ນັກ​ລົງທຶນ​ຈີນ​ລົງ­ທຶນ 100 ລ້ານ​ໂດ​ລາ​ສະຫະລັດສ້າງ​ໂຮງ­ງານ​ຜະ­ລິດ​ຢາ​ໃນເຂດ​ກວມ​ລວມ​ໄຊ​ເສດ​ຖາ

- 002 - ນັກ​ລົງທຶນ​ຈີນ​ລົງ­ທຶນ 100 ລ້ານ​ໂດ​ລາ​ສະຫະລັດສ້າງ​ໂຮງ­ງານ​ຜະ­ລິດ​ຢາ​ໃນເຂດ​ກວມ​ລວມ​ໄຊ​ເສດ​ຖາ
- Untitled design - ນັກ​ລົງທຶນ​ຈີນ​ລົງ­ທຶນ 100 ລ້ານ​ໂດ​ລາ​ສະຫະລັດສ້າງ​ໂຮງ­ງານ​ຜະ­ລິດ​ຢາ​ໃນເຂດ​ກວມ​ລວມ​ໄຊ​ເສດ​ຖາ

  ພິທີ​ວາງ​ສີ​ລາ​ລືກ​ໂຄງການ​ກໍ່ສ້າງ​ໂຮງງານ​ຜະລິດ​ຢາທັນ​ສະ​ໄໝທີ່​ມີ​ມູນ​ຄ່າ 100 ລ້ານ​ໂດ​ລາ​ສະຫະລັດ ຂອງບໍລິສັດ ໂກ​ເດັນ​ວິດ​ສະ​ດອມ (ລາວ) ຈໍາ​ກັດ ຢູ່​ເຂດ​ພັດທະນາ​ກວມ​ລວມ​ໄຊ​ເສດ​ຖາ, ນະຄອນຫລວງ​ວຽງ​ຈັນ ​ໄດ້​ຈັດ​ຂຶ້ນ​ເມື່ອ​ບໍ່​ດົນ​ມາ​ນີ້, ໂດຍ​ມີ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫລວງ​ວຽງ​ຈັນ, ທ່ານ ບຸນ​ກອງ ສີ​ຫາ​ວົງ ລັດຖະມົນຕີ​ກະຊວງ​ສາທາລະນະສຸກ, ພ້ອມ​ດ້ວຍຜູ້​ລົງທຶນ ​ແລະ ພາກສ່ວນ​ກ່ຽວຂ້ອງ​​ຕ່າງໆເຂົ້າ​ຮ່ວມຢ່າງ​ພ້ອມພຽງ.

  ທ່ານ ຈາງ​ຊົງ​ຕີ້ ປະທານ​ກຸ່ມ​ບໍລິສັດ ໂກ​ເດັນ​ວິດ​ສະ​ດອມ ຮົງ​ກົງ ກ່າວ​ວ່າ: ບໍລິສັດ​ຜະລິດ​ຢາ​ໂກ​ເດັນ​ວິດ​ສະ​ດອມ (ລາວ) ຈໍາ​ກັດ ເປັນ​ບໍລິສັດຮ່ວມ​ທຶນ ລາວ​-​ຈີນ ​ລະຫວ່າງບໍລິສັດ​ຜະລິດ​ຢາ​ໂກ​ເດັນ​ວິດ​ສະ​ດອມ ຮົງ​ກົງ ແລະ ກຸ່ມ​ບໍລິສັດ IHC ລາວ, ມີ​ມູນ​ຄ່າ​ລົງທຶນ​ປະມານ 100 ລ້ານ​ໂດ​ລາສະຫະລັດ ຫລື 900 ກວ່າຕື້​ກີບ, ໃນ​ເນື້ອ​ທີ່ 100.000 ຕາ​ແມັດຢູ່​ເຂດ​ພັດທະນາ​ກວມ​ລວມ​ໄຊ​ເສດ​ຖາ, ​ໂດ​ຍການ​ກໍ່ສ້າງ​ແບ່ງ​ອອກ​ເປັນ 3 ​ໄລຍະ​ຄື: ໄລຍະ​ທີ 1 ​ແມ່ນກໍ່ສ້າງ​ອາຄານຕ່າງໆ ​ເຊັ່ນ: ສູນ​ວິໄຈ ແລະ ພັດທະນາ, ຫໍ​ພັກ, ຫ້ອງ​ອາຫານ ແລະ ພື້ນ​ທີ່​ສໍາ​ລັບ​ຈັດ​ກິດ​ຈະ​ກໍາ, ອາຄານ​ໂຮງງານ​ມາດຕະຖານ GMP 7 ຫລັງ, ​ເຊິ່ງຄາດ​ວ່າຈະ​ສໍາ​ເລັດ​ໃນ​ເດືອນມີ​ຖຸນາ 2020 ຈາກ​ນັ້ນ​ແມ່ນ​ສືບຕໍ່​ກໍ່ສ້າງ​ໄລຍະ 2 ​ແລະ 3.

