ຮອງນາຍົກ ສອນ​ໄຊ ສີ​ພັນ​ດ​ອນ ເນັ້ນຫລາຍ​ບັນ​ຫາ​ໃຫ້ກະຊວງ​ແຜ​ນການ ​ແລະ ການ​ລົງທຶນ​ເອົາໃຈໃສ່

- advert banner 728 90 728x90 - ຮອງນາຍົກ ສອນ​ໄຊ ສີ​ພັນ​ດ​ອນ ເນັ້ນຫລາຍ​ບັນ​ຫາ​ໃຫ້ກະຊວງ​ແຜ​ນການ ​ແລະ ການ​ລົງທຶນ​ເອົາໃຈໃສ່

 ​ເມື່ອ​ບໍ່​ດົນ​ມາ​ນີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ (ຜທ) ໄດ້ໂອ້ລົມສະມາຊິກພັກ-ພະນັກງານກະຊວງດັ່ງກ່າວ, ໂດຍໄດ້ເນັ້ນຫລາຍ​ບັນຫາ​ໃຫ້​ພ້ອມ​ກັນ​ເອົາໃຈໃສ່ຄື: ສືບຕໍ່ດຳເນີນກອງປະຊຸມໃຫຍ່ຂອງບັນດາໜ່ວຍພັກ ແລະ ຄະນະພັກຮາກຖານສູນສະຖິຕິແຫ່ງຊາດ ທີ່ຍັງບໍ່ທັນໄດ້ເປີດ ແລະ ກອງປະຊຸມໃຫຍ່ຂອງສາມອົງການຈັດຕັ້ງມະຫາຊົນຂອງກະຊວງໃຫ້ສຳເລັດ ເພື່ອກະກຽມໃຫ້ແກ່ການດໍາເນີນກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງແຜນການ ແລະ ການລົງທຶນໃນປີ 2020 ທີ່ຈະມາເຖິງນີ້.

- new3 - ຮອງນາຍົກ ສອນ​ໄຊ ສີ​ພັນ​ດ​ອນ ເນັ້ນຫລາຍ​ບັນ​ຫາ​ໃຫ້ກະຊວງ​ແຜ​ນການ ​ແລະ ການ​ລົງທຶນ​ເອົາໃຈໃສ່

ສືບຕໍ່ປັບປຸງກົງຈັກການຈັດຕັ້ງ, ກົນໄກການບໍລິຫານລັດໃຫ້ຮັດກຸມ, ມີປະສິດທິພາບ ແລະ ປະສິດທິຜົນ, ໂດຍການສັບຊ້ອນພາລະບົດບາດຂອງບາງກົມກອງ ທີ່ເຫັນວ່າຍັງມີການສັບສົນ, ​ເພື່ອ​ແກ້​ໄຂການບໍລິຫານລັດດ້ວຍກົດໝາຍໃຫ້ເຂັ້ມແຂງ ແລະ ມີປະສິດທິຜົນ, ຄົ້ນຄວ້າ ກົນໄກການຄຸ້ມຄອງ ແລະ ການຈໍລະຈອນເອກະສານແບບປະຕູດຽວໃຫ້ມີປະສິດທິຜົນກວ່າເກົ່າ, ສືບຕໍ່ຕິດຕາມຮັບຟັງຄໍາຄິດຄຳເຫັນຈາກປະຊາຊົນ ແລະ ສັງຄົມ ຕໍ່ການປະຕິບັດວຽກງານຂອງຂະແໜງແຜນການ ແລະ ການລົງທຶນຜ່ານສາຍດ່ວນຂອງກະຊວງ 1503, ສືບຕໍ່ສະຫລຸບຕີລາຄາການປະຕິບັດແຜນພັດທະນາເສດຖະກິດ-ສັງຄົມປີ 2019 ແລະ ສ້າງແຜນການປະຈຳປີ 2020 ໃຫ້ສຳເລັດ, ສະຫລຸບຕີລາຄາການປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII (2016-2020) ແລະ ສ້າງແຜນ 5 ປີຄັ້ງທີ IX (2021-2025) ໃຫ້ສໍາເລັດໂດຍໄວ.

