ສານ​ປະຊາຊົນນະຄອນຫລວງ​ວຽງ​ຈັນຕັດ​ສິນ​ປະຫານ​ຊີວິດ​ຜູ້​ຄ້າ​ຢາ​ເສບ​ຕິດ

- 333 - ສານ​ປະຊາຊົນນະຄອນຫລວງ​ວຽງ​ຈັນຕັດ​ສິນ​ປະຫານ​ຊີວິດ​ຜູ້​ຄ້າ​ຢາ​ເສບ​ຕິດ
- AGL banner - ສານ​ປະຊາຊົນນະຄອນຫລວງ​ວຽງ​ຈັນຕັດ​ສິນ​ປະຫານ​ຊີວິດ​ຜູ້​ຄ້າ​ຢາ​ເສບ​ຕິດ

  ​​​ເມື່ອ​ບໍ່​ດົນ​ມາ​ນີ້, ສານ​ປະຊາຊົນ​ນະຄອນຫລວງ​ວຽງ​ຈັນ, ​ໄ​ດ້ຕັດສິນ​ລົງ​ໂທດ​ປະຫານ​ຊີວິດ ນາງ ລຸນ ອາຍຸ 55 ປີ​ຢູ່​ບ້ານ​ດອນ​ວັງ​​​ໂພ, ​ເມືອງ​ປາກງື່ມນະຄອນຫລວງ​ວຽງ​ຈັນ ​ແລະ ຕັດ​ສີນ​ລົງ​ໂທດ​ ທ້າວ ສິງ​ຄໍາ ອາຍຸ 65 ປີ​ຢູ່​ບ້ານ​ທາດຫລວງ​ເໜືອ, ​ເມືອງ​ໄຊ​ເສດ​ຖານະ​ຄອນ​ຫລວງ​ວຽງ​ຈັນ, ພ້ອມ​ປັບ​ໄໝ 800 ລ້ານ​ກີບ. ​ໃນ​ສະຖານ​ຄ້າຂາຍ​ຢາ​ເສບ​ຕິດ.

  ​ເຈົ້າ​ໜ້າ​ທີ່ ​ໃຫ້ຮູ້​ວ່າ: ນາງ ລຸນ ​ຖືກ​ເຈົ້າໜ້າ​ທີ່​ຈັບ​ຕົວ​ໄດ້ຢູ່​ເຮືອນ​ຂອງ​ຜູ້ກ່ຽວ​ເອງ​ໃນ​ທ້າຍ​ປີ 2017 ​ພ້ອມ​ຂອງ​ກາງ​ຢາ​ບ້າ 3 ​ມັດ,  ​ເງິນ 311 ພັນ​ບາດ (ສະກຸນ​ເງິນ​​ໄທ), 4,6 ລ້ານ​ກີບ, 40 ​ໂດ​ລາ ​ແລະ ລູກປືນ​ອີກຈໍານວນ​ໜຶ່ງ, ​ໃນ​ຂະນະ​ນັ້ນ​ທ້າວ ສິງ​ຄໍາ ຂີ່​ລົດ​ກະບະເຂົ້າມາ​ເຮືອນ​ນາງ ລຸນ ​ເຈົ້າ​ໜ້າ​ທີ່​ຈຶ່ງ​ໄດ້ກວດ​ຄົ້ນ​ໃນ​ລົດ​ພົບ​ຢາ​ບ້າ 15 ມັດ, ​ເງິນ 17.500 ບາດ (ສະກຸນ​ເງິນ​ໄທ), 600 ກວ່າ​ໂດ​ລາ​ສະຫະລັດ, 2 ລ້ານ​ກີບ, ຄໍາ​ຮູບ​ປະພັນ 1 ​ເສັ້ນ, ປື້​ມບັນຊີ​ທະນາຄານ 6 ຫົວ ​ແລະ ລູກປືນ​ແວງ​ຈໍານວນ​ໜຶ່ງ. ຈຶ່ງ​ຖືກ​ດໍາ​ເນີນ​ຄະດີ ​ແລະ ສານ​ຕັດ​ສີນ​ລົງ​ໂທ​ດດັ່ງກ່າວ.

  ສປປ ລາວ, ​ເປັນ​ປະ​ເທດ​ທີ່​ເອົາ​ໃຈ​ໃສ່​ການ​ປາບ​ປາມ ​ແລະ ສະ​ກັດ​ກັ້ນ​ຢາ​ເສບ​ຕິດ, ​​ໃນ​ກົດໝາຍ​ອາຍາ​ໄດ້​ກໍານົດ​ວ່າ: ບຸກຄົນຜູ້​ໃດ​ຫາກ​ຜະລິດ, ປຸ​ງ​ແຕ່ງ ຫລື ມີ​ໄວ້​ຄອບ​ຄອງ, ຄ້າຂາຍ, ຈໍາໜ່າຍ, ນໍາ​ເຂົ້າ, ຂົນ​ສົ່ງ, ສົ່ງ​ອອກ​ຢາ​ອີ, ຢາ​ບ້າ, ຢາ​ໄອ ຫລື ວັດຖຸ​ອອກ​ລິດ​ຕໍ່​ປະສາດ​ຜ່ານ ສປປ ລາວ ​ເກີນ​ກວ່າ 100 ກຣາມ ຫາ 3 ກິ​ໂລ​ ແມ່ນຈະ​ຖືກ​ລົງ​ໂທດ​ຕັດ​ອິດສະຫລະພາບ​ຕະຫລອດ​ຊີວິດ ​ແລະ ປັບ​ໄໝ 500-1.000 ລ້ານ​ກີບ, ​ແຕ່​ຫາກ​ມີ​ນໍ້າໜັກ​ເກີນ 3 ກິ​​ໂລ​ຂຶ້ນ​ໄປ​ແມ່ນ​ຈະ​ຖື​ກລົງ​ໂທດ​ປະຫານ​ຊີວິດ. 

- lattana banner 1 - ສານ​ປະຊາຊົນນະຄອນຫລວງ​ວຽງ​ຈັນຕັດ​ສິນ​ປະຫານ​ຊີວິດ​ຜູ້​ຄ້າ​ຢາ​ເສບ​ຕິດ
- lattana banner - ສານ​ປະຊາຊົນນະຄອນຫລວງ​ວຽງ​ຈັນຕັດ​ສິນ​ປະຫານ​ຊີວິດ​ຜູ້​ຄ້າ​ຢາ​ເສບ​ຕິດ
-    AD conten website - ສານ​ປະຊາຊົນນະຄອນຫລວງ​ວຽງ​ຈັນຕັດ​ສິນ​ປະຫານ​ຊີວິດ​ຜູ້​ຄ້າ​ຢາ​ເສບ​ຕິດ
error: Alert: ເນື້ອຫາຂ່າວມີລິຂະສິດ !!