ຍ້ອງຍໍຜູ້ມີຜົນງານປະກອບສ່ວນສະເຫລີມສະຫລອງເມືອງວຽງໄຊ-ຖານທີ່ໝັ້ນການປະຕິວັດລາວຄົບຮອບ 50

- 620 Recovered - ຍ້ອງຍໍຜູ້ມີຜົນງານປະກອບສ່ວນສະເຫລີມສະຫລອງເມືອງວຽງໄຊ-ຖານທີ່ໝັ້ນການປະຕິວັດລາວຄົບຮອບ 50
- Untitled design - ຍ້ອງຍໍຜູ້ມີຜົນງານປະກອບສ່ວນສະເຫລີມສະຫລອງເມືອງວຽງໄຊ-ຖານທີ່ໝັ້ນການປະຕິວັດລາວຄົບຮອບ 50

   ພິທີຍ້ອງຍໍບຸກຄົນ ແລະ ບັນດາບໍລິສັດທີ່ມີຜົນງານດີເດັ່ນ ແລະ ຄຸນງາມຄວາມດີໃນການປະກອບສ່ວນອຸປະຖຳເງິນ ແລະ ວັດຖຸຕ່າງໆເຂົ້າໃນງານສະເຫລີມສະຫລອງເມືອງວຽງໄຊ-ຖານທີ່ໝັ້ນຂອງການປະຕິວັດລາວຄົບຮອບ 50 ປີໃນປີ 2018 ຜ່ານມາ, ໄດ້ຈັດຂຶ້ນທີ່ນະຄອນຫລວງວຽງຈັນ ເມື່ອບໍ່ດົນມານີ້, ​ໂດຍ​ການໃຫ້ກຽດມອບ​ໂດຍທ່ານ ພັນຄຳ ວິພາວັນ ຮອງປະທານປະເທດ, ທັງເປັນຫົວໜ້າຄະນະຮັບຜິດຊອບການກະກຽມສະເຫລີມສະຫລອງວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງການປະຕິວັດລາວຄົບຮອບ 50 ປີ, ​ໂດຍມອບຫລຽນກາພັດທະນາໃຫ້ບໍລິສັດ ຈະເລີນເຊກອງ ທີ່ໄດ້ປະກອບສ່ວນ​ເງິນ 600 ລ້ານກີບ, ມອບຫລຽນກາແຮງງານໃຫ້ບໍລິສັດ ພອນຈະເລີນກໍ່ສ້າງ ແລະ ສົ່ງເສີມກະສິກຳຄົບວົງຈອນ ຂາອອກ-ຂາເຂົ້າ ຈຳກັດຜູ້ດຽວ ປະກອບສ່ວນ​ເງິ​ນ 300 ລ້ານກີບ, ບໍລິສັດ ພົງຊັບທະວີ ປະກອບສ່ວນ 200 ລ້ານກີບ, ທະນາຄານຮ່ວມພັດທະນາ ປະກອບສ່ວນ 160 ລ້ານກີບ, ບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ ປະກອບສ່ວນ 150 ລ້ານກີບ, ບໍລິສັດ ໂສພາມາ ອິນຟໍເມຊັນ ເຕັກໂນໂລຊີ (ລາວ) ຈຳກັດ ປະກອບສ່ວນ 115 ລ້ານກີບ ແລະ ບໍລິສັດ ໜໍ່ຄຳກໍ່ສ້າງ-ຂົວທາງ ຈຳກັດ ປະກອບສ່ວນ 101,5 ລ້ານກີບ.

