ສ້າງສຳເລັດແລ້ວ! ຂົວເຊື່ອມຕໍ່ ຈີນ-ລັດເຊຍ

- jjj - ສ້າງສຳເລັດແລ້ວ! ຂົວເຊື່ອມຕໍ່ ຈີນ-ລັດເຊຍ
- Untitled design - ສ້າງສຳເລັດແລ້ວ! ຂົວເຊື່ອມຕໍ່ ຈີນ-ລັດເຊຍ

ລູກເມືອງພວນ

         ລັດເຊຍ ແລະຈີນສ້າງສຳເລັດຂົວແຫ່ງທຳອິດລະຫ່ວາງຈີນ ແລະ ລັດເຊຍ. ຈາກການເປີດເຜີຍຂອງທາງການລັດເຊຍໃຫ້ຮູ້ວ່າ: ເປັນສັນຍານເຕືອນຄວາມສຳພັນແຫ່ງຄວາມອົບອຸ່ນລະຫ່ວາງສອງປະເທດ.

         ສຳນັກຂ່າວ ຣອຍເຕີ ລາຍງານຈາກ ກຸງມົສກູປະເທດລັດເຊຍເມື່ອວັນທີ 29 ພະຈິກວ່າ:  ຂົວຂ້າມແມ່ນໍ້າ ອາມູ  ເຊື່ອມຕໍ່ລະຫ່ວາງເມືອງ ບລາໂກເວຊເຊັນ ທາງພາກຕາເວັນອອກໄກຂອງລັດເຊຍກັບເມືອງ  ໄຫເຫຼີ ມົນທົນເຊຍຫຼົງຈຽງ ທາງພາກຕາເວັນອອກສ່ຽງເໜືອຂອງຈີນ ເພື່ອຈຸດປະສົງເພີ່ມການຂົນສົ່ງປະລິມານສິນຄ້າ ແລະ ຜະລິດຕະພັນທາງກະເສດລະຫ່ວາງສອງປະເທດ.

         ຖະແຫຼງການຂອງກະຊວງການພັດທະນາຕາເວັນອອກໄກ ແລະ ອາກລັງຕິກ ລັດເຊຍກ່າວວ່າ: ຈະເປີດການນຳໃຊ້ຂົວຢ່າງເປັນທາງການ ໃນປີ 2020, ສ່ວນຜູ້ວ່າທາງການເຂດ ອາມູ ກ່າວວ່າ: ລັດເຊຍ ແລະ ຈີນຮ່ວມກັນສ້າງເສັ້ນທາງຂົນສົ່ງນານາຊາດແຫ່ງໃໝ່ ຂົວແຫ່ງນີ້ຈະເຮັດໃຫ້ທັງສອງປະເທດສາມາດເຂົ້າເຖິງຈຸດກະຈາຍສິນຄ້າຂອງກັນ ແລະ ກັນໄດ້ຢ່າງເຕັມທີ່.

- Wave100S AD to Website 2020 0 - ສ້າງສຳເລັດແລ້ວ! ຂົວເຊື່ອມຕໍ່ ຈີນ-ລັດເຊຍ

         ຂົວຂ້າມແມ່ນໍ້າ ອາມູ ມີຄວາມກ້ວາງ 1,080 ແມັດ ກໍ່ສ້າງໂດຍບໍລິສັດຮ່ວມທຶນລັດເຊຍ-ຈີນລວມທັງການກໍ່ສ້າງຖະໜົນໃໝ່ໄລຍະທາງ 20 ກິໂລແມັດ. ການກໍ່ສ້າງທັງຝັ່ງຂອງຈີນ ສຳເລັດໃນເດືອນຕຸລາຜ່ານມາ ແຕ່ໃນຝັ່ງຂອງລັດເຊຍໃຊ້ເວລາກໍ່ສ້າງດົນກ່ວາ ແລະຄ່າໃຊ້ຈ່າຍຫຼາຍກ່ວາປະມານ 13,600 ລ້ານຣຸບ, ສ່ວນຝັ່ງຂອງຈີນຄ່າກໍ່ສ້ງຢູ່ທີ່ 5,200ລ້ານຣຸບ.

        ລັດເຊຍພະຍາຍາມເສີມຈະຫຍາຍຄວາມສຳພັນກັບຈີນ ພາຍຫຼັງຖືກຊາດຕາເວັນອອກຂວໍ້າບາດຈາກການທີ່ລັດເຊຍໂຮມເອົາແຫຼມ ຄາສເມຍຂອງ ຢູເຄຣນ ເຂົ້າກັບລັດເຊຍໃນປີ 2014 ແລະໃນວັນຈັນ ທີ 2 ທັນວາ ປະທານາທິບໍດີ ວະລາດີເມຍປູຕີນ ຂອງລັດເຊຍ ແລະ ປະທານາທິບໍດີ ສີຈິນຜິງຂອງຈີນ ຈະກຳນົດຮ່ວມກັນເປັນປະທານໃນພິທີເປີດທໍ່ສົ່ງກາສທຳມະຊາດພະລັງງານແຫ່ງ ເອເຊຍ ໂຄງການຕາມຂໍ້ຕົກລົງຄວາມຮ່ວມມືມູນຄ່າ 400,000 ລ້ານໂດລາສະຫະລັດໃນໄລຍະເວລາ 30 ປີ.

- WhatsApp Image 2020 05 27 at 5 - ສ້າງສຳເລັດແລ້ວ! ຂົວເຊື່ອມຕໍ່ ຈີນ-ລັດເຊຍ
- WhatsApp Image 2020 05 27 at 5 - ສ້າງສຳເລັດແລ້ວ! ຂົວເຊື່ອມຕໍ່ ຈີນ-ລັດເຊຍ
error: Alert: ເນື້ອຫາຂ່າວມີລິຂະສິດ !!