ຳຜາໃຫຍ່ ເມືອງລ້ອງແຈ້ງ
error: Content is protected !!