ສະພາແຫ່ງຊາດປະເມີນຜົນການປະຕິບັດໜ້າທີ່ຂອງບຸກຄະລາກອນດຳລົງຕຳແໜ່ງ

- advert banner 728 90 728x90 - ສະພາແຫ່ງຊາດປະເມີນຜົນການປະຕິບັດໜ້າທີ່ຂອງບຸກຄະລາກອນດຳລົງຕຳແໜ່ງ

 ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VIII ​ໃນ​ວັນ​ທີ 4 ທັນວາ​ນີ້, ​ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ເຊິ່ງໄດ້ລົງຄະແນນສຽງປະເມີນຜົນການປະຕິບັດໜ້າທີ່ຂອງບຸກຄະລາກອນດຳລົງຕ່ຳແໜ່ງທີ່ສະພາແຫ່ງຊາດເລືອກຕັ້ງ ແລະ ຮັບຮອງການແຕ່ງຕັ້ງລວມທັງໝົດ 69 ທ່ານ. ໃນນັ້ນຢູ່ຂົງເຂດສະພາແຫ່ງຊາດ 30 ທ່ານ, ຂົງເຂດບໍລິຫານລັດ 28 ທ່ານ, ຂົງເຂດຕຸລາການ ແລະ ກວດສອບແຫ່ງລັດ 11 ທ່ານ. ສ່ວນຜົນການປະເມີນ​ແມ່ນຈະໄດ້ສະເໜີໃນວາລະສຸດທ້າຍຂອງການດຳເນີນກອງປະຊຸມ​ໃນວັນທີ 6 ທັນວານີ້.

- new3 - ສະພາແຫ່ງຊາດປະເມີນຜົນການປະຕິບັດໜ້າທີ່ຂອງບຸກຄະລາກອນດຳລົງຕຳແໜ່ງ

  ທ່ານພົນໂທ ແສງນວນ ໄຊຍະລາດ ຮອງປະທານສະພາແຫ່ງຊາດ ກ່າວວ່າ: ສຳລັບເງື່ອນໄຂ ແລະ ມາດຖານ ໃນການປະເມີນບຸກຄະລາກອນ ປະກອບມີຄື: ຄຸນທາດການເມືອງ ແລະ ຄຸນສົມບັດສິນທຳປະຕິວັດ, ຊື່ສັດບໍລິສຸດຕໍ່ປະເທດຊາດ, ຕໍ່ປະຊາຊົນ, ຕໍ່ລະບອບປະຊາທິປະໄຕປະຊາຊົນ, ຄວາມເປັນແບບຢ່າງໃນການຈັດຕັ້ງປະຕິບັດແນວທາງນະໂຍບາຍຂອງພັກ ແລະ ກົດໝາຍຂອງລັດໃນການດຳລົງຊີວິດ, ມີຄວາມຮູ້ຄວາມສາມາດ ແລະ ປະສົບການ,  ຄວາມຮູ້ໃນວຽກງານທີ່ຕົນຮັບຜິດຊອບ, ມີຄວາມສາມາດໃນການຈັດຕັ້ງຜັນຂະຫຍາຍແນວທາງນະໂຍບາຍແຜນພັດທະນາລວມຂອງພັກ-ລັດຖະບານ ແລະ ສະພາແຫ່ງຊາດ ຊຶ່ງເປັນແຜນການວຽກງານອັນລະອຽດທີ່ຕົນຮັບຜິດຊອບ ກໍຄື ປະສົບການໃນການຈັດຕັ້ງປະຕິບັດວຽກງານຕົວຈິງ, ມີຜົນສຳເລັດຕົວຈິງໃນການປະຕິບັດໜ້າທີ່, ການປະຕິບັດໜ້າທີ່ບັນລຸຄາດໝາຍຕາມແຜນການທີ່ໄດ້ກຳນົດໄວ້ຢູ່ໃນຂະແໜງການທີ່ຕົນເອງຮັບຜິດຊອບຢ່າງມີປະສິດທິພາບ ແລະ ປະສິດທິຜົນ, ສຳເລັດໜ້າທີ່ວຽກງານທີ່ໄດ້ຮັບມອບໝາຍໂດຍກົງຈາກການຈັດຕັ້ງຂັ້ນເທິງ.

  ທ່ານພົນໂທ ແສງນວນ ໄຊຍະລາດ ກ່າວຕື່ມວ່າ: ກ່ຽວກັບວຽກທີ່ໄດ້ກະກຽມໃນໄລຍະຜ່ານມາ ເປັນຕົ້ນແມ່ນ ດ້ານເອກະສານການປະເມີນຜົນ, ຄຳແນະນຳການຂຽນບົດລາຍງານຂອງຜູ້ຖືກປະເມີນຜົນ, ການປະເມີນຜົນຂອງຜູ້ປະເມີນ, ລະບຽບການການປະເມີນຜົນຢູ່ກອງປະຊຸມ ແລະ ການຄົ້ນຄວ້າຢູ່ພາຍໃນໜ່ວຍ. ພ້ອມນັ້ນ, ຍັງໄດ້ອອກຂໍ້ຕົກລົງວ່າດ້ວຍການແຕ່ງຕັ້ງຄະນະຄວບຄຸມການໃຫ້ຄະແນນ, ຂໍ້ຕົກລົງວ່າດ້ວຍການແບ່ງໜ່ວຍຄົ້ນຄວ້າບົດລາຍງານຂອງບຸກຄະລາກອນທີ່ຖືກປະເມີນຜົນ, ຂໍ້ຕົກລົງແຕ່ງຕັ້ງກອງເລຂາຊ່ວຍວຽກ ແລະ ໄດ້ຈັດສຳມະນາກ່ຽວກັບການປະເມີນຜົນ ໂດຍການຮ່ວມມືລະຫວ່າງສະພາແຫ່ງຊາດ ກັບຄະນະສະມາຊິກສະພາປະຈຳເຂດເລືອກຕັ້ງ ແລະ ສະມາຊິກສະພາປະຊາຊຂົນຂັ້ນແຂວງ.

- lattana 1 - ສະພາແຫ່ງຊາດປະເມີນຜົນການປະຕິບັດໜ້າທີ່ຂອງບຸກຄະລາກອນດຳລົງຕຳແໜ່ງ

    ການປະເມີນບຸກຄະລາກອນດຳລົງຕຳແໜ່ງທີ່ສະພາແຫ່ງຊາດເລືອກຕັ້ງ ແລະ ຮັບຮອງການແຕ່ງຕັ້ງ 69 ທ່ານໃນຄັ້ງນີ້, ແມ່ນປະຕິບັດ​ຕາມກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍການຕິດຕາມກວດກາຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ, ອີງໃສ່ມະຕິສະບັບເລກທີ 104/ຄປຈ ລົງວັນທີ 21/6/2019 ຂອງຄະນະປະຈໍາສະພາແຫ່ງຊາດວ່າດ້ວຍການປະເມີນຜົນ, ອີງໃສ່ມະຕິສະບັບເລກທີ 129/ຄປຈ ລົງວັນທີ 20/8/2019 ຂອງຄະນະປະຈໍາສະພາແຫ່ງຊາດວ່າດ້ວຍການແຕ່ງຕັ້ງຄະນະຮັບຜິດຊອບການປະເມີນຜົນ.

error: Content is protected !!