ຟີ​ລິບ​ປິນ​ ປິດ​ສະ​ໜາມ​ບິນ​ຮັບ​ມື​ໄຕ້​ຝຸ່ນ “ຄຳ​ມູ​ຣິ”

- advert banner 728 90 728x90 - ຟີ​ລິບ​ປິນ​ ປິດ​ສະ​ໜາມ​ບິນ​ຮັບ​ມື​ໄຕ້​ຝຸ່ນ “ຄຳ​ມູ​ຣິ”

      ຟີ​ລິບ​ປິນ​ສັ່ງ​ປິດ​ສະ​ໜາມ​ບິນ​ຫລັກ, ຍົກ​ເລີກ​ຖ້ຽວ​ບິນ​ເກືອບ 500 ຖ້ຽວ​ບິນ ຮັບ​ມື​ໄຕ້​ຝຸ່ນ “ຄຳ​ມູ​ຣິ” ເຊິ່ງ​ເຮັດ​ໃຫ້​ເກີດ​ລົມ​ແຮງ​ຫລາຍ​ພື້ນ​ທີ່.

- new3 - ຟີ​ລິບ​ປິນ​ ປິດ​ສະ​ໜາມ​ບິນ​ຮັບ​ມື​ໄຕ້​ຝຸ່ນ “ຄຳ​ມູ​ຣິ”

     ທ່ານ ເອັດ ມອນ​ຣຽວ ຜູ້​ຈັດ​ການ​ທົ່ວ​ໄປ​ຂອງ​ສະ​ໜາມ​ບິນ​ຟີ​ລິບ​ປິນ ເປີດ​ເຜີຍ​ກັບ AFP ວັນ​ທີ 3 ທັນ​ວາ​ວ່າ: ເນື່ອງ​ຈາກ​ປັດ​ຈຸ​ບັນ​ມີ​ລົມ​ພັດ​ແຮງ, ສະ​ໜາມ​ບິນ​ນາໆ​ຊາດ​ນິ​ນອຍ ອາ​ຄິ​ໂນ ໃນ​ນະ​ຄອນ​ຫລວງ​ມະ​ນິ​ລາ​ຈຶ່ງ​ຕ້ອງ​ປິດ​ດຳ​ເນີນ​ການ​ຊົ່ວ​ຄາວ.

    ການ​ປິດ​ສະ​ໜາມ​ບິນ​ຫລັກ​ຂອງ​ຟີ​ລິບ​ປິນ​ເກີດ​ຂຶ້ນ​ໃນ​ໄລ​ຍະ​ທີ່​ປະ​ເທດ​ກຳ​ລັງ​ຜະ​ເຊີນ​ໄຕ້​ຝຸ່ນ “ຄຳ​ມູ​ຣິ” ພັດ​ຖະ​ຫລົ່ມ ສົ່ງ​ຜົນ​ໃຫ້​ເກີດ​ລົມ​ພັດ​ແຮງ ແລະ ຝົນ​ຕົກ​ໜັກ​ໃນ​ຫລາຍ​ພື້ນ​ທີ່ ແລະ ຕ້ອງ​ອົບ​ພະ​ຍົບ​ປະ​ຊາ​ຊົນ​ຫລາຍ​ແສນ​ຄົນ​ໄປ​ບ່ອນ​ປອດ​ໄພ ແລະ ຄາດ​ວ່າ​ພາ​ຍຸ​ຈະ​ພັດ​ຜ່ານ​ທາງ​ໃຕ້​ຂອງ​ນະ​ຄອນ​ຫລວງ​ມະ​ນິ​ລາ​ມໍ່ໆ​ນີ້.

     ສຳ​ນັກ​ອຸ​ຕຸ​ນິ​ຍົມ​ວິ​ທະ​ຍາ​ຟີ​ລິບ​ປິນ ລະ​ບຸ​ວ່າ: ເຖິງວ່າ​ພາ​ຍຸຄຳ​ມູ​ຣິ​ອ່ອນ​ກຳ​ລັງ​ລົງ​ແລ້ວ, ແຕ່​ຍັງ​ມີ​ຄວາມ​ຮຸນ​ແຮງ​ຢູ່ ດ້ວຍ​ຄວາມ​ໄວ​ລົມ​ສູງ​ເຖິງ 150 ກິ​ໂລ​ແມັດ​ຕໍ່​ຊົ່ວ​ໂມງ ຂະ​ນ​ະ​ເຄື່ອນ​ທີ່​ໄປ​ທາງ​ຕາ​ເວັນ​ຕົກ​ສຽງ​ເໜືອ.

- lattana 1 - ຟີ​ລິບ​ປິນ​ ປິດ​ສະ​ໜາມ​ບິນ​ຮັບ​ມື​ໄຕ້​ຝຸ່ນ “ຄຳ​ມູ​ຣິ”

     ລາຍ​ງານ​ລະ​ບຸ​ວ່າ: ຍັງ​ບໍ່​ແນ່ນອນ​ວ່າ​ສະ​ໜາມ​ບິນ​ຈະ​ເປີດ​ໃຫ້​ຖ້ຽວ​ບິນ​ຕ່າງໆ​ກັບ​ມາ​ໃຫ້​ບໍ​ລິ​ການ​ອີກ​ຕອນ​ໃດ, ແຕ່​ທາງ​ການ​ຟີ​ລິບ​ປິນ​ຄາດ​ວ່າ​ຈະ​ເລີ່ມ​ດຳ​ເນີນ​ການ​ປົກ​ກະ​ຕິ​ໃນ​ເວ​ລາ 23:00 ໂມງ ຂອງວັນ​ທີ 3 ທັນ​ວາ​ຕາມ​ເວ​ລາ​ທ້ອງ​ຖິ່ນ ຫລື ປະ​ມານ 20:00 ໂມງ ຕາມ​ເວ​ລາ​ຢູ່​ລາວ ແລະ ການ​ຕັດ​ສິນ​ໃຈ​ເລື່ອງນີ້​ຈະ​ຂຶ້ນ​ຢູ່​ກັບ​ສະ​ພາບ​ອາ​ກາດ. ປັດ​ຈຸ​ບັນ​ມີ​ຖ້ຽວ​ບິນ​ເກືອບ 500 ຖ້ຽວ​ບິນ​ຖືກ​ຍົກ​ເລີກ ແລະ ເຈົ້າ​ໜ້າ​ທີ່​ໄດ້​ປະ​ກາດ​ເຕືອນບໍ່​ໃຫ້​ຜູ້​ໂດຍ​ສານ​ເດີນ​ທາງ​ມາ​ສະ​ໜາມ​ບິນ​ແລ້ວ.

error: Content is protected !!