ເຖິງເວລາໃຫ້ຈີດີພີ(GDP) ຕ້ອງພັກຜ່ອນ.

- 11 1 - ເຖິງເວລາໃຫ້ຈີດີພີ(GDP) ຕ້ອງພັກຜ່ອນ.
- 174233 - ເຖິງເວລາໃຫ້ຈີດີພີ(GDP) ຕ້ອງພັກຜ່ອນ.

ໂດຍ: ມຶກບໍ່ແຫ້ງ

ຈີດີພີແມ່ນຕົວຊີ້ວັດທາງດ້ານເສດຖະກິດທີ່ທົ່ວໂລກນຳໃຊ້ມາຍາວນານ, ແຕ່ມາຮອດປັດຈຸບັນໄດ້ມີຫລັກຖານອ້າງອີງຫລາຍຢ່າງວ່າຈີດີພີນັ້ນບໍ່ອາດແມ່ນຕົວຊີ້ວັດທີ່ດີອີກຕໍ່ໄປ.

ຄວາມຈິງແລ້ວ, ຜູ້ຂຽນໄດ້ແລກປ່ຽນນຳຜູ້ອ່ານມາແລ້ວກ່ຽວກັບເລື່ອງຈີດີພີທີ່ບໍ່ແມ່ນຄວາມໄຝ່ຝັນຂອງບັນດາປະຊາຊົນຜູ້ທີ່ອີງອາໄສທຳມະຊາດຫລືແມ່ນແຕ່ກຸ່ມຜູ້ດ້ອຍໂອກາດຢູ່ໃນເມືອງ, ເພາະສະນັ້ນມັນເປັນເລື່ອງທີ່ແປກປະຫລາດວ່າເປັນຫຍັງໂລກຂອງພວກເຮົາສືບຕໍ່ເອົາຈີດີພີເປັນຕົວຊີ້ວັດເລື້ອຍມາ.

ຜູ້ຂຽນໄດ້ອ່ານບົດຄວາມໜຶ່ງຂອງສຳນັກຂ່າວກາດດຽນ(the guardian) ທີ່ເພິ່ນໄດ້ແລກປ່ຽນເລື່ອງນີ້,ເຊິ່ງເປັນທີ່ໜ້າສົນໃຈຫລາຍບັນຫາ.

ໃນໂລກນີ້,ບັນຫາທີ່ເປັນວິກິດແມ່ນມີສາມເລື່ອງໃຫຍ່ຄື: ການປ່ຽນແປງດິນຟ້າອາກາດ, ຄວາມບໍ່ສະເໝີພາບແລະເລື່ອງການເມືອງ, ເຊິ່ງບັນດາວິກິດດັ່ງກ່າວແມ່ນລ້ວນແລ້ວພົວພັນເຖິງເສດຖະກິດທີ່ພວກເຮົາຄວນມີເຄື່ອງມືທີ່ດີກວ່າໃນການປະເມີນ.

- Wave100S AD to Website 2020 0 - ເຖິງເວລາໃຫ້ຈີດີພີ(GDP) ຕ້ອງພັກຜ່ອນ.

ມາດຕະຖານໃນການວັດແທກເສດຖະກິດຄືຈີດີພີເຊິ່ງໝາຍເຖິງຜະລິດຕະພັນລວມພາຍໃນ, ເຊິ່ງລວມເອົາມູນຄ່າຂອງສິນຄ້າແລະການບໍລິການພາຍໃນປະເທດໃນໄລຍະໃດໜຶ່ງ, ເຊິ່ງຮູບແບບການວັດແທກໄດ້ມີມາຈົນກວ່າໂລກພວກເຮົາພົບພໍ້ກັບວິກິດທາງດ້ານການເງິນໃນປີ 2008​ທີ່ໄດ້ສະແດງໃຫ້ເຫັນເຖິງຄວາມບົກຜ່ອງຂອງເຄື່ອງດັ່ງກ່າວ.