  ບໍລິສັດ​ຜະລິດ​ຢາ​ໂກ​ເດັນ​ວິດ​ສະ​ດອມຮົງ​ກົງ ໄດ້​ຮ່ວມ​ຮຸ້ນ​ກັບ​ບໍລິສັດ​ຜະລິດ​ຢາ​ຂອງ ສປຈີນ​ ອີກຫລາຍ​ບໍລິສັດ, ປັດຈຸບັນ​ມີ​ຢາ​ຈີນທີ່​ໄດ້​ໃບຮັບ​ຮອງຫລາຍ​ກວ່າ 250 ລາຍການ ແລະ ໄດ້​ຮັບ​ການ​ຈົດ​ທະບຽນຫລາຍ​ກວ່າ 100 ລາຍການ ເກືອບ​ຄົບ​ທຸກ​ປະເພດທັງ​ຢາເມັດ, ຢາ​ເຄັບ​ຊູນ, ຢາ​ຊະນິດ​ເປັນ​ຝຸ່ນ, ຢາ​ສັກ, ຜະລິດ​ຕະ​ພັນ​ຊີວະ​ພາບ, ຜະລິດ​ຕະ​ພັນ​ອາຫານ​ເສີມ, ອາຫານ​ເພື່ອ​ສຸຂະພາບ ແລະ ອື່ນໆ, ​ບໍລິສັດ ໂກ​ເດັນ​ວິດ​ສະ​ດອມ ໃຫ້​ຄວາມ​ສຳຄັນ​ເປັນ​ຢ່າງ​ຍິ່ງ​ໃນ​ການ​ປະກອບສ່ວນ​ໃນ​ຂໍ້​ລິ​ເລີ່ມ “ໜຶ່ງ​ແລວ​ ໜຶ່ງ​ເສັ້ນທາງ” ຂອງ​ປະທານ ສີ ຈິ້ນ ຜິງ ໂດຍ​ນໍາ​ໃຊ້​ເຕັກນິກ ແລະ ທຶນຮອນ​ຂອງ​ວິ​ສາ​ຫະ​ກິດ​ເອກະ​ຊົນ​ຈີນ ເພື່ອ​ຮ່ວມ​ກໍ່ສ້າງ ແລະ ພັດທະນາຕາມ​ຂໍ້​ລິ​ເລີ່ມ​ດັ່ງກ່າວໃນ ສປປ ລາວ.

- Wave100S AD to Website 2020 0 - ນັກ​ລົງທຶນ​ຈີນ​ລົງ­ທຶນ 100 ລ້ານ​ໂດ​ລາ​ສະຫະລັດສ້າງ​ໂຮງ­ງານ​ຜະ­ລິດ​ຢາ​ໃນເຂດ​ກວມ​ລວມ​ໄຊ​ເສດ​ຖາ