ພ້ອມທັງສືບຕໍ່ຄົ້ນຄວ້າການປັບໂຄງສ້າງເສດຖະກິດ ເພື່ອເຮັດໃຫ້ແຜນ 5 ປີຄັ້ງທີ IX ມີຄວາມສົມດຸນໃນການພັດທະນາ ແລະ ໄປຕາມທິດຍືນຍົງ, ສີຂຽວ ເພື່ອກະກຽມລາຍງານກອງປະຊຸມລັດຖະບານ, ສືບຕໍ່ຄົ້ນຄວ້າວິທີການແກ້ໄຂໜີ້ສິນໂຄງການລົງທຶນຂອງລັດທີ່ລັດຖະບານໄດ້ເຫັນດີທາງດ້ານຫລັກການແລ້ວ ເປັນຕົ້ນ: ການແກ້ໄຂດ້ວຍພັນທະບັດ, ການອວ່າຍໜີ້ສາມແຈ ແລະ ງົບປະມານປົກກະຕິ ເພື່ອເຮັດໃຫ້ມີສະພາບຄ່ອງໃນການລົງທຶນຂອງລັດ, ການສ້າງແຜນການລົງທຶນຂອງລັດຕ້ອງປະຕິບັດຕາມກົດໝາຍ ວ່າດ້ວຍການລົງທຶນຂອງລັດຢ່າງເຂັ້ມງວດ ແລະ ເດັດຂາດ ບໍ່ໃຫ້ສ້າງໜີ້ຂຶ້ນໃໝ່, ເອົາໃຈໃສ່ສົ່ງເສີມການລົງທຶນທີ່ມີຄຸນນະພາບຂອງພາກທຸລະກິດທັງພາຍໃນ ແລະ ຕ່າງປະເທດ ໂດຍການປັບປຸງກົນໄກການບໍລິການປະຕູດຽວໃຫ້ເຂັ້ມແຂງ ເພື່ອອໍານວຍຄວາມສະດວກໃຫ້ແກ່ການອະນຸມັດລົງທຶນໃຫ້ມີຄວາມວ່ອງໄວ, ໂປ່ງໃສ ສາມາດດຶງດູດການລົງທຶນຕ່າງປະເທດໃຫ້ຫລາຍຂຶ້ນ, ສົ່ງເສີມການລົງທຶນພາຍໃນໃຫ້ເຂັ້ມແຂງ, ຫລຸດຕົ້ນທຶນການດຳເນີນທຸລະກິດ ແລະ ທັງເປັນການແກ້ໄຂຫາງສຽງຂອງສັງຄົມກ່ຽວກັບການບໍລິການອະນຸມັດລົງທຶນທີ່ຊັກຊ້າ, ​ເອົາ​ໃຈ​ໃສ່ແກ້ໄຂຂອດຂັ້ນການອະນຸມັດການລົງທຶນໃຫ້ວ່ອງໄວ ແລະ ຮອບຄອບກວ່າເກົ່າ, ປັບປຸງການຄຸ້ມຄອງບໍລິຫານເຂດເສດຖະກິດພິເສດໃຫ້ມີປະສິດທິຜົນ, ຊຸກຍູ້ສົ່ງເສີມຫົວໜ່ວຍທຸລະກິດຂະໜາດນ້ອຍ-ກາງຂອງລາວ ໃຫ້ມີສ່ວນຮ່ວມໃນການພັດທະນາໃຫ້ຫລາຍຂຶ້ນ, ພ້ອມທັງຊຸກຍູ້ບັນດາໂຄງການລົງທຶນຂະໜາດໃຫຍ່ທີ່ໄດ້ເຊັນ MOU ແລ້ວໃຫ້ກ້າວເຂົ້າສູ່ໄລຍະລົງທຶນພັດທະນາໂຄງການ ເພື່ອຈັດເກັບລາຍຮັບເຂົ້າງົບປະມານຂອງລັດໃຫ້ຄົບຖ້ວນ.

