ອາ​ເມ​ລິ​ກາ​ກຽມ​ເກັບ​ພາ​ສີ​ສິນ​ຄ້າ​ຝ​ຣັ່ງ​ເພີ່ມ​ເປັນ 100%

- advert banner 728 90 728x90 - ອາ​ເມ​ລິ​ກາ​ກຽມ​ເກັບ​ພາ​ສີ​ສິນ​ຄ້າ​ຝ​ຣັ່ງ​ເພີ່ມ​ເປັນ 100%

      ຄະ​ນະ​ເຮັດ​ວຽກ​ຂອງ​ປະ​ທາ​ນາ​ທິ​ບໍ​ດີ ໂດ​ນັ​ລ ທ​ຣຳ ກຳ​ລັງ​ພິ​ຈາ​ລະ​ນາ​ເກັບ​ພາ​ສີ​ສິນ​ຄ້າ​ນຳ​ເຂົ້າ​ຈາກ​ຝ​ຣັ່ງ​ເພີ່ມ​ຂຶ້ນ​ເປັນ 100% ໃນ​ວົງ​ເງິນ​ປະ​ມານ 2,4 ພັນ​ລ້ານ​ໂດ​ລາ ເພື່ອ​ຕອບ​ໂຕ້​ຝ​ຣັ່ງ​ທີ່​ວາງ​ແຜນ​ເກັບ​ພາ​ສີ​ດິ​ຈິ​ທັ​ລ​ຈາກ​ບໍ​ລິ​ສັດ​ເຕັກ​ໂນ​ໂລ​ຊີ​ລາຍ​ໃຫຍ່​ຂອງ​ອາ​ເມ​ລິ​ກາ​ເຊັ່ນ: ອາ​ເມ​ຊອນ, ກູ​ເກິ້​ລ, ແອັບ​ເປິ້ນ ແລະ ເຟ​ສ​ບຸກ.

- new3 - ອາ​ເມ​ລິ​ກາ​ກຽມ​ເກັບ​ພາ​ສີ​ສິນ​ຄ້າ​ຝ​ຣັ່ງ​ເພີ່ມ​ເປັນ 100%

      ທ່ານ ໂຣ​ເບີດ ໄລ​ໄຮ​ເຊີ ຜູ້​ແທນ​ການ​ຄ້າ​ອາ​ເມ​ລິ​ກາ (USTR) ເປີດ​ເຜີຍ​ວ່າ: ທ່ານ​ໄດ້​ສະ​ເໜີ​ໃຫ້​ລັດ​ຖະ​ບານ​ອາ​ເມ​ລິ​ກາ​ໃຊ້​ມາດ​ຕະ​ການ​ເກັບ​ພາ​ສີ​ນຳ​ເຂົ້າ​ສິນ​ຄ້າ​ຈາກ​ຝ​ຣັ່ງ​ເພີ່ມ​ຕື່ມ ໃນ​ວົງ​ເງິນ 2,4 ພັນ​ລ້ານ​ໂດ​ລາ ໂດຍ​ລະ​ບຸ​ວ່າ: ຜົນ​ການກວດ​ສອບ​ນະ​ໂຍ​ບາຍ​ພາ​ສີ​ການ​ບໍ​ລິ​ການ​ດ້ານ​ດິ​ຈິ​ທັ​ລ​ຂອງ​ຝ​ຣັ່ງ​ພົບ​ວ່າ: ເປັນ​ນະ​ໂຍ​ບາຍ​ທີ່ “ບໍ່​ສົມ​ເຫດ​ສົມ​ຜົນ” ແລະ “ເລືອກ​ປະ​ຕິ​ບັດ”.

     ທ່ານ ໄລ​ໄຮ​ເຊີ ເປີດ​ເຜີຍ​ໃນ​ວັນ​ທີ 2 ທັນ​ວາ​ວ່າ: ທ່ານ​ກຳ​ລັງ​ອອກ​ໜັງ​ສື​ແຈ້ງ​ເຕືອນ​ໃນ​ຮູບ​ແບບ​ຂອງ​ຂໍ້​ມູນ​ບັນ​ທຶກ​ລາ​ຊະ​ການ ເຊິ່ງ​ມີ​ຄຳ​ອະ​ທິ​ບາຍ​ໃນ​ບັນ​ຫາ​ດັ່ງ​ກ່າວ ແລະ ໜັງ​ສື​ແຈ້ງ​ເຕືອນ​ທີ່​ມີ​ຄຳ​ຮ້ອງ​ຮຽນ​ຈາກ​ສາ​ທາ​ລະ​ນະ​ກ່ຽວ​ກັບ​ການ​ໃຊ້​ມາດ​ຕະ​ການ​ເກັບ​ພາ​ສີ​ນຳ​ເຂົ້າ ເຊິ່ງ​ລວມ​ທັງ​ການ​ເກັບ​ພາ​ສີ​ນຳ​ເຂົ້າ​ສິນ​ຄ້າ​ຈາກ​ຝ​ຣັ່ງ​ໃນ​ອັດ​ຕາ​ສູງ​ເຖິງ 100%.

