ອຸ​ຕຸເຕືອນຮັບ​ມື​ສະພາບອາກາດໜາວເຢັນ​ໃນ​ໄລຍະ​ຕົ້​ນ​ເດືອ​ນທັນວາ​ນີ້

   ກົມ​ອຸຕຸນິຍົມ ​ແລະ ອຸ​ທົກ​ກະ​ສາດ ​ໄດ້ແຈ້ງເຕືອນເຖິງອໍານາດການປົກຄອງ ແລະ ປະຊາຊົນບັນດາເຜົ່າ​ໃຫ້ມີສະຕິລະມັດລະວັງຕໍ່ສະພາບອາກາດໜາວເຢັນ ແລະ ລົມພັດແຮງ, ​ໂດຍໃຫ້ຮັກສາສຸຂະພາບດ້ວຍ​ການນຸ່ງຫົ່ມໃຫ້ຮ່າງກາຍອົບອຸ່ນຢູ່ສະເໝີ, ​ເນື່ອງ​ຈາກມວນອາກາດໜາວເຢັນຈາກປະເທດຈີນໄດ້ມີກໍາລັງແຮງເພີ່ມຂຶ້ນ ​ແລະ ແຜ່ລົງມາປົກຄຸມຢູ່ທົ່ວທຸກພາກຂອງປະເທດ​ເຮົາດ້ວຍກໍາລັງແຮງ, ສົມທົບກັບລົມຕາເວັນອອກສ່ຽງເໜືອພັດປົກຄຸມເປັນສ່ວນໃຫຍ່ໃນໄລຍະວັນທີ 4-10 ທັນວານີ້, ຊຶ່ງຈະເຮັດໃຫ້ອຸນຫະພູມອາ

ກາດຫລຸດລົງ 5-7 ອົງສາ, ຊຶ່ງອາກາດຈະໜາວເຢັນຫາໜາວເຢັນຫລາຍ, ພ້ອມມີໝອກໜາປົກຫຸ້ມໃນຕອນເຊົ້າຢູ່ບັນດາແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ. ສ່ວນພາກກາງຫາພາກໃຕ້ອາກາດເຢັນ, ພ້ອມມີໝອກບາງປົກຫຸ້ມໃນຕອນເຊົ້້າ ແລະ ມີລົມພັດແຮງເປັນບາງໂອກາດ, ອຸນຫະພູມອາກາດຈະຫລຸດລົງ 3-5 ອົງສາ.