ພ້ອມນັ້ນ, ໄດ້ມອບໃບຍ້ອງຍໍລັດຖະບານໃຫ້ ປ້າ ຄຳມິງ ວໍລະຈິດ (ພ້ອມດ້ວຍຄອບຄົວ ແລະ ລູກຫລານ ທີ່ໄດ້ປະກອນສ່ວນ​ເງິ​ນ 100 ລ້ານກີບ), ທ່ານ ເວີນຄໍາ ສຸລິນມາພອນ ປະກອບສ່ວນ 50 ລ້ານກີບ, ບໍລິສັດ ເບຍລາວ ປະກອບສ່ວນ 100 ລ້ານກີບ, ບໍລິສັດ ບຸນທະວີຊັບ ປະກອບສ່ວນ 100 ລ້ານກີບ, ທະນາຄານ ເອັສທີ ປະກອບສ່ວນ 100 ລ້ານກີບ, ບໍລິສັດ ແສງທອງ ປະກອບສ່ວນ 100 ລ້ານກີບ, ບໍລິສັດ ລາວໂທລະຄົມມະນາຄົມ ປະກອບສ່ວນ 60 ລ້ານກີບ, ບໍລິສັດ ອິນເຊຍໂນ ປະກອບສ່ວນ 50 ລ້ານກີບ, ແຂວງສະຫວັນນະເຂດ ປະກອບສ່ວນ 50 ລ້ານກີບ, ບໍລິສັດ ພອນສັກ ປະກອບສ່ວນ 50 ລ້ານກີບ ແລະ ຂະບວນຄາຣາວານລົດທ່ອງທ່ຽວ ເພື່ອສະເຫລີມສະຫລອງວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ ປະກອບສ່ວນ 50 ລ້ານກີບ.

- Wave100S AD to Website 2020 0 - ຍ້ອງຍໍຜູ້ມີຜົນງານປະກອບສ່ວນສະເຫລີມສະຫລອງເມືອງວຽງໄຊ-ຖານທີ່ໝັ້ນການປະຕິວັດລາວຄົບຮອບ 50

   ​ໃນໂອກາດນີ້, ທ່ານ ພັນຄຳ ວິພາວັນ ​ໄດ້​ມີ​ຄໍາ​ເຫັນວ່າ: ຜົນສໍາເລັດໃນການສະເຫລີມສະຫລອງເມືອງວຽງໄຊ-ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ ໃນເດືອນ ພະຈິກ 2018 ນັ້ນ ກໍຍ້ອນໄດ້ຮັບການປະກອບສ່ວນຂອງທຸກພາກສ່ວນ ແລະ ທຸກກຳລັງແຮງ,​ ໃນນັ້ນ ພິເສດແມ່ນການປະກອບສ່ວນທາງວັດຖຸ, ປັດໄຈ ຂອງພາກສ່ວນຕ່າງໆຂອງພາກລັດ ແລະ ພາກທຸລະກິດ ຕະຫລອດຮອດບຸກຄົນ ໃນຂອບເຂດທົ່ວປະເທດ ເປັນຈຳນວນເງິນທັງໝົດ 2,4 ຕື້ກວ່າກີບ. ການຍ້ອງຍໍນີ້, ກໍເພື່ອເປັນການສະແດງຄວາມຂອບໃຈມາຍັງບັນດາພາກສ່ວນຕ່າງໆ ທີ່ໄດ້ປະກອບສ່ວນອັນສຳຄັນ ທີ່ເຮັດໃຫ້ງານສະເຫລີມສະຫລອງດັ່ງກ່າວບັນລຸຈຸດປະສົງລະດັບຄາດໝາຍທີ່ວາງໄວ້ຢ່າງຈົບງານ ແລະ ຫວັງວ່າໃນຕໍ່ໜ້າຈະໄດ້ຮັບການສະໜັບສະໜູນຈາກພາກສ່ວນຕ່າງໆຕື່ມອີກ ເພື່ອພ້ອມກັນປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດຂອງພວກເຮົາ ໃຫ້ຈະເລີນຮຸ່ງເຮືອງຂຶ້ນໄປເລື້ອຍໆ.

- WhatsApp Image 2020 05 27 at 5 - ຍ້ອງຍໍຜູ້ມີຜົນງານປະກອບສ່ວນສະເຫລີມສະຫລອງເມືອງວຽງໄຊ-ຖານທີ່ໝັ້ນການປະຕິວັດລາວຄົບຮອບ 50
- WhatsApp Image 2020 05 27 at 5 - ຍ້ອງຍໍຜູ້ມີຜົນງານປະກອບສ່ວນສະເຫລີມສະຫລອງເມືອງວຽງໄຊ-ຖານທີ່ໝັ້ນການປະຕິວັດລາວຄົບຮອບ 50
error: Alert: ເນື້ອຫາຂ່າວມີລິຂະສິດ !!