ນອກ​ນີ້, ກໍ​ໃຫ້ຕັ້ງໜ້າຜັນຂະຫຍາຍຜົນກອງປະຊຸມໂຕະມົນປະຈໍາປີ 2019 ທີ່ຫາກໍສຳເລັດເມື່ອບໍ່ດົນມານີ້ ແລະ ຖະແຫຼງການວຽງຈັນ ວ່າດ້ວຍການເປັນຄູ່ຮ່ວມເພື່ອການຮ່ວມມືທີ່ມີປະສິດທິຜົນ, ພ້ອມທັງດຶງດູດ ແລະ ຍາດແຍ່ງທຶນຊ່ວຍເຫຼືອທາງການເພື່ອການພັດທະນາຢ່າງມີຈຸດສຸມ, ມີເປົ້າໝາຍຈະແຈ້ງ ແລະ ສອດຄ່ອງກັບເປົ້າໝາຍການພັດທະນາຂອງລັດຖະບານ, ໂດຍສະເພາະເປົ້າໝາຍການພັດທະນາແບບຍືນຍົງ (SDGs) ແລະ ຍຸດທະສາດການເຕີບໂຕສີຂຽວ. ສືບຕໍ່ຕິດຕາມ, ຊຸກຍູ້ການຈັດຕັ້ງປະຕິບັດບັນດາໂຄງການຊ່ວຍເຫຼືອ 4 ຕື້ຢວນ ໃຫ້ໄດ້ຮັບການຈັດຕັ້ງປະຕິບັດໂດຍໄວ ເພື່ອແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າຢ່າງມີປະສິດທິຜົນ ​ແລະ ສືບຕໍ່ປະສານສົມທົບກັບຝ່າຍຫວຽດນາມຜັນຂະຫຍາຍຍຸດທະສາດການຮ່ວມມືໄລຍະ 10 ປີ (2011-2020) ແລະ ການສ້າງແຜນຍຸດທະສາດການຮ່ວມມືລາວ-ຫວຽດນາມ ໄລຍະ 10 ປີ (2021-2030), ສັນຍາຮ່ວມມືໄລຍະ 5 ປີ (2021-2025) ແລະ ບົດບັນທຶກກອງປະຊຸມປະຈໍາປີໃຫ້ໄດ້ຮັບໝາກຜົນເປັນຢ່າງດີ, ພ້ອມທັງສືບຕໍ່ຊຸກຍູ້ໂຄງການທີ່ສອງລັດຖະບານໄດ້ຕົກລົງກັນແລ້ວໃຫ້ເປັນຮູບປະທຳເປັນຕົ້ນ: ທ່າເຮືອຫວຸງອ່າງ, ທາງດ່ວນວຽງຈັນ-ຮ່າໂນ້ຍ, ທາງລົດໄຟວຽງຈັນ-ທ່າແຂກ-ມູຢາ-ເຕິນເອິບ-ຫວຸງອາງ, ການຊື້-ຂາຍກະແສໄຟຟ້າ ແລະ ຊຸກຍູ້ໃຫ້ມີການເຈລະຈາກູ້ຢືມເງິນໃຫ້ແກ່ໂຄງການກໍ່ສ້າງເສັ້ນທາງພູທິດເຜິ້ງ-ນາຊອນ ແລະ ອື່ນໆ ໃຫ້ໄດ້ຮັບການຈັດຕັ້ງປະຕິບັດຕາມແຜນ.

- lattana 1 - ຮອງນາຍົກ ສອນ​ໄຊ ສີ​ພັນ​ດ​ອນ ເນັ້ນຫລາຍ​ບັນ​ຫາ​ໃຫ້ກະຊວງ​ແຜ​ນການ ​ແລະ ການ​ລົງທຶນ​ເອົາໃຈໃສ່

ສືບ​ຕໍ່ສ້າງຖານຂໍ້ມູນ ແລະ ເກັບກໍາສະຖິຕິ ເພື່ອເປັນຂໍ້ມູນພື້ນຖານໃຫ້ແກ່ການຕິດຕາມການພັດທະນາເສດຖະກິດ-ສັງຄົມ ແລະ ການຕິດຕາມຄວາມຄືບໜ້າໃນແຕ່ລະດ້ານຢ່າງເປັນລະບົບ, ມີຂໍ້ມູນຢ່າງຊັດເຈນ ແລະ ຢັ້ງຢືນໄດ້ຕາມຄວາມເປັນຈິງຂອງປະເທດເຮົາ; ເອົາໃຈໃສ່ໃນການຕິດຕາມຄວາມຄືບໜ້າຂອງ ສປປ ລາວ ຕາມເງື່ອນໄຂການຫຼຸດພົ້ນຈາກສະຖານະພາບປະເທດດ້ອຍພັດທະນາໃນປີ 2020, ຂຸ້ນຂ້ຽວດຳເນີນການກະກຽມເກັບກຳ ແລະ ສຳຫຼວດສະຖິຕິກະສິກຳຄັ້ງທີ III ແລະ ເສດຖະກິດທົ່ວປະເທດຄັ້ງທີ III ຂອງ ສປປ ລາວ. ເລັ່ງໃສ່ສຶກສາຄົ້ນຄວ້າບັນດາຫົວຂໍ້ວິທະຍາສາດໃນການຮັບໃຊ້ໃຫ້ແກ່ການສ້າງແຜນພັດທະນາເສດຖະກິດ-ສັງຄົມຄັ້ງທີ IX (2021-2025) ໃຫ້ສຳເລັດຕາມກຳນົດໄວ້.

error: Content is protected !!