     ສຳ​ນັກ​ຂ່າວ​ກຽວ​ໂດ​ລາຍ​ງານ​ວ່າ: ອາ​ເມ​ລິ​ກາ​ໄດ້​ດຳ​ເນີນ​ການກວດ​ສອບ​ຕາມ​ມາດ​ຕາ Section 301 ຫລັງ​ຈາກ​ລັດ​ຖະ​ບານ​ຝ​ຣັ່ງ​ປະ​ກາດ​ແຜນ​ການ​ເກັບ​ພາ​ສີ​ການ​ບໍ​ລິ​ການ​ດ້ານ​ດິ​ຈິ​ທັ​ລ​ໃນ​ວັນ​ທີ 10 ກໍ​ລະ​ກົດ​ຜ່ານ​ມາ ໂດຍ​ອາ​ເມ​ລິ​ກາ​ກ່າວ​ຫາ​ວ່າ: ລັດ​ຖະ​ບານ​ຝ​ຣັ່ງ​ມຸ່ງ​ເປົ້າ​ເກັບ​ພາ​ສີ​ບໍ​ລິ​ສັດ​ເຕັກ​ໂນ​ໂລ​ຊີ​ຂອງ​ອາ​ເມ​ລິ​ກາ​ແບບບໍ່​ເປັນ​ທຳ.

- lattana 1 - ອາ​ເມ​ລິ​ກາ​ກຽມ​ເກັບ​ພາ​ສີ​ສິນ​ຄ້າ​ຝ​ຣັ່ງ​ເພີ່ມ​ເປັນ 100%

     ເຖິງວ່າ​ຈະ​ຖືກ​ຄັດ​ຄ້ານ​ຈາກ​ອາ​ເມ​ລິ​ກາ ແຕ່​ລັດ​ຖະ​ສະ​ພາ​ຝ​ຣັ່ງ​ໄດ້​ຜ່ານ​ກົດ​ໝາຍ​ສະ​ບັບ​ໃໝ່​ໃນ​ວັນ​ທີ 11 ກໍ​ລະ​ກົດ ເພື່ອ​ເກັບ​ພາ​ສີ​ດິ​ຈິ​ທັ​ລ​ຕໍ່​ບໍ​ລິ​ສັດ​ເຕັກ​ໂນ​ໂລ​ຊີ​ລາຍ​ໃຫຍ່ ເຊິ່ງ​ລວມ​ທັງ​ບໍ​ລິ​ສັດ​ເຕັກ​ໂນ​ໂລ​ຊີ​ຂອງ​ອາ​ເມ​ລິ​ກາ​ເຊັ່ນ: ກູ​ເກິ້​ລ, ອາ​ເມ​ຊອນ, ເຟ​ສ​ບຸກ ແລະ ແອັບ​ເປິ້ນ.

      ສ່ວນ​ທ່ານ ບ​ຣູ​ໂນ ເລີ ແມ ລັດ​ຖະ​ມົນ​ຕີ​ການ​ເງິນ​ຝ​ຣັ່ງ ກ່າວ​ວ່າ: ພາ​ສີ​ດິ​ຈິ​ທັ​ລ​ຖື​ເປັນ​ສິ່ງ​ຈຳ​ເປັນ​ທີ່​ຈະ​ບັງ​ຄັບ​ໃຫ້​ບໍ​ລິ​ສັດ​ອິນ​ເຕີ​ເນັດ​ລາຍ​ໃຫຍ່​ຕ້ອງ​ຈ່າຍ​ພາ​ສີ​ຢ່າງ​ເປັນ​ທຳ.

     ໃນ​ວັນ​ທີ 11 ກໍ​ລະ​ກົດ​ຜ່ານ​ມາ, ລັດ​ຖະ​ສະ​ພາ​ຝ​ຣັ່ງ​ອະ​ນຸ​ມັດ​ໃຫ້​ມີ​ການ​ເກັບ​ພາ​ສີ​ລາຍ​ໄດ້​ຂອງ​ບໍ​ລິ​ສັດ​ກູ​ເກິ້​ລ, ອາ​ເມ​ຊອນ ແລະ ເຟ​ສ​ບຸກ ໂດຍ​ຝ​ຣັ່ງ​ຈະ​ເກັບ​ພາ​ສີ 3% ຕໍ່​ລາຍ​ໄດ້​ທີ່​ເກີດ​ຂຶ້ນ​ໃນ​ຝ​ຣັ່ງ​ຂອງ​ບໍ​ລິ​ສັດ​ເຕັກ​ໂນ​ໂລ​ຊີ​ປະ​ມານ 30 ແຫ່ງ ເຊິ່ງ​ສ່ວນ​ຫລາຍ​ເປັນ​ບໍ​ລິ​ສັດ​ອາ​ເມ​ລິ​ກາ.

error: Content is protected !!