   ທ່ານ ສອນ​ປະເສີດ ດາລາ​ວົງ ຮອງ​ຫົວໜ້າ​ຫ້ອງການ​ສົ່ງເສີມ ແລະ ຄຸ້ມ​ຄອງ​ເຂດ​ເສດຖະກິດ​ພິເສດ, ກະຊວງ​ແຜນການ​ ແລະ​ ການ​ລົງທຶນ ກ່າວ​ວ່າ: ກິດຈະການກ່ຽວ​ກັບ​ການ​ຜະລິດ​ຢາ ແມ່ນ​ກິດຈະການ​ທີ່​​ລະບຸ​ໄວ້​ໃນ​ສັນຍາຮ່ວມ​ມື​ພັດທະນາ​ເຂດ​ກວມ​ລວມ​ໄຊ​ເສດ​ຖາ, ຊຶ່ງ​ມີ​ເນື້ອທີ່ 1.000 ເຮັກຕາ, ໄດ້​ຍົກ​ລະດັບ​ເປັນ​ເຂດ​ຮ່ວມ​ມື​ລະຫວ່າງລັດຖະບານລາວ ແລະ ລັດຖະບານຈີນ. ເຂດ​ດັ່ງກ່າວເປັນ​ການ​ຮ່ວມ​ທຶນ​ລະຫວ່າງລັດຖະບານລາວ ຕາງໜ້າໂດຍອົງການ​ປົກຄອງ​ນະຄອນຫລວງ​ວຽງ​ຈັນ ແລະ ບໍລິສັດ​ລົງທຶນ​ພັດທະນາຕ່າງປະເທດແຂວງ​ຢຸນ​ນານ ຈໍາ​ກັດ ຕາງໜ້າ​ໃຫ້​​ລັດຖະບານຈີນ ຊຶ່ງ​ເປົ້າ​ໝາຍ​ຂອງ​ການ​ພັດທະນາ ເພື່ອ​ສ້າງ​ໃຫ້​ເປັນ​ເຂດ​ອຸດ​ສາ​ຫະ​ກໍາ​ປຸງ​ແຕ່ງ​ກະ​ສິ​ກໍາ ແລະ ອຸດ​ສາ​ຫະ​ກໍາ​ເພື່ອ​ສົ່ງ​ອອກ, ເຂດ​ການ​ຄ້າ ແລະ ການ​ບໍລິການທີ່​ທັນ​ສະ​ໄໝ.

ທ່ານລັດຖະມົນຕີ​ກະຊວງ​ສາ​ທາ​ລະ​ນະ​ສຸກ ກ່າວ​ວ່າ: ໂຄງການ​ດັ່ງກ່າວເປັນ​ການ​ຂະຫຍາຍຕົວ​ດ້ານ​ອຸດ​ສາ​ຫະ​ກໍາ​ການ​ແພດ​ແບບ​ໃໝ່ ເປັນ​ໃບ​ໜ້າ​ອັນ​ໃໝ່ ໃນ​ການ​ປັບປຸງ​ຄຸນ​ນະ​ພາບ ແລະ​ ຫັນ​ເປັນ​ທັນ​ສະໄໝ ໃນ​ຂະແໜງ​ສາທາລະນະ​ສຸກ, ຊຶ່ງ​ເປັນ​ວຽກ​ໜຶ່ງ​ຂອງ​ຍຸດທະສາດ​ປະຕິ​ຮູບ​ດ້ານ​ສາທາລະນະ​ສຸກ​ຂອງ​ລາວ.

- WhatsApp Image 2020 05 27 at 5 - ນັກ​ລົງທຶນ​ຈີນ​ລົງ­ທຶນ 100 ລ້ານ​ໂດ​ລາ​ສະຫະລັດສ້າງ​ໂຮງ­ງານ​ຜະ­ລິດ​ຢາ​ໃນເຂດ​ກວມ​ລວມ​ໄຊ​ເສດ​ຖາ
- WhatsApp Image 2020 05 27 at 5 - ນັກ​ລົງທຶນ​ຈີນ​ລົງ­ທຶນ 100 ລ້ານ​ໂດ​ລາ​ສະຫະລັດສ້າງ​ໂຮງ­ງານ​ຜະ­ລິດ​ຢາ​ໃນເຂດ​ກວມ​ລວມ​ໄຊ​ເສດ​ຖາ
error: Alert: ເນື້ອຫາຂ່າວມີລິຂະສິດ !!