ເຈົ້າໜ້າທີ່ພາສີທຳລາຍ ພືດ-ຜັກ ມີສານຕົກຄ້າງ ລັກລອບນຳເຂົ້າຜິດກົດໝາຍ

- advert banner 728 90 728x90 - ເຈົ້າໜ້າທີ່ພາສີທຳລາຍ ພືດ-ຜັກ ມີສານຕົກຄ້າງ ລັກລອບນຳເຂົ້າຜິດກົດໝາຍ

ພາຍຫລັງເຈົ້າໜ້າທີ່ສືບສວນ-ສອບສວນ ແລະ ປາບປາມການລັກລອບໜີພາສີ, ກົມພາສີ ກະຊວງການເງິນໄດ້ ສົມທົບກັບເຈົ້າໜ້າທີ່ພາສີ ປະຈຳຈຸດບ້ານໃໝ່, ດ່ານສາກົນຂົວມິດຕະພາບ I ແລະ ເຈົ້າໜ້າທີ່ກ່ຽວຂ້ອງ ລົງເຄື່ອນໄຫວກວດກາສິນຄ້າປະເພດຕ່າງໆ ເມື່ອບໍ່ດົນມານີ້ ສາມາດກວດພົບເຫັນພືດ-ຜັກ ທີ່ມີສານພິດຕົກຄ້າງທີ່ລັກລອບນໍາເຂົ້າໜີພາສີຫລາຍລາຍການ ລວມມີນ້ຳໜັກ 3.880 ກວ່າກິໂລ, ລວມມີມູນຄ່າ 31 ລ້ານກວ່າກີບ. ຈາກນັ້ນຈຶ່ງໄດ້ນໍາເອົາພືດ-ຜັກ ດັ່ງກ່າວໄປທໍາລາຍຖິ້ມຢູ່ດ່ານກັກກັນພືດດົງໂພສີ ເມືອງ ຫາດຊາຍຟອງ ນະຄອນຫລວງວຽງຈັນ.

- new3 - ເຈົ້າໜ້າທີ່ພາສີທຳລາຍ ພືດ-ຜັກ ມີສານຕົກຄ້າງ ລັກລອບນຳເຂົ້າຜິດກົດໝາຍ
- 393 1024x572 - ເຈົ້າໜ້າທີ່ພາສີທຳລາຍ ພືດ-ຜັກ ມີສານຕົກຄ້າງ ລັກລອບນຳເຂົ້າຜິດກົດໝາຍ

ຫົວໜ້າພະແນກສືບສວນ-ສອບສວນ ແລະ ປາບປາມການລັກລອບໜີພາສີ ໃຫ້ຮູ້ວ່າ: ພືດ-ຜັກ ທີ່ລັກລອບນໍາເຂົ້າໜີພາສີຄັ້ງນີ້, ແມ່ນຂົນສົ່ງຜ່ານ​ລົດ​ເມໂດຍ​ສານ ລວມມີ ​ຫົວ​ຜັກ​ກາດ​ຂາວ 870 ກິ​ໂລ, ໝາກ​ແຕງ 450 ກິ​ໂລ, ໝາກ​ງູ​ງ້ຽວ 90 ກິ​ໂລ, ໝາກ​ເຜັດ​ໃຫຍ່ 360 ກິ​ໂລ, ໝາກ​ຖົ່ວ 380 ກິ​ໂລ, ໝາກ​ໄສ່ 105 ກິ​ໂລ, ໝາກ​ລອຍ 15 ກິ​ໂລ, ເຫັດ​ເຂັມ 50 ກິ​ໂລ, ມັນ​ດ້າງ 50 ກິ​ໂລ, ໝາກ​ເມືອກ 50 ກິ​ໂລ, ໝາກຖົ່ວ​ພູ 50 ກິ​ໂລ, ຜັກ​ບົ່ວ 50 ກິ​ໂລ, ເຜືອກ 50 ກິ​ໂລ, ໝາກ​ນ້ຳ 50 ກິ​ໂລ, ໝາກ​ມາ​ລະ 50 ກິ​ໂລລວມ​ນ້ຳ​ໜັກ​ທັງ​ໝົດ 2.635 ກິ​ໂລ ໂດຍ​ບໍ່​ມີຜູ້​ໃດສະ​ແດງຕົວ​ເປັນ​ເຈົ້າ​ຂອງ, ຈຶ່ງ​ໄດ້ທຳ​ກາ​ນ​ຢຶດ​ສິນ​ຄ້າທັງໝົດມາທຳລາຍຖິ້ມ.

