ສປ ຈີນ-ມະຫາອຳນາດເສດຖະກິດໂລກ

- advert banner 728 90 728x90 - ສປ ຈີນ-ມະຫາອຳນາດເສດຖະກິດໂລກ

ໂດຍ: ມຶກບໍ່ແຫ້ງ

- new3 - ສປ ຈີນ-ມະຫາອຳນາດເສດຖະກິດໂລກ

ເຖິງວ່າ ສປ ຈີນ ຍັງມີປະຊາກອນທີ່ທຸກຍາກປະມານ 70.17 ລ້ານຄົນ ໃນປີ 201​4 (ຂໍ້ມູນຈາກທະນາຄານໂລກ(WB)), ແຕ່ນັກຊ່ຽວຊານຫຼາຍ ທ່ານກໍເປັນເອກະພາບກັນວ່າອີກບໍ່ດົນສປຈີນຈະກາຍເປັນຜູ້ນຳຂອງໂລກາດ້ານເສດຖະກິດຜູ້ໃໝ່, ເພາະສະນັ້ນຈຶ່ງເປັນທີ່ໜ້າສົນໃຈຢູ່ວ່າມີເຫດຜົນຫຍັງ ແດ່ທີ່ຈະຊ່ວຍໃຫ້ປະເທດດັ່ງກ່າວກາຍມາເປັນປະເທດມະຫາອຳນາດຢ່າງ ແທ້ຈິງ?

ຈາກບົດຄົ້ນຄວ້າທີ່ໜ້າສົນໃຈຂອງກອງທຶນການເງິນລະຫວ່າງປະເທດ (IMF) ໃຫ້ຮູ້ວ່າ: ສປ ຈີນ ໄດ້ຮັບຜົນປະໂຫຍດຈາກໂລກາພິວັດຢ່າງຫຼວງຫຼາຍ ເພາະຫຼາຍທົດສະຫວັດທີ່ຜ່ານສປຈີນໄດ້ເລັ່ງໃສ່ ການລົງທຶນໃນການສ້າງ ຄວາມອາດສາມາດຂອງຕົນໂດຍສະເພາະດ້ານເສດຖະກິດທີ່ເຊື່ອມໂຍງກັບບັນດາປະເທດໃນໂລກເຊິ່ງຫຼາຍຄົນຄົງຄຸ້ນເຄີຍກັບຄຳຖາມທີ່ວ່າເປັນຫຍັງ ສປ ຈີນ ຈຶ່ງກາຍເປັນຜູ້ມາລົງທຶນໃນສປປລາວແທ້? ນັ້ນບໍ່ແມ່ນເລື່ອງຜິດ ທຳມະດາຫຍັງດອກເພາະທົ່ວໂລກກໍໄດ້ຮັບອິດທິພົນທາງດ້ານເສດຖະກິດ ຂອງສປຈີນເຊັ່ນກັນ.

ນອກນັ້ນເວທີທີ່ປຶກສາເສດຖະກິດໂລກ(WEF)  ຍັງຊີ້ໃຫ້ເຫັນວ່າໃນ ປັດຈຸບັນປະເທດທີ່ມີເສດຖະກິດໃຫຍ່ອັນດັບໜຶ່ງຂອງໂລກຍັງແມ່ນສະຫະລັດອາເມລິກາເປັນຜູ້ຄອບຄອງແຕ່ໃນເບື້ອງກຳລັງຊື້ນັ້ນສປຈີນໄດ້ນຳທັນແລ້ວ.

