ທົ່ວປະເທດເກັບກ່ຽວເຂົ້ານາປີໄດ້ສໍາເລັດແລ້ວ 64%

- 2322 - ທົ່ວປະເທດເກັບກ່ຽວເຂົ້ານາປີໄດ້ສໍາເລັດແລ້ວ 64%
- AGL banner - ທົ່ວປະເທດເກັບກ່ຽວເຂົ້ານາປີໄດ້ສໍາເລັດແລ້ວ 64%

    ກະຊວງກະສິກໍາ ແລະ ປ່າໄມ້ ໃຫ້ຮູ້ວ່າ: ມາ​ຮອດ​ປັດຈຸບັນ​ ທົ່ວປະເທດສາມາດເກັບກ່ຽວມ້ຽນມັດເຂົ້ານາປີສໍາເລັດແລ້ວ 499.959 ເຮັກຕາ ເທົ່າກັບ 64% ຂອງເນື້ອທີ່ປັກດຳຕົວຈິງ 778.000 ເຮັກຕາ (ຜົນເສຍຫາຍຈາກໄພທຳມະຊາດ 108.309 ເຮັກຕາ). ສໍາລັບການປູກພືດອື່ນໆ ເນື້ອທີ່ແຜນການ 681.300 ເຮັກຕາ, ປັດຈຸບັນປູກສໍາເລັດແລ້ວປະມານ 479.138 ເຮັກຕາ ເທົ່າກັບ 70% ຂອງແຜນການ ແລະ ພວມສືບຕໍ່ປູກຕາມຮອບວຽນຂອງພືດ.

    ກະຊວງກະສິກໍາ ແລະ ປ່າໄມ້ ໃຫ້ຮູ້ອີກວ່າ: ມາຮອດປັດຈຸບັນ ເຫັນວ່າການລະບາດພະຍາດອະຫິວາໝູຍັງຄົງຢູ່ໃນຂອບເຂດ 170 ບ້ານ, 57 ເມືອງ, 18 ແຂວງ (ລວມທັງນະຄອນຫຼວງວຽງຈັນ) ມີຈໍານວນໝູທັງໝົດ 40.803 ໂຕ, ໃນນັ້ນ, ມີໝູຕາຍຫຼາຍກວ່າ 16 ພັນໂຕ, ຖືກຂ້າທໍາລາຍໄປແລ້ວຫຼາຍກວ່າ 4 ໂຕ (ໝູໃຫຍ່ 30%, ກາງ 15%, ນ້ອຍ 55%) ໝູຍັງມີຊີວິດທີ່ຍັງເປັນກຸ່ມສ່ຽງ ມີທັງໝົດ 20.378 ໂຕ. ປັດຈຸບັນ ໄດ້ດໍາເນີນມາດຕະການເຝົ້າລະວັງຢ່າງເຄັ່ງຄັດ ແລະ ເຂັ້ມງວດ. ສ່ວນການລະບາດຂອງຕັກແຕນຝຸງໄມ້ປ່ອງຢູ່ 5 ແຂວງ ພາກເໜືອ, 27 ເມືອງ, 338 ບ້ານ, ຍັງສືບຕໍ່ຢ່າງຕໍ່ເນື່ອງ. ມາຮອດປັດຈຸບັນໄດ້ມີການແຜ່ລະບາດທັງໝົດ 5.806 ເຮັກຕາ. ຕໍ່ກັບສະພາບການດັ່ງກ່າວ, ທາງທີມງານໄດ້ສີດພົ່ນຢາປາບດັບສູນໂຕອ່ອນຕັກແຕນໄດ້ທັງໝົດ 893 ເຮັກຕາ ແລະ 162 ບ້ານ.

-    AD conten website - ທົ່ວປະເທດເກັບກ່ຽວເຂົ້ານາປີໄດ້ສໍາເລັດແລ້ວ 64%
- lattana banner - ທົ່ວປະເທດເກັບກ່ຽວເຂົ້ານາປີໄດ້ສໍາເລັດແລ້ວ 64%
- lattana banner 1 - ທົ່ວປະເທດເກັບກ່ຽວເຂົ້ານາປີໄດ້ສໍາເລັດແລ້ວ 64%
error: Alert: ເນື້ອຫາຂ່າວມີລິຂະສິດ !!