ປີ້ VIP ພິທີເປີດຊີເກມ 2019 ລາຄາແພງຈົນຂາຍບໍ່ໄດ້

- advert banner 728 90 728x90 - ປີ້ VIP ພິທີເປີດຊີເກມ 2019 ລາຄາແພງຈົນຂາຍບໍ່ໄດ້

     ປີ້ VIP ໃນ​ພິ​ທີ​ເປີດ​ການ ແຂ່ງ​ຂັນ​ກິ​ລາ​ຊີ​ເກມ 2019 ມີ ລາ​ຄາ​ແພງ​ຈົນ​ເຮັດ​ໃຫ້​ຍັງ​ບໍ່​ມີ ແຟນ​ກິ​ລາ​ເຂົ້າ​ໄປ​ຊື້​ຜ່ານ​ເວັບ ໄຊ​ພຽງ​ແຕ່​ຄົນ​ດຽວ.

- new3 - ປີ້ VIP ພິທີເປີດຊີເກມ 2019 ລາຄາແພງຈົນຂາຍບໍ່ໄດ້

     ພິ​ທີ​ເປີດ​ກິ​ລາ​ຊີ​ເກມ ຄັ້ງ​ທີ 30 ທີ່​ປະ​ເທດຟີ​ລິບປິນ ຈະ​ມີ​ ຂຶ້ນ​ຢ່າງ​ເປັນ​ທາງ​ການ​ໃນ​ວັນ ທີ 30 ພະ​ຈິກນີ້ ທີ່​ສະ​ໜາມ​ຟີ ລິບ​ປິນ ອາ​ຣີ​ນ່າ ເຊິ່ງ​ບັນ​ຈຸ​ໄດ້ 55.000 ບ່ອນ​ນັ່ງ ແຕ່​ມາ ຮອດ​ດຽວນີ້ ປີ້ VIP ທີ່​ເປີດ​ ໃຫ້​ແຟນ​ກິ​ລາ​ຈອງ​ຜ່ານ​ເວັບ ໄຊ ເອ​ສ​ເອັມ​ທິກ​ເກັດ ລວມ ທັງ​ເວັບ​ໄຊ​ອື່ນໆ ຍັງ​ຂາຍບໍ່​ໄດ້ ພຽງ​ແຕ່​ໃບ​ດຽວ ເນື່ອງ​ຈາກ ມີ​ລາ​ຄາ​ແພງ​ເຖິງ 12.000 ເປ​ໂຊຕໍ່​ບ່ອນ​ນັ່ງ.

     ສ່ວນ​ປີ້​ໃນ​ບ່ອນ​ອື່ນ​ທີ່​ມີ ລາ​ຄາ​ແຕ່ 1.000 ເປ​ໂຊ, 1.500 ເປ​ໂຊ ແລະ 4.000 ເປ​ໂຊ ກໍ​ຍັງ​ບໍ່​ໄດ້​ຮັບ​ຄວາມ​ນິ ຍົມ​ຈາກ​ແຟນ​ກິ​ລາ​ຊາວ​ຟີ​ລິບ ປິນ​ເທົ່າ​ທີ່​ຄວນ.