ອີກປັດໄຈໜຶ່ງທີ່ຮັບຮູ້ຢ່າງກວ້າງຂວາງຂອງຍຸດທະສາດສປຈີນກໍຄືການເຊື່ອມໂຍງເຊັ່ນ: ໂຄງການສ້າງທາງລົດໄຟຄວາມໄວສູງຈາກ ສປ ຈີນ ຜ່ານສປປລາວສູ່ພາກພື້ນທີ່ການກໍ່ສ້າງສຳເລັດກວ່າ 70% ເມື່ອຫວ່າງ ບໍ່ດົນຜ່ານມານີ້ ກໍເປັນຕົວຢ່າງໜຶ່ງທີ່ຈະແຈ້ງ, ຍຸດທະສາດອັນນີ້ ປະກອບ ມີແລວທາງເສດຖະກິດສາຍໄໝແລະເສັ້ນທາງສາຍໄໝທາງທະເລສະຕະວັດທີ 21 ເຊິ່ງການພັດທະນາດັ່ງກ່າວກວມເອົາເຂດແດນທີ່ມີ 55% ຜະລິດຕະ ພັນລວມ (GDP) ຂອງໂລກ, 70% ຂອງປະຊາກອນໂລກແລະ 75%​ ຂອງແຫຼ່ງເກັບກັກພະລັງງານ (ທີ່ຮັບຮູ້ແລ້ວ). ການລົງທຶນນີ້ ຈະປະກອບ ມີປະມານ 300 ກວ່າໂຄງການ ແຕ່ສິງກະໂປຮອດເຕີກມີນິດສະຖານ (Turkmenistan).

- lattana 1 - ສປ ຈີນ-ມະຫາອຳນາດເສດຖະກິດໂລກ

ພ້ອມນັ້ນ, ຢູ່ທະວີບອາຟຣິກກາກໍເຊັ່ນກັນທີ່ສປຈີນເປັນຜູ້ໃຫ້ເງິນກູ້ຢືມ ຫຼາຍຕື້ໂດລາແກ່ການກໍ່ສ້າງໂຄງລ່າງພື້ນຖານຂະໜາດໃຫຍ່ ແກ່ຫຼາຍປະ ເທດໂດຍສະເພາະການສ້າງທາງລົດໄຟຢູ່ປະເທດເຄັນຢາ, ການສ້າງທ່າເຮືອ ຢູ່ປະເທດກາເມີຣູນແລະອື່ນໆ. ແລະໃນຂະນະດຽວກັນຢູ່ ເຂດເອີຣົບກາງ ແລະ ເອີຣົບຕາເວັນອອກນັ້ນສປຈີນກໍກຳລັງລົງທຶນ 11 ຕື້ໂດລາເພື່ອກໍ່ສ້າງ ພື້ນຖານໂຄງລ່າງຂະໜາດໃຫຍ່ ແລະຫົວໜ່ວຍການຜະລິດທີ່ທັນສະໄໝ.

ມາເບິ່ງດ້ານການເງິນ, ພວກເຮົາກໍຮັບຮູ້ກັນດີວ່າທະນາຄານພັດທະນາ ໃໝ່ (New Development Bank), ກອງທຶນເສັ້ນທາງສາຍໄໝ(Silk Road Fund) ແລະທະນາຄານການລົງທຶນໂຄງລ່າງພື້ນຖານອາຊີ(Asia Infrastructure Investment Bank) ແມ່ນຫຼັກຖານທີ່ເດັ່ນຊັດ ໃນການກຽມຄວາມພ້ອມເພື່ອສະໜອງຄວາມຕ້ອງການທາງດ້ານການເງິນກ້ອນໃຫຍ່ຂອງສປຈີນໃນການກໍ່ສ້າງໂຄງລ່າງພື້ນຖານເພື່ອເສີມສ້າງບົດ ບາດຂອງສປຈີນ.

ດັ່ງຂໍ້ສັງເກດຈາກເວທີທີ່ປຶກສາເສດຖະກິດໂລກທີ່ວ່າ: ບໍ່ວ່າສິ່ງໃດ ຈະເກີດຂຶ້ນຖ້າສະຫະລັດອາເມລິກາຖອຍຫຼັງຈາກຜູ້ນຳຂອງໂລກາພິວັດເມື່ອໃດ, ສປຈີນກໍຈະຢືນລໍຖ້າດ້ວຍຄວາມພ້ອມທີ່ເຂັ້ມແຂງແທນທີ່ຢ່າງທັນໃດ!

error: Content is protected !!