ອາ​ຊຽນ-ສ.ເກົາ​ຫລີ ເຫັນ​ພ້ອມ​ຕ້ານ​ກີດ​ກັ້ນ​ການ​ຄ້າ​ທຸກ​ຮູບ​ແບບ

- advert banner 728 90 728x90 - ອາ​ຊຽນ-ສ.ເກົາ​ຫລີ ເຫັນ​ພ້ອມ​ຕ້ານ​ກີດ​ກັ້ນ​ການ​ຄ້າ​ທຸກ​ຮູບ​ແບບ

ກອງ​ປະ​ຊຸມ​ຜູ້​ນຳ​ອາ​ຊຽນ-ສ.ເກົາ​ຫລີ ເຫັນ​ພ້ອມ​ຕໍ່​ຕ້ານ​ການ​ກີດ​ກັ້ນ​ການ​ຄ້າ​ທຸກ​ຮູບ​ແບບ ພ້ອມ​ຍົກ​ລະ​ດັບ​ການ​ຄ້າ-ການ​ລົງ​ທຶນ ເພື່ອ​ສ້າງ​ຄວາມ​ໝັ້ນ​ຄົງ​ຕໍ່​ພາກ​ພື້ນ.

- new3 - ອາ​ຊຽນ-ສ.ເກົາ​ຫລີ ເຫັນ​ພ້ອມ​ຕ້ານ​ກີດ​ກັ້ນ​ການ​ຄ້າ​ທຸກ​ຮູບ​ແບບ

     ໃນ​ວັນ​ທີ 26 ພະ​ຈິກນີ້, ປະ​ທາ​ນາ​ທິ​ບໍ​ດີ ມຸນ ແຈ​ອິນ ຂອງ​ ສ.ເກົາ​ຫລີ ໃຫ້​ການ​ຕ້ອນ​ຮັບ​ຜູ້​ນຳ​ປະ​ເທດ​ສະ​ມາ​ຊິກ​ປະ​ຊາ​ຄົມ​ອາ​ຊີ​ຕາ​ເວັນ​ອອກ​ສຽງ​ໃຕ້ (ອາ​ຊຽນ) ເຊິ່ງ​ເດີນ​ທາງ​ເຂົ້າ​ຮ່ວມກອງ​ປະ​ຊຸມ​ສຸດຍອດ ອາ​ຊຽນ-ສ.ເກົາ​ຫລີ ເປັນ​ເວ​ລາ 2 ວັນ ທີ່​ເມືອງ​ປູ​ຊານ.

    ໃນ​ໂອ​ກາດນີ້ ຍັງ​ເປັນ​ການ​ສະ​ເຫລີມ​ສະ​ຫລອງ​ຄົບ​ຮອບ 30 ປີ ການ​ພົວ​ພັນ​ລະ​ຫວ່າງ ອາຊຽນ ກັບ ສ.ເກົາ​ຫລີ ນຳ​ອີກ ໂດຍ​ໃນ​ປີ 2017 ປະ​ທາ​ນາ​ທິ​ບໍ​ດີ ສ.ເກົາ​ຫລີ ປະ​ກາດ​ນະ​ໂຍ​ບາຍ​ມຸ່ງ​ໃຕ້​ໃໝ່ ທີ່​ມີ​ຈຸດ​ມຸ່ງ​ໝາຍ​ໃນ​ການ​ເຊື່ອມ​ໂຍງ ສ.ເກົາ​ຫລີ ກັບ ອາ​ຊຽນ ຫລາຍ​ຂຶ້ນ ແລະ ຂະ​ຫຍາຍ​ອິດ​ທິ​ພົນ​ທາງ​ເສດ​ຖະ​ກິດ​ຂອງ ສ.ເກົາ​ຫລີ ໃນ​ພາກ​ພື້ນນີ້.