      ໂດຍ​ມີ​ລາຍ​ງານ​ວ່າ: ສາ ເຫດ​ທີ່​ເຮັດ​ໃຫ້​ປີ້​ພິ​ທີ​ເປີດ​ການ ແຂ່ງ​ຂັນ​ຊີ​ເກມ 2019 ບໍ່​ຄ່ອຍ ໄດ້​ຮັບ​ຄວາມ​ນິ​ຍົມ ນອກ​ຈາກ ສະ​ພາບ​ເສດ​ຖະ​ກິດ​ຂອງ​ຟີ​ລິບ ປິນ​ຈະ​ບໍ່​ຄ່ອຍ​ດີ​ແລ້ວ ກາຍ​ ເຜີຍ​ແຜ່​ພາບ​ສະ​ໜາມ​ຊ້ອມ ແລະ ສະ​ໜາມ​ແຂ່ງ​ຂັນ​ຫຼາຍ ແຫ່ງ​ທີ່​ຍັງ​ສ້າງບໍ່​ສຳ​ເລັດ ລວມ​ທັງ​ການ​ຖືກ​ຮ້ອງ​ຮຽນ ເລື່ອງ​ການ​ເດີນ​ທາງ ແລະ ການ​ບໍ​ລິ​ຫານ​ຈັດ​ການ​ທີ່ບໍ່ ຄ່ອຍ​ພ້ອມ​ຂອງ​ເຈົ້າ​ພາບ ເປັນ ອີກ​ສາ​ເຫດ​ໜຶ່ງ​ທີ່​ເຮັດ​ໃຫ້​ແຟນ ກິ​ລາ​ຊາວ​ຟີ​ລິບ​ປິນ ແລະ ອາ ຊຽນ​ບໍ່​ຄ່ອຍ​ໃຫ້​ຄວາມ​ສົນ​ໃຈ ຕໍ່​ການ​ແຂ່ງ​ຂັນ​ເທົ່າ​ທີ່​ຄວນ. ນອກ​ຈາກນີ້ ໃນ​ໂລກ​ອອນ ລາຍ​ເວ​ລານີ້ ແຟນ​ກິ​ລາ​ໃນ​ ອາ​ຊຽນ​ຍັງ​ພ້ອມ​ພຽງ​ກັນ​ຕິດ ແຮດ​ແທັກ #seagamefail ເພື່ອ​ສະ​ແດງ​ເຖິງ​ຄວາມບໍ່ ພ້ອມ​ຂອງ “ເຈົ້າ​ພາບ” ນຳ ອີກ.

- lattana 1 - ປີ້ VIP ພິທີເປີດຊີເກມ 2019 ລາຄາແພງຈົນຂາຍບໍ່ໄດ້

      ນອກ​ຈາກນີ້ ຟີ​ລິບ​ປິນ ເຈົ້າ​ພາບ​ຈັດ​ການ​ແຂ່ງ​ຂັນ​ກິ ລາ​ຊີ​ເກມ ຄັ້ງ​ທີ 30 ປະ​ກາດ ຂໍ​ໂທດ ຫລັງ​ທັບ​ນັກ​ກິ​ລາ​ ຈາກ​ປະ​ເທດ​ສະ​ມາ​ຊິກ​ທີ່​ເດີນ ທາງ​ມາ​ເຖິງ​ນະ​ຄອນ​ຫລວງ ມະ​ນິ​ລາ​ຖືກ​ປ່ອຍ​ຖິ້ມ​ຢູ່​ສະ ໜາມ​ບິນ​ຫລາຍ​ຊົ່ວ​ໂມງ, ບາງ​ຄົນ​ຖືກ​ນຳ​ໄປ​ສົ່ງ​ຜິດ​ ໂຮງ​ແຮມ ຫລື ເຖິງ​ໂຮງ​ແຮມ ຊັກ​ຊ້າ​ຈົນ​ຕ້ອງ​ເລື່ອນ​ຕາ​ຕະ ລາງ​ຝຶກ​ຊ້ອມ.

     ຟີ​ລິບ​ປິນ ເປັນ​ເຈົ້າ​ພາບ ຊີ​ເກມ​ເປັນ​ຄັ້ງ​ທຳ​ອິດ​ນັບ​ແຕ່​ປີ 2005 ເປັນ​ຕົ້ນ​ມາ, ຄາດ ໝາຍ​ວ່າ​ຈະ​ມີ​ນັກ​ກິ​ລາ, ສື່ ມວນ​ຊົນ ແລະ ບຸກ​ຄົນ​ສຳ​ຄັນ ຫລາຍ​ພັນ​ຄົນ​ເຂົ້າ​ຮ່ວມ​ການ ແຂ່ງ​ຂັນ​ຄັ້ງ​ນີ້ ເຊິ່ງ​ຈະ​ຈັດ​ຂຶ້ນ 2 ອາ​ທິດ.

error: Content is protected !!