ໃນແຖບອາຊີຕາເວັນອອກສຽງໃຕ້ແລະທະວີບເອີລົບແມ່ນໄດ້ຮັບຜົນກະທົບຫລາຍສົມຄວນ, ເຊິ່ງເຮັດໃຫ້ມີໄພວ່າງງານ, ຄວາມທຸກຍາກໄລຍະຍາວແລະເສດຖະກິດທົດຖອຍຢ່າງໜ້າເປັນຫ່ວງແລະພາຍຫລັງວິກິດດັ່ງກ່າວພວກເຮົາຍັງບໍ່ທັນເຂັດຫລາບແລະຍັງບໍ່ຮູ້ວ່າວິກິດຍ້ອນເຄື່ອງມືນີ້ຈະເກີດຂຶ້ນອີກມື້ໃດ.

ຖ້າເສດຖະກິດພວກເຮົາເຕີບໂຕຢ່າງວ່ອງໄວ, ແຕ່ອາດບໍ່ຍືນຍົງເພາະວ່າການເຕີບໂຕນັ້ນແລກມາກັບຜົນເສຍຫາຍທາງດ້ານສິ່ງແວດລ້ອມແລະບັນດາຊັບພະຍາກອນທຳມະຊາດເຫລົ່ານັ້ນກຳລັງເຫືອດແຫ້ງໄປນັບມື້, ແຕ່ຈີດີພີບໍ່ໄດ້ຮວມເອົາເລື່ອງການແທກທາງດ້ານຄວາມເສຍຫາຍຂອງສິ່ງແວດລ້ອມ, ມີພຽງແຕ່ຮູບພາບສວຍງາມຂອງບັນດາຕົວເລກເຫລົ່ານັ້ນ, ເຊິ່ງເປັນຈະແຈ້ງແລ້ວວ່າສິ່ງໃດໜຶ່ງທີ່ເປັນພື້ນຖານໃນເຄື່ອງມືວັດແທກນີ້ມີອັນຜິດພາດ, ພວກເຮົາໃຊ້ເຄື່ອງມືວັດແທກທີ່ບໍ່ເໝາະສົມນັ້ນກໍສະແດງວ່າພວກເຮົາກຳລັງເຮັດໃນສິ່ງທີ່ບໍ່ເໝາະສົມ.

ມາຮອດປັດຈຸບັນ, ພວກເຮົາມີຄວາມກ້າວໜ້າທາງດ້ານເຕັກໂນໂລຊີຢ່າງຫລວງຫລາຍທີ່ສາມາດຊ່ວຍພວກເຮົາວັດແທກຜົນການຈັດຕັ້ງປະຕິບັດທາງດ້ານເສດຖະກິດໄດ້ດີຂຶ້ນ, ດັ່ງທ່ານເອງເຈລກູເຣຍ (Angel Gurria)ຫົວໜ້າອົງການການພັດທະນາແລະການຮ່ວມມືທາງດ້ານເສດຖະກິດເວົ້າວ່າ: “ມີແຕ່ເຄື່ອງມືທີ່ສາມາດສະທ້ອນໃຫ້ເຫັນຊີວິດການເປັນຢູ່ຂອງປະຊາຊົນເທົ່ານັ້ນ, ຈຶ່ງຈະເຮັດໃຫ້ພວກເຮົາສາມາດອອກແບບແລະຈັດຕັ້ງນະໂຍບາຍທີ່ດີກວ່າເກົ່າເພື່ອຊີວິດທີ່ດີກວ່າ”.

- WhatsApp Image 2020 05 27 at 5 - ເຖິງເວລາໃຫ້ຈີດີພີ(GDP) ຕ້ອງພັກຜ່ອນ.
- WhatsApp Image 2020 05 27 at 5 - ເຖິງເວລາໃຫ້ຈີດີພີ(GDP) ຕ້ອງພັກຜ່ອນ.
- WhatsApp Image 2020 05 27 at 5 - ເຖິງເວລາໃຫ້ຈີດີພີ(GDP) ຕ້ອງພັກຜ່ອນ.
- WhatsApp Image 2020 05 27 at 5 - ເຖິງເວລາໃຫ້ຈີດີພີ(GDP) ຕ້ອງພັກຜ່ອນ.
error: Alert: Content is protected !!