    ນອກ​ຈາກນີ້ ສະ​ມາ​ຊິກ​ອາ​ຊຽນ​ທັງ 10 ປະ​ເທດ ຍັງ​ເຫັນ​ພ້ອມ​ກັບ ສ.ເກົາ​ຫລີ ໃນ​ການ​ຕໍ່​ຕ້ານ​ການ​ກີດກັ້ນ​ການ​ຄ້າ​ທຸກ​ຮູບ​ແບບ ພ້ອມ​ຍົກ​ລະ​ດັບ​ການ​ຄ້າ​ເພື່ອ​ສ້າງ​ຄວາມ​ຈະ​ເລີນ​ຮຸ່ງ​ເຮືອງ​ໃຫ້​ພາກ​ພື້ນ ເຊິ່ງ​ທັງ​ສອງ​ຝ່າຍ​ໄດ້​ບັນ​ລຸ​ຂໍ້​ຕົກ​ລົງ​ດັ່ງ​ກ່າວ​ຫລັງ​ສຳ​ເລັດ​ກອງ​ປະ​ຊຸມ ASEAN-ROK Commemorative Summit ເຊິ່ງ​ຈັດ​ຂຶ້ນ​ທີ່​ເມືອງ​ປູ​ຊານ ເນື່ອງ​ໃນ​ໂອ​ກາດ​ສະ​ຫລອງ​ຄົບ​ຮອບ 30 ປີ​ຂອງ​ການ​ພົວ​ພັນ ອາ​ຊຽນ-ສ.ເກົາ​ຫລີ.

- lattana 1 - ອາ​ຊຽນ-ສ.ເກົາ​ຫລີ ເຫັນ​ພ້ອມ​ຕ້ານ​ກີດ​ກັ້ນ​ການ​ຄ້າ​ທຸກ​ຮູບ​ແບບ

      ຖະ​ແຫລງ​ການ​ຮ່ວມ​ລະ​ບຸ​ວ່າ: ອາ​ຊຽນ ແລະ ສ.ເກົາ​ຫລີ ເຫັນ​ພ້ອມ​ຈະ​ສະ​ໜັບ​ສະ​ໜູນ​ການ​ຍົກ​ລະ​ດັບ​ການ​ຄ້າ ແລະ ການ​ລົງ​ທຶນ ລວມ​ທັງ​ຕໍ່​ຕ້ານ​ການ​ກີດກັ້ນ​ການ​ຄ້າ​ທຸກ​ຮູບ​ແບບ ເພື່ອ​ພັດ​ທະ​ນາ​ຄວາມ​ຮຸ່ງ​ເຮືອງ​ຂອງ​ພາກ​ພື້ນ. ນອກ​ຈາກນີ້ ທ່ານ ມຸນ ແຈ​ອິນ ຍັງ​ສະ​ເໜີ​ແນວ​ທາງ​ໃນ​ການ​ຮັບ​ມື​ຕໍ່​ຄວາມ​ທ້າ​ທາຍ​ຕ່າງໆ​ຜ່ານ​ທາງ​ການ​ຮ່ວມ​ມື ແລະ ຄວາມ​ປອງດອງ​ຂອງ​ທັງ​ສອງ​ຝ່າຍ, ພ້ອມ​ສ້າງ​ປະ​ຊາ​ຄົມ​ການ​ຄ້າ​ທີ່​ເສ​ລີ ແລະ ເປັນ​ທຳ ເພື່ອ​ປ້ອງ​ກັນ​ການ​ລຸກ​ລາມ​ຂອງ​ນະ​ໂຍ​ບາຍ​ກີດກັ້ນ​ການ​ຄ້າ ທີ່​ຈະ​ນຳ​ໄປ​ສູ່​ສະ​ພາບ​ຫລຸດ​ລົງ​ດ້ານ​ການ​ຄ້າ ແລະ ການ​ລົງ​ທຶນ​ໃນ​ພາກ​ພື້ນ.

- 2574 - ອາ​ຊຽນ-ສ.ເກົາ​ຫລີ ເຫັນ​ພ້ອມ​ຕ້ານ​ກີດ​ກັ້ນ​ການ​ຄ້າ​ທຸກ​ຮູບ​ແບບ
error: Content is protected !!