UN ເຕືອນ​ໃຫ້​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ​ກ່ອນ​ຈະ​ຊ້າ​ເກີນ​ໄປ

- advert banner 728 90 728x90 - UN ເຕືອນ​ໃຫ້​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ​ກ່ອນ​ຈະ​ຊ້າ​ເກີນ​ໄປ

ສະ​ຫະ​ປະ​ຊາ​ຊາດ​ກ່າວ​ໃນ​ລາຍ​ງານ​ການ​ຕີ​ລາ​ຄາ​ແກັ​ສ​ທີ່​ກໍ່​ໃຫ້​ເກີດ​ສະ​ພາບ​ເຮືອນ​ແກ້ວ​ປະ​ຈຳ​ປີ​ວ່າ: ໂລກ​ຈະ​ບໍ່​ມີ​ໂອ​ກາດ​ຫລຸດ​ພົ້ນ​ໄພ​ພິ​ບັດ​ທີ່​ເກີດ​ຈາກ​ສະ​ພາບ​ອາ​ກາດ ຖ້າ​ຍັງ​ບໍ່​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ.

- new3 - UN ເຕືອນ​ໃຫ້​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ​ກ່ອນ​ຈະ​ຊ້າ​ເກີນ​ໄປ

ສະ​ຫະ​ປະ​ຊາ​ຊາດ​ກ່າວ​ໃນ​ລາຍ​ງານ​ວ່າດ້ວຍ​ແກັ​ສ​ເຮືອນ​ແກ້ວ​ວ່າ: ໂລກ​ຈະ​ຕ້ອງ​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ​ໃຫ້​ໄດ້ 736% ຕໍ່​ປີ ໄປ​ຈົນ​ຮອດ​ປີ 2030 ເພື່ອ​ຈຳ​ກັດ​ອຸນ​ຫະ​ພູມບໍ່​ໃຫ້​ເພີ່ມ​ຂຶ້ນ​ເກີນ 1,5 ອົງ​ສາ ຕາມ​ທີ່​ໄດ້​ຕົກ​ລົງ​ກັນ​ໄວ້​ໃນ​ຂໍ້​ຕົກ​ລົງ​ປາ​ຣີ​ສ​ເມື່ອ​ປີ 2015. ຄະ​ນະ​ກຳ​ມະ​ການ​ລະ​ຫວ່າງ​ລັດ​ຖະ​ບານ​ວ່າ​ດ້ວຍ​ການ​ປ່ຽນ​ແປງ​ສະ​ພາບ​ອາ​ກາດ ກ່າວ​ເຕືອນ​ໃນ​ປີ​ຜ່ານ​ມາ​ວ່າ: ໂລກ​ຈະ​ເກີດ​ການ​ປ່ຽນ​ແປງ​ຂະ​ໜາດ​ໃຫຍ່​ຖ້າບໍ່​ມີ​ການ​ປ່ຽນ​ແປງ​ປະ​ລິ​ມານ​ການ​ປ່ອຍ​ແກັ​ສ​ເຮືອນ​ແກ້ວ​ໃຫ້​ໄດ້​ຕາມ​ເປົ້າ​ໝາຍ​ເຊັ່ນ: ປະ​ກາ​ລັງ​ຈະ​ຕາຍ​ເກືອບ​ທັງ​ໝົດ ແລະ ນ້ຳ​ກ້ອນ​ໃນ​ທະ​ເລ​ຢູ່​ອາກ​ຕິກ, ຂົ້ວ​ໂລກ​ເໜືອ​ຈະ​ບໍ່​ເຫລືອ. ລາຍ​ງານ​ຂອງ​ໂຄງ​ການ​ສິ່ງ​ແວດ​ລ້ອມ​ຂອງ​ສະ​ຫະ​ປະ​ຊາ​ຊາດ​ສະ​ບັບ​ນີ້ ເປັນ​ໜຶ່ງ​ໃນ​ຜົນ​ການ​ສຶກ​ສາ​ຫລາຍ​ເລື່ອງ​ທີ່​ເຜີຍ​ແຜ່​ກ່ອນກອງ​ປະ​ຊຸມ​ສະ​ຫະ​ປະ​ຊາ​ຊາດ​ວ່າ​ດ້ວຍ​ການ​ປ່ຽນ​ແປງ​ສະ​ພາບ​ອາ​ກາດ​ທີ່​ຈະ​ຈັດ​ຂຶ້ນ​ຢູ່​ແອັ​ສ​ປາຍ​ໃນ​ອາ​ທິດ​ໜ້າ. ລາຍ​ງານ​ສະ​ບັບ​ນີ້​ຍັງ​ກ່າວ​ອີກວ່າ: ການ​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ​ທີ່​ປະ​ເທດ​ຕ່າງໆ​ປະ​ກາດ​ໄວ້​ນັ້ນ ຈະ​ເຮັດ​ໃຫ້​ອຸນ​ຫະ​ພູມ​ເພີ່ມ​ຂຶ້ນ 3,2 ອົງ​ສາ ໃນ​ສະ​ຕະ​ວັດ​ນີ້ ເຮັດ​ໃຫ້​ເກີດ​ຜົນ​ກະ​ທົບ​ເປັນ​ວົງ​ກວ້າງ ແລະ ມີ​ຄວາມ​ເສຍ​ຫາຍ​ຫລາຍ. ລາຍ​ງານ​ລະ​ບຸ​ອີກວ່າ: ລະ​ດັບ​ອຸນ​ຫະ​ພູມ​ທີ່​ປອດ​ໄພ​ທີ່​ສຸດ​ຄືບໍ່​ໃຫ້​ອຸນ​ຫະ​ພູມ​ເພີ່ມ​ຂຶ້ນ​ຫລາຍກວ່າ 1,5 ອົງ​ສາ ຕາມ​ທີ່​ຫລາຍ​ປະ​ເທດ​ເຫັນ​ພ້ອມ​ໃນ​ກອງ​ປະ​ຊຸມ​ທີ່​ນະ​ຄອນ​ຫລວງ​ປາ​ຣີ​ສ ແລະ ເປັນ​ລະ​ດັບ​ທີ່​ຍັງ​ສາ​ມາດ​ເຮັດ​ໄດ້ ແຕ່​ທົ່ວ​ໂລກ​ຈຳ​ເປັນ​ຕ້ອງ​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ​ໃຫ້​ໄດ້ 7,6% ຕໍ່​ປີ ລະ​ຫວ່າງ​ປີ 2020-2030.

- lattana 1 - UN ເຕືອນ​ໃຫ້​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ​ກ່ອນ​ຈະ​ຊ້າ​ເກີນ​ໄປ
- 141 2 - UN ເຕືອນ​ໃຫ້​ຫລຸດ​ການ​ປ່ອຍ​ແກັ​ສ​ເຮືອນ​ແກ້ວ​ກ່ອນ​ຈະ​ຊ້າ​ເກີນ​ໄປ
error: Content is protected !!