- 803 1024x544 - ເຈົ້າໜ້າທີ່ພາສີທຳລາຍ ພືດ-ຜັກ ມີສານຕົກຄ້າງ ລັກລອບນຳເຂົ້າຜິດກົດໝາຍ

ຕໍ່ມາຢູ່​ຈຸດ​ກວດກາບ້ານໃໝ່ ເຈົ້າໜ້າທີ່ໄດ້ພົບ​ເຫັນ​ລົດ​ຕູ້​ ​ຮຸນ​ໄດ​ໝາຍ​ເລກ​ທະ​ບຽນ ກຍ 9237 ກຳ​ແພງ​ນະ​ຄອນ, ບັນ​ທຸກ​ສິນ​ຄ້າ​ອອກ​ຈາກ​ເຂດ​ບ້ານ​ນາ​ສຳ​ພັນ​ ແລ່ນ​ມຸ່ງ​ໜ້າ​ສູ່​ນະ​ຄອນຫລວງວຽງ​ຈັນ, ພໍ​ຮອດ​​ຈຸດ​ກວດກາດັ່ງກ່າວ ເຈົ້າໜ້າທີ່ໄດ້ດຳເນີນ​ການກວດ​ກາ​ເຫັນ​ວ່າ ມີ​ການ​ນຳ​ເຂົ້າ​ພືດ-ຜັກ ຈາກປະເທດເພື່ອນບ້ານ; ປະ​ກອບມີດອກ​ຜັກ​ກາດ​ຂາວ​ສົດ ຈຳ​ນວນ 620 ກິໂລ, ໝາກ​ຖົ່ວ​ຍາວ 500 ກິ​ໂລ, ຫົວ​ກາ​ລົດ​ສົດ 126 ກິ​ໂລ​ ລວມ​ມີນ້ຳ​ໜັກ​ທັງ​ໝົດ 1.246 ກິ​ໂລ; ທີ່ລັກລອບ​ໜີ​ພາ​ສີ ຈຶ່ງ​ໄດ້​ກັກ​ສິນ​ຄ້າ ແລະ ລົດ​ ເພື່ອ​ດຳ​ເນີນຄະດີ​, ພ້ອມ​ທັງ​ປັບ​ໃໝຕາມລະບຽບພາສີ-ອາກອນ​ ລວມເປັນ​ເງິນ 11 ລ້ານກວ່າ​ກີບ ເພືື່ອແນໃສ່ປະຕິບັດກົດໝາຍວ່າດ້ວຍພາສີຢ່າງເຂັ້ມງວດກໍຄື ສົ່ງເສີມການຜະລິດ ແລະ ຊົມໃຊ້ຜະລິດຕະພັນທີ່ຜະລິດໄດ້ຢູ່ພາຍໃນ ແລະ ຄຸ້ມຄອງການນໍາເຂົ້າສິນຄ້າອຸປະໂພກ-ບໍລິໂພກຢ່າງ ເຂັ້ມ​ງວດ ເພື່ອສະກັດກັ້ັນການລັກລອບນໍາເຂົ້າສິນ​ຄ້າໜີພາສີໃຫ້ນັບມື້ຫລຸດໜ້ອຍຖອຍລົງ.

- lattana 1 - ເຈົ້າໜ້າທີ່ພາສີທຳລາຍ ພືດ-ຜັກ ມີສານຕົກຄ້າງ ລັກລອບນຳເຂົ້າຜິດກົດໝາຍ
error: Content is protected !!