ແອບມັກໃຜແລ້ວໃຫ້ໝູ່ຊ່ວຍ ນີ້ແມ່ນ 3 ຜົນເສຍທີ່ທ່ານອາດຈະໄດ້ຮັບ

- advert banner 728 90 728x90 - ແອບມັກໃຜແລ້ວໃຫ້ໝູ່ຊ່ວຍ ນີ້ແມ່ນ 3 ຜົນເສຍທີ່ທ່ານອາດຈະໄດ້ຮັບ

     ແອບມັກໃຜແລ້ວໃຫ້ໝູ່ຊ່ວຍ ທ່ານຄິດດີແລ້ວຫລືຍັງ ? ກ່ອນຈະຕັດສິນໃຈເອີ່ຍປາກໄປຂໍຄວາມຊ່ວຍເຫລືອ ລອງອ່ານບົດຄວາມນີ້ເບິ່ງກ່ອນວ່າທ່ານອາດຈະໄດ້ພໍ້ກັບຜົນເສຍຫຍັງແດ່.

- new3 - ແອບມັກໃຜແລ້ວໃຫ້ໝູ່ຊ່ວຍ ນີ້ແມ່ນ 3 ຜົນເສຍທີ່ທ່ານອາດຈະໄດ້ຮັບ

     ບໍ່ກ້າບອກເອງ ແອບມັກໃຜແລ້ວໃຫ້ໝູ່ຊ່ວຍ ໝັ້ນໃຈແລ້ວບໍ່ ?

     1. ອາດບໍ່ສົມຫວັງ ຍ້ອນແພ້ຄວາມໃກ້ຊິດ : ຄວາມໃກ້ຊິດ, ການໄດ້ໂອ້ລົມ ເຮັດໃຫ້ໄດ້ຮູ້ຈັກກັນຍິ່ງຂຶ້ນ, ໄດ້ເຫັນໂຕຕົນຂອງກັນ ແລະ ກັນຫລາຍຂຶ້ນ ບາງເທື່ອໝູ່ທີ່ທ່ານວານໃຫ້ເຂົາເປັນພໍ່ສື່ ຫລື ແມ່ສື່ໃຫ້ ອາດຈະເປັນທີ່ຕ້ອງຕາຖືກໃຈຂອງຄົນທີ່ທ່ານໝາຍປອງແທນກໍເປັນໄດ້ ເພາະທ່ານເມົາແຕ່ລໍຖ້າຢູ່ທາງຫລັງ ເຄີຍໄດ້ຍິນຫລືບໍ່ວ່າ ຮັກແທ້ແພ້ຄວາມໃກ້ຊິດ ເມື່ອເຖິງເວລາທີ່ທ່ານຕ້ອງກິນໝາກແຫ້ວ ຈະໄປໂທດໝູ່ກໍບໍ່ໄດ້ເດີ້.

   2. ບົ່ງບອກເຖິງຄວາມບໍ່ເປັນຜູ້ນຳ : ເມື່ອໄດ້ຮູ້ໃນພາຍຫລັງ ຄົນທີ່ທ່ານແອບມັກອາດຈະເບິ່ງວ່າທ່ານບໍ່ມີຄວາມເປັນຜູ້ນຳ ເລື່ອງດີໆໃນຄວາມຮູ້ສຶກຍັງບໍ່ກ້າທີ່ຈະເປີດເຜີຍອອກໄປເອງ ຕ້ອງອາໄສຄົນອື່ນມາຊ່ວຍຈັດການໃຫ້, ຄະແນນຂອງທ່ານອາດຈະກາຍເປັນ 0 ໃນກໍລະນີທີ່ຄົນທີ່ທ່ານໝາຍປອງເຂົາຊື່ນຊົມຄົນທີ່ກ້າຫານ ແລະ ຄວາມເປັນຜູ້ນຳ.

- lattana 1 - ແອບມັກໃຜແລ້ວໃຫ້ໝູ່ຊ່ວຍ ນີ້ແມ່ນ 3 ຜົນເສຍທີ່ທ່ານອາດຈະໄດ້ຮັບ

  3. ເສຍທັງໝູ່ ເສຍທັງຄົນທີ່ທ່ານໝາຍປອງ ແລະ ຍັງຕ້ອງມາເສຍໃຈອີກ : ທ່ານອາດຈະຕ້ອງມາເຈັບໃຈໃນຕອນຈົບ ເພາະບົດສະຫລຸບທ່ານອາດຈະເປັນສ່ວນເກີນຂອງເລື່ອງນີ້ກໍເປັນໄດ້ ອາດຈະເສຍທັງໝູ່ (ຍ້ອນເບິ່ງໜ້າກັນບໍ່ຕິດ), ເສຍຄົນທີ່ທ່ານໝາຍປອງໄປ ຍ້ອນເຂົາໄປຄວງຄູ່ກັບຄົນອື່ນແທນ ທັງຍັງຕ້ອງມານັ່ງເສຍໃຈໃນພາຍຫລັງກັບສິ່ງທີ່ໄດ້ຫວັງໄວ້ບໍ່ເປັນໄປຕາມທີ່ ຄາດຫວັງ.

    ສະນັ້ນແລ້ວ ອ່ານມາຮອດນີ້ ຖ້າທ່ານແອບມັກແອບຮັກຜູ້ໃດ ກໍຈົ່ງຄິດພິຈາລະນາໃຫ້ດີໆ ແລະ ເຮັດໃຈກ້າໆ ຕັດສິນໃຈໄປບອກເຂົາໃຫ້ຮູ້ໂດຍກົງ ວ່າທ່ານຮູ້ສຶກນຶກຄິດກັບເຂົາແນວໃດ, ທ່ານມີຄວາມຈິງໃຈຕໍ່ເຂົາຫລາຍປານໃດ ກໍຈົ່ງສະແດງມັນອອກມາ ເຖິງແມ່ນວ່າໃນທ້າຍທີ່ສຸດແລ້ວ ເຂົາຈະປະຕິເສດຄວາມຮັກຂອງທ່ານ, ແຕ່ມັນກໍຍັງດີທີ່ທ່ານໄດ້ເປັນຄົນຮັບຮູ້ມັນດ້ວຍຕົນ ເອງ ຈະໄດ້ຫັນກັບມາຮັກຕົນເອງ, ເຫັນຄຸນຄ່າຂອງຕົນເອງໃຫ້ຫລາຍຂຶ້ນ ເພາະເຖິງຜິດຫວັງໃນຄັ້ງນີ້ກໍຍັງມີຄັ້ງຕໍ່ໄປ ແລະ ທ່ານກໍຍັງມີໝູ່ທີ່ດີ ແລະ ມີຄອບຄົວທີ່ຮັກທ່ານສະເໝີ.

error: